നെഹ്റു സ്മാരക സ്റ്റേഡിയം ചളിക്കുളമായ നിലയില്.
പെരിന്തല്മണ്ണ: നഗരസഭയ്ക്ക് കീഴിലെ നെഹ്റു സ്മാരക സ്റ്റേഡിയം സംരക്ഷണമില്ലാതെ നശിക്കുന്നു. രണ്ട് സര്ക്കാര് സ്കൂളുകളുടെ കളിക്കളമായി ഉപയോഗിക്കുന്ന സ്റ്റേഡിയത്തിനാണ് ഈ ദുരവസ്ഥ. സ്റ്റേഡിയത്തിന്റെ പടിഞ്ഞാറും വടക്കും ഭാഗങ്ങളിലായി പവിലിയനുണ്ട്.
ക്ലബുകള് നഗരസഭയ്ക്ക് വാടക നല്കി മുന്പ് അഖിലേന്ത്യ ഫുട്ബോള് മത്സരങ്ങള് സംഘടിപ്പിച്ചിരുന്നു. സ്റ്റേഡിയത്തിന്റെ സുരക്ഷിതത്വത്തിനായി കാദറലി ക്ലബ്ബ് ടൗണ് ഹാള് റോഡ് ഭാഗത്ത് പ്രധാന ഗേറ്റ് നിര്മിച്ചിരുന്നു.
വാഹനം ഇടിച്ചുതകര്ന്ന ഗേറ്റിന്റെ നല്ലൊരു ഭാഗവും നിലവില് കാണാനില്ല. ടൗണ് ഹാളിലെത്തുന്ന വാഹനങ്ങള് പലപ്പോഴും അനധികൃതമായി സ്റ്റേഡിയത്തില് നിര്ത്തിയിടാറുണ്ട്. വെളിച്ചം ഇല്ലാത്തതിനാല് സ്റ്റേഡിയം രാത്രിയില് സാമൂഹിക വിരുദ്ധരുടെ താവളവുമാണ്. മഴ പെയ്തതോടെ മൈതാനം കാളപൂട്ട് കണ്ടത്തിന്റെ അവസ്ഥയിലാണ്.
Tags : Local News Nattuvishesham Malappuram