10

എ​ട​ത്വ: കാ​ല​വ​ര്‍​ഷം ക​ന​ത്ത​തോ​ടെ കു​ട്ട​നാ​ട്ടി​ല്‍ ജ​ല​നി​ര​പ്പ് ഉ​യ​ര്‍​ന്നു. സ​ര്‍​വീ​സ് റോ​ഡു​ക​ളി​ല്‍ വെ​ള്ളം ക​യ​റി. ക​ഴി​ഞ്ഞദി​വ​സ​ങ്ങ​ളി​ല്‍ പെ​യ്ത ക​ന​ത്ത മ​ഴ​യും കി​ഴ​ക്ക​ന്‍ വെ​ള്ള​ത്തി​ന്‍റെ വ​ര​വുമാ​ണ് കു​ട്ട​നാ​ട്ടി​ല്‍ ജ​ല​നി​ര​പ്പ് ഉ​യ​ര്‍​ന്ന​ത്. ന​ദി​ക​ളി​ലും തോ​ടു​ക​ളി​ലും ഒ​ന്ന​ര അ​ടി​യി​ലേ​റെ വെ​ള്ളം ഉ​യ​ര്‍​ന്നി​രു​ന്നു.

കു​ട്ട​നാ​ട്ടി​ല്‍ വെ​ള്ളം ഉ​യ​ര്‍​ന്ന​തോ​ടെ കി​ട​ങ്ങ​റ- നീ​രേ​റ്റു​പു​റം റോ​ഡി​ല്‍ മു​ട്ടാ​ര്‍ സൗ​ഹൃ​ദ​യ ജം​ഗ്ഷ​നു സ​മീ​പ​ത്തും താ​ഴ്ന്ന പ്ര​ദേ​ശ​ങ്ങ​ളി​ലെ ഗ്രാ​മീ​ണ റോ​ഡു​ക​ളി​ലും വെ​ള്ളം ക​യ​റി. സൗ​ഹൃ​ദ​യ ജം​ഗ്ഷ​നു സ​മീ​പം റോ​ഡ് ക​ര​ക​വി​ഞ്ഞ് ഒ​ഴു​കാ​ന്‍ തു​ട​ങ്ങി. വെ​ള്ളം വീ​ണ്ടും ഉ​യ​ര്‍​ന്നാ​ല്‍ ഗ​താ​ഗ​തം ത​ട​സ​പ്പെ​ടാ​ന്‍ സാ​ധ്യ​ത​യു​ണ്ട്.

മു​ന്‍​കാ​ല​ങ്ങ​ളി​ല്‍ മു​ട്ടാ​ര്‍-​കി​ട​ങ്ങ​റ റോ​ഡ് വെ​ള്ള​ത്തി​ല്‍ മു​ങ്ങു​ന്ന​ത് പ​തി​വാ​യി​രു​ന്നു. ഇ​തി​നെ​തി​രേ നാ​ട്ടു​കാ​ര്‍ സം​ഘ​ടി​ച്ച് പ​ല​ത​വ​ണ പ്ര​തി​ഷേ​ധം ന​ട​ത്തി​യെ​ങ്കി​ലും റോ​ഡ് ഉ​യ​ര്‍​ത്താ​ന്‍ മു​ന്‍ സ​ര്‍​ക്കാ​ര്‍ യാ​തൊ​രു ന​ട​പ​ടി​യും സ്വീ​ക​രി​ച്ചി​രു​ന്നി​ല്ല.

മ​ഴ​യും കി​ഴ​ക്ക​ന്‍ വെ​ള്ള​വും എ​ത്തു​ന്ന​തോ​ടെ അ​പ്പ​ര്‍ കു​ട്ട​നാ​ട്ടി​ലാ​ണ് വെ​ള്ളം ആ​ദ്യം ഉ​യ​രു​ന്ന​ത്. ഇ​ക്കു​റി തോ​ട്ട​പ്പ​ള്ളി പൊ​ഴി മു​ന്‍​കൂ​ട്ടി മു​റി​ച്ച​തി​നാ​ല്‍ അ​പ്പ​ര്‍ കു​ട്ട​നാ​ട്ടി​ല്‍ ജ​ല​നി​ര​പ്പ് പി​ടി​വി​ട്ട് ഉ​യ​ര്‍​ന്നി​ട്ടി​ല്ല. വ​രും ദി​വ​സ​ങ്ങ​ളി​ല്‍ മ​ഴ ശ​ക്ത​മാ​യാ​ല്‍ അ​പ്പ​ര്‍ കു​ട്ട​നാ​ടും മു​ങ്ങാ​ന്‍ സാ​ധ്യ​ത​യു​ണ്ട്.

ജ​ലാ​ശ​യ​ങ്ങ​ളി​ലെ ആ​ഴം​കൂ​ട്ട​ല്‍ പ​ദ്ധ​തി സ​മ​യ​ബ​ന്ധി​ത​മാ​യി ന​ട​ന്നി​രു​ന്നെ​ങ്കി​ല്‍ അ​പ്പ​ര്‍-​ലോ​വ​ര്‍ കു​ട്ട​നാ​ട്ടി​ല്‍ ജ​ല​നി​ര​പ്പ് ഒ​രു​പ​രി​ധിവ​രെ പി​ടി​ച്ചുനി​ര്‍​ത്താ​ന്‍ ക​ഴി​യു​മാ​യി​രു​ന്നു. ര​ണ്ടാം കു​ട്ട​നാ​ട് പാ​ക്കേ​ജി​ല്‍ ഉ​ള്‍​പ്പെ​ടു​ത്തി​ ആ​ഴം കൂ​ട്ട​ല്‍ പ​ദ്ധ​തി പു​തി​യ എം​എ​ല്‍​എ പ്രാ​വ​ര്‍​ത്തി​ക​മാ​ക്കു​മെ​ന്നാ​ണ് ജ​ന​ങ്ങ​ളു​ടെ പ്ര​ത്യാ​ശ.

Tags : Nattuvishesham Local news Water level rises Kuttanad