വന്യജീവി ആക്രമണവുമായി ബന്ധപ്പെട്ട് കാളികാവ് ബ്ലോക്ക് പഞ്ചായത്തിൽ ചേർന്ന യോഗം.
കാളികാവ്: വന്യജീവി ആക്രമണംമൂലം കർഷകരും പൊതുജനങ്ങളും നേരിടുന്ന ദുരിതങ്ങൾ കുറയ്ക്കുന്നതിന്റെ ഭാഗമായി കാട്ടുപന്നി ശല്യം നിയന്ത്രിക്കാൻ കാളികാവ് ബ്ലോക്ക് പഞ്ചായത്തിന്റെ നേതൃത്വത്തിൽ ഡ്രൈവ് ഹണ്ടിന് തീരുമാനം. ഗ്രാമപഞ്ചായത്തുകൾ, വനംവകുപ്പ്, എംപാനൽ ലൈസൻസ് ഷൂട്ടർമാർ എന്നിവരെ ഉൾപ്പെടുത്തി സംയുക്ത ഡ്രൈവ് ഹണ്ട് നടത്താനാണ് തീരുമാനം.
ഇതിനായുള്ള ഏകോപനയോഗം കാളികാവ് ബ്ലോക്ക് പഞ്ചായത്തിൽ ചേർന്നു. ബ്ലോക്ക് പഞ്ചായത്ത് പ്രസിഡന്റ് വി. പി. ജസീറ അധ്യക്ഷത വഹിച്ചു. യോഗത്തിൽ ബ്ലോക്ക് പഞ്ചായത്ത് വൈസ് പ്രസിഡന്റ് കേമ്പിൽ രവി, ഗ്രാമപഞ്ചായത്ത് പ്രസിഡന്റുമാരായ ഉണ്ണീൻകുട്ടി, രമാദേവി, ശാന്ത ഗോപാലൻ, ജസീന, റേഞ്ച് ഫോറസ്റ്റ് ഓഫീസർ പി.ടി. മുബഷിർ,
കരുവാരകുണ്ട് ഫോറസ്റ്റ് സ്റ്റേഷൻ ഹൗസ് ഓഫീസർ എസ്. നുജും, സെക്ഷൻ ഫോറസ്റ്റ് ഓഫീസർമാരായ ടെൽസൺ എം. തോമസ്, ടി.പി. ദിലീപ്, എൻ. പ്രശാന്ത്, എംപാനൽ ലൈസൻസ് ഷൂട്ടർ സക്കീർ ഹുസൈൻ, ബ്ലോക്ക് പഞ്ചായത്ത് അംഗങ്ങളായ റഫീഖ, എം. ഫിയാസ്, നാസർ, സലീന, മെഹറുന്നീസ, വിവിധ പഞ്ചായത്തിൽനിന്നുള്ള സെക്രട്ടറിമാർ എന്നിവർ പങ്കെടുത്തു.
Tags : Local News Nattuvishesham Malappuram