4

കു​ട്ടി​ക​ളി​ൽ ത​ല​വേ​ദ​ന പ​ല​ കാര​ണ​ങ്ങ​ൾ​ കൊ​ണ്ടാണ് ഉണ്ടാകു​ന്ന​ത്. ടെ​ൻ​ഷ​നും സ്ട്രെ​സും മൂ​ല​മു​ണ്ടാ​കു​ന്ന ത​ല​വേ​ദ​ന​യാ​ണ് മു​ഖ്യ​സ്ഥാ​ന​ത്ത് കാ​ണു​ന്ന​ത്.

പ​ല​പ്പോ​ഴും ആ​ദ്യ​കാ​ല​ങ്ങ​ളി​ൽ ക​ണ്ടു​പി​ടി​ക്ക​പ്പെ​ടാ​തെ​പോ​കു​ന്ന കാ​ഴ്ച​ത്ത​ക​രാ​റു​ക​ൾ മൂ​ല​മു​ള്ള ത​ല​വേ​ദ​ന​യാ​ണ് ര​ണ്ടാം സ്ഥാ​ന​ത്ത്.

മൂ​ന്നാം സ്ഥാ​ന​ത്താ​ണ് മൈ​ഗ്രേ​ൻ അ​ഥ​വാ കൊ​ടി​ഞ്ഞി.

സ്ട്രെസ് അമിതമായാൽ

പ​ഠ​ന​വും പ​രീ​ക്ഷ​യു​മു​ണ്ടാ​ക്കു​ന്ന അ​മി​ത സ്ട്രെ​സി​നെ അ​തി​ജീ​വി​ക്കാ​ൻ കെ​ൽ​പ്പി​ല്ലാ​ത്ത കു​ട്ടി​ക​ൾ​ക്കാ​ണ് പ്ര​ധാ​ന​മാ​യി ടെ​ൻ​ഷ​ൻ ഹെ​ഡെ​യ്ക് ഉ​ണ്ടാ​കു​ന്ന​ത്.

37-51 ശ​ത​മാ​നം കു​ട്ടി​ക​ൾ​ക്കും ഇ​ത്ത​ര​ത്തി​ലു​ള്ള ത​ല​വേ​ദ​ന​യു​ണ്ടാ​കു​ന്ന​താ​യി നാ​ഷ​ണ​ൽ ഹെ​ഡെ​യ്ക് ഫൗ​ണ്ടേ​ഷ​ൻ ന​ട​ത്തി​യ ഗ​വേ​ഷ​ണ​ങ്ങ​ൾ തെ​ളി​യി​ക്കു​ന്നു.

കുട്ടികളിലെ മൈഗ്രേൻ

കു​ട്ടി​ക​ളി​ൽ ഉ​ണ്ടാ​കു​ന്ന മൈ​ഗ്രേ​ൻ പ​ല​വി​ധ​മാ​ണ്. സാ​ധാ​ര​ണ (3.5-10 ശ​ത​മാ​നം), ബാ​സി​ലാ​ർ മൈ​ഗ്രേ​ൻ 3-19 ശ​ത​മാ​നം, വ​യ​റു​മാ​യി ബ​ന്ധ​പ്പെ​ട്ടു​ണ്ടാ​കു​ന്ന അ​ബ്ഡൊ​മി​ന​ൽ മൈ​ഗ്രേ​ൻ (20 ശ​ത​മാ​നം), ഛർ​ദി​യോ​ടു​കൂ​ടി​യ മൈ​ഗ്രേ​ൻ (0.02 ശ​ത​മാ​നം).

ആ​റു​മു​ത​ൽ പ​തി​ന​ഞ്ചു വ​രെ വ​യ​സു​ള്ള കു​ട്ടി​ക​ളി​ൽ നാ​ലു ശ​ത​മാ​നം പേ​ർ​ക്കും ഹൈ​സ്കൂ​ൾ വി​ദ്യാ​ർ​ഥി​ക​ളി​ൽ 10-23 ശ​ത​മാ​നം പേ​ർ​ക്കും പ​ല​പ്പോ​ഴാ​യി മൈ​ഗ്രേ​ൻ ഉ​ണ്ടാ​കു​ന്ന​താ​യി തെ​ളി​യു​ന്നു.

പാരമ്പര്യമായതും അല്ലാത്തതും

കു​ട്ടി​ക​ളി​ലു​ണ്ടാ​കു​ന്ന കൊ​ടി​ഞ്ഞി അ​ഥ​വാ ചെ​ന്നി​ക്കു​ത്തി​നെ ര​ണ്ടാ​യി തി​രി​ക്കാം. പാ​രമ്പ​ര്യ​വു​മാ​യി ബ​ന്ധ​പ്പെ​ട്ട കോ​മ​ണ്‍ മൈ​ഗ്രേ​നും പ്ര​കാ​ശ വ​ല​യ​മോ വ​ര​ക​ളോ നി​റ​ങ്ങ​ളോ കാ​ണു​ന്ന, ഭ​ക്ഷ​ണ അ​ല​ർ​ജി​യും ഛർ​ദി​യു​മു​ണ്ടാ​കു​ന്ന ക്ലാ​സി​ക് മൈ​ഗ്രേ​നും.

വിവരങ്ങൾ - ഡോ. ​ശു​ഭ ജോ​ർ​ജ് ത​യ്യി​ൽ
MBBS, MIHS, MNHF(USA),
ഹെഡ് എയ്ക് സ്പെഷലിസ്റ്റ്, കൊച്ചി.

Tags : headache family health