എൽസീന സനാറ്റന് സൗസ.
പത്തനംതിട്ട: ദക്ഷിണേന്ത്യയിലെ വിവിധ കേന്ദ്രങ്ങളില് നിന്ന് കേരളത്തിലേക്ക് മയക്കുമരുന്ന് കടത്തുന്ന സംഘത്തിലെ മുഖ്യ കണ്ണിയായ യുവതിയെ റാന്നി - പെരുനാട് പോലീസ് ഉത്തര കന്നടയിലെ അങ്കോളയില് നിന്ന് അറസ്റ്റ് ചെയ്തു. കര്ണാടകയിലെ ഉത്തരകന്നട അങ്കോളയില് താമസിച്ചുവന്നിരുന്ന എല്സീന സനാറ്റന് സൗസ(35) ആണ് അറസ്റ്റിലായത്.
കഴിഞ്ഞ മാര്ച്ച് 10ന് വടശേരിക്കരയില് നിന്ന് പശ്ചിമബംഗാള് സ്വദേശിയായ പര്ഗാനാസ് ജില്ലയില് ബുദ്ധദേബ് ബിശ്വാസ് (28)നെ 30 ഗ്രാം എംഡിഎംഎയുമായി പെരുനാട് പോലീസ് അറസ്റ്റ് ചെയ്തിരുന്നു. ഇതിനു പിന്നാലെ എംഡിഎംഎ എത്തിച്ച് നല്കുന്ന സംഘത്തെക്കുറിച്ച് അന്വേഷിക്കാൻ ജില്ലാ പോലിസ് മേധാവി ആർ. ആനന്ദ് നിര്ദ്ദേശം നല്കി.
തുടര്ന്ന് ജില്ലാ നാര്ക്കോട്ടിക്ക് സെല് ഡിവൈഎസ്പി കെ.എസ്. പ്രകാശ്, റാന്നി ഡിവൈഎസ്പി സ്റ്റുവര്ട്ട് കീലര് എന്നിവരുടെ മേല്നോട്ടത്തില് പെരുനാട് എസ്എച്ച്ഒ ആർ. റോയിയുടെ നേതൃത്വത്തില് എസ്ഐടി രൂപീകരിച്ച് നടത്തിയ അന്വേഷണത്തിലാണ് യുവതിയിലേക്ക് എത്തിയത്. സി പി ഒമാരായ വിജീഷ്, രാഹുൽ, ഗൗരി എന്നിവരും അന്വേഷണ സംഘത്തിലുണ്ടായിരുന്നു.
Tags : Local News Nattuvishesham Pathanamthitta