18

ടെ‌ഹ്റാൻ: ഇ​റാ​ൻ ത​ല​സ്ഥാ​ന​മാ​യ ടെ​ഹ്റാ​നെ വിറകൊള്ളിച്ച് ഇ​സ്ര​യേ​ൽ ശ​ക്ത​മാ​യ ആ​ക്ര​മ​ണം തു​ട​രു​ന്നു. മരണസംഖ്യ അറുനൂറിന് അടുത്തെത്തി. കുതിച്ചുകയറുകയാണ്. ആയിരത്തോളം പേർക്ക് പരിക്കേറ്റു. തന്ത്രപ്രധാന കേന്ദ്രങ്ങളൊക്കെ ആക്രമണ ഭീഷണിയിലാണ്.

ഇ​റാ​ന്‍റെ പ​ര​മോ​ന്ന​ത നേ​താ​വ് ആ​യ​ത്തു​ള്ള അ​ലി ഖ​മ​ന​യ്‌​യു​ടെ വ​ധ​ത്തി​നു പി​ന്നാ​ലെ, ഇ​റാ​ൻ അ​നു​കൂ​ല സം​ഘ​ട​ന​യാ​യ ഹി​സ്ബു​ള്ള ഇ​സ്ര​യേ​ലി​ലെ ഹൈ​ഫ ല​ക്ഷ്യ​മാ​ക്കി ഡ്രോ​ൺ ആ​ക്ര​മ​ണം ന​ട​ത്തി​യി​രു​ന്നു. ഇ​തി​ന്‍റെ തി​രി​ച്ച​ടി​യെ​ന്നോ​ണം ല​ബ​ന​നി​ലും ഇ​സ്ര​യേ​ൽ വ്യോ​മാ​ക്ര​മ​ണം ശ​ക്ത​മാ​ക്കിയിട്ടുണ്ട്.

അധികം നീളില്ല

നി​ല​വി​ലെ സൈ​നി​ക ന​ട​പ​ടി വ​ർ​ഷ​ങ്ങ​ളോ​ളം നീ​ളു​ന്ന ഒ​ന്നാ​കി​ല്ലെ​ന്ന് ഇ​സ്ര​യേ​ൽ പ്ര​ധാ​ന​മ​ന്ത്രി ബെ​ഞ്ച​മി​ൻ നെ​ത​ന്യാ​ഹു പ്ര​തി​ക​രി​ച്ചു. ആ​ക്ര​മ​ണം പെ​ട്ടെ​ന്നു​ള്ള​തും നി​ർ​ണാ​യ​ക​വു​മാ​കു​മെ​ന്നും അ​ദ്ദേ​ഹം ഫോ​ക്സ് ന്യൂ​സി​ന് ന​ൽ​കി​യ അ​ഭി​മു​ഖ​ത്തി​ൽ പ​റ​ഞ്ഞു.

ഇ​റാ​നെ​തി​രെ​യു​ള്ള നീ​ക്കം സൗ​ദി അ​റേ​ബ്യ​യും ഇ​സ്രയേ​ലും ത​മ്മി​ലു​ള്ള ബ​ന്ധം സാ​ധാ​ര​ണ നി​ല​യി​ലാ​ക്കാ​ൻ സ​ഹാ​യി​ക്കു​മെ​ന്നും നെ​ത​ന്യാ​ഹു പ്ര​ത്യാ​ശ പ്ര​ക​ടി​പ്പി​ച്ചു. നേ​ര​ത്തെ ഗാ​സ​യി​ലെ വം​ശ​ഹ​ത്യ​യെ​ത്തു​ട​ർ​ന്ന് സൗ​ദി അ​റേ​ബ്യ ​ച​ർ​ച്ച​ക​ളി​ൽനിന്നു പി​ന്മാ​റി​യി​രു​ന്നു.

കു​ടു​ങ്ങി ഇ​ന്ത്യ​ൻ വി​ദ്യാ​ർഥി​ക​ൾ

യു​ദ്ധം രൂ​ക്ഷ​മാ​യ​തോ​ടെ ഇ​റാ​നി​ലെ അ​രാ​ക് ന​ഗ​ര​ത്തി​ൽ ര​ണ്ട് ഇ​ന്ത്യ​ൻ മെ​ഡി​ക്ക​ൽ വി​ദ്യാ​ർ​ഥിക​ൾ കു​ടു​ങ്ങി​. ഹ​രി​യാ​ന​ നൂ​ഹ് സ്വ​ദേ​ശി​ക​ളാ​യ സി​യ ഉ​ർ റ​ഹ്മാ​ൻ (25), ഫ​ഹ​ദ് ഖാ​ൻ (22) എ​ന്നി​വ​രാ​ണു കുടുങ്ങിയത്. നി​ല​വി​ൽ അ​രാ​ക് ന​ഗ​രം ശാ​ന്ത​മാ​ണെ​ന്നു വി​ദ്യാ​ർ​ഥിക​ൾ പറയുന്നു.

Tags : Israeli attack war iran Tehran students trump us