8

കൊല്ലം: ഇ.എൻ. സുരേഷ് ബാബുവിനെ പാലക്കാട് സിപിഎം ജില്ലാ സെക്രട്ടറി സ്ഥാനത്തുനിന്നും മാറ്റിയ നടപടിയിൽ പ്രതികരിക്കാൻ ഡിവൈഎഫ്ഐ സംസ്ഥാന അധ്യക്ഷ ചിന്ത ജെറോം. സിപിഎമ്മിന്‍റെ വിഷയങ്ങളിൽ ഇപ്പോൾ പ്രതികരിക്കുന്നില്ലെന്ന് അവർ വ്യക്തമാക്കി.

എന്നാൽ, സ്ത്രീകൾക്കെതിരെയുള്ള അതിക്രമങ്ങളിൽ എപ്പോഴും ശക്തമായ നിലപാടാണ് ഡിവൈഎഫ്ഐ സ്വീകരിച്ചിട്ടുള്ളതെന്നും ഇരയാക്കപ്പെട്ട സ്ത്രീകൾക്കൊപ്പം സംഘടന ഉറച്ചുനിൽക്കുമെന്നും ചിന്ത പറഞ്ഞു.

കേരളത്തിലെ യുഡിഎഫ് സർക്കാരിനെതിരെയും അവർ വിമർശനം ഉന്നയിച്ചു. സർക്കാരിന് ആർഎസ്എസിനോട് വലിയ പ്രീണനമാണുള്ളതെന്നും ബിജെപിയിലെ പ്രധാന പ്രവർത്തകർക്ക് ആരോഗ്യവകുപ്പിൽ ശ്രദ്ധേയമായ തസ്തികകൾ നൽകുകയാണെന്നും ചിന്ത ജെറോം ആരോപിച്ചു.

മന്ത്രി അറിയാതെയാണോ ആരോഗ്യവകുപ്പിലെ കാര്യങ്ങൾ നടക്കുന്നതെന്നും, സ്വന്തം പെങ്ങളുടെ രാഷ്ട്രീയത്തിന്‍റെ അതേ പാതയിലൂടെ സഹോദരനും സഞ്ചരിച്ചു തുടങ്ങിയോ എന്നും ചിന്ത ചോദിച്ചു.

Tags : SureshBabu CPM ChinthaJerome Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash