17

ജീ​വ​ന്‍റെ നി​ല​നി​ൽ​പ്പി​നു ജ​ലം അ​ത്യാ​വ​ശ്യ​മാ​ണ്. എ​ന്നാ​ൽ, മ​നു​ഷ്യ​ന്‍റെ പാ​ദ​ങ്ങ​ൾ​ക്ക​ടി​യി​ൽ അ​തീ​വ ര​ഹ​സ്യ​മാ​യ മ​റ്റൊ​രു സു​പ്ര​ധാ​ന പ​ങ്കു കൂ​ടി ജ​ലം വ​ഹി​ക്കു​ന്നു​ണ്ട്. ഭൂ​വ​ൽ​ക്ക​ത്തി​നു തൊ​ട്ടു​താ​ഴെ​യു​ള്ള ക​ട്ടി​യു​ള്ള പാളിയായ 'മാ​ന്‍റ​ൽ' ദ​ശ​ല​ക്ഷ​ക്ക​ണ​ക്കി​നു വ​ർ​ഷ​ങ്ങ​ളാ​യി പ​തു​ക്കെ ച​ലി​ക്കു​ന്ന​ത് ഈ ​ജ​ല​ത്തിന്‍റെ സ​ഹാ​യ​ത്താ​ലാ​ണ്. ഈ ​പ്ര​ക്രി​യ​യാ​ണ് ടെ​ക്‌ടോണിക് പ്ലേ​റ്റു​ക​ളു​ടെ ച​ല​ന​ത്തെ ന​യി​ക്കു​ന്ന​ത്. ഇ​തു ഭൂ​മി​യു​ടെ കാ​ലാ​വ​സ്ഥ​യെ സ​മ​തു​ലി​ത​മാ​യി നി​ല​നി​ർ​ത്താ​ൻ സ​ഹാ​യി​ക്കു​ന്നുവത്രെ!

2,900 കിലോമീറ്റർ വരെ ആഴത്തിൽ?
ഭൂ​മി​യു​ടെ ആ​ഴങ്ങളിൽ ‌ജ​ലം കൃ​ത്യ​മാ​യി എ​വി​ടെ​യാ​ണു സം​ഭ​രി​ക്ക​പ്പെ​ട്ടി​രി​ക്കു​ന്ന​ത് എ​ന്ന​തി​നെ​ക്കു​റി​ച്ചും, എ​ങ്ങ​നെ അ​വി​ടെയെത്തി എ​ന്ന​തി​നെ​ക്കു​റി​ച്ചും ശാ​സ്ത്ര​ജ്ഞ​ർ കാ​ല​ങ്ങ​ളാ​യി ഗവേഷണം തുടരുകയാണ്. ഇതേക്കുറിച്ചു രണ്ടു വ്യത്യസ്ത നിഗമനങ്ങളാണുള്ളത്. ഭൂ​മി​യു​ടെ രൂ​പീ​ക​ര​ണ ഘ​ട്ട​ത്തി​ൽ ഛിന്ന​ഗ്ര​ഹ​ങ്ങ​ൾ വ​ഴി​യാ​ണു ജ​ലം എ​ത്തി​യ​തെ​ന്നു ഒ​രു വി​ഭാ​ഗം വാദിക്കുന്പോൾ, ആ​ദ്യ​കാ​ല​ത്ത് വ​ര​ണ്ട അ​വ​സ്ഥ​യി​ലാ​യി​രു​ന്ന മാ​ന്‍റ​ലിൽ പി​ൽ​ക്കാ​ല​ത്താ​ണു ജ​ലം രൂ​പ​പ്പെ​ട്ട​തെ​ന്നു മറ്റൊരു വിഭാഗം വാദമുയർത്തുന്നു. 'നേ​ച്ച​ർ ജി​യോ​സ​യ​ൻ​സ്' എ​ന്ന പ്ര​മു​ഖ സ​യ​ൻ​സ് ജേ​ണ​ലി​ൽ പ്ര​സി​ദ്ധീ​ക​രി​ച്ച പ​ഠ​ന​ത്തി​ൽ ഭൂ​മി​ക്ക​ടി​യി​ലെ അ​പൂ​ർ​വധാ​തു​ക്ക​ളി​ൽ വൻതോതിൽ ജ​ലമുണ്ടെന്നു വിവരിക്കുന്നു.

ഭൂ​മി​യു​ടെ അ​ന്ത​രീ​ക്ഷ​വും കാ​ലാ​വ​സ്ഥ​യും നി​ല​നി​ർ​ത്തു​ന്ന​തി​ൽ ഉ​പ​രി​ത​ല​ത്തി​ലെ ജലം മാ​ത്ര​മ​ല്ല, ഭൂ​മി​ക്ക​ടി​യി​ലെ മാ​ന്‍റ​ൽ പാ​ളി​യി​ലു​ള്ള ജ​ലാം​ശ​വും വ​ലി​യ പ​ങ്കു​വ​ഹി​ക്കു​ന്നു​ണ്ട്. ഭൂ​മി​യു​ടെ ഉ​പ​രി​ത​ല​ത്തി​ൽ നി​ന്ന് ഏ​ക​ദേ​ശം 660 മു​ത​ൽ 2,900 കി​ലോ​മീ​റ്റ​ർ വ​രെ ആ​ഴ​ത്തി​ൽ, മാ​ന്‍റ​ലി​നും ദ്രാ​വ​ക രൂ​പ​ത്തി​ലു​ള്ള ഔ​ട്ട​ർ കോ​റി​നും ഇ​ട​യി​ലു​ള്ള അ​തി​ർ​ത്തി​യി​ലാ​ണ് വ​ലി​യ തോ​തി​ൽ ജ​ലം സം​ഭ​രി​ക്ക​പ്പെ​ടാ​ൻ സാ​ധ്യ​ത​യു​ള്ള പു​തി​യ മേ​ഖ​ല ശാ​സ്ത്ര​ജ്ഞ​ർ തി​രി​ച്ച​റി​ഞ്ഞ​ത്.

പു​തി​യ ധാ​തു​ക്ക​ളു​ടെ ക​ണ്ടെ​ത്ത​ൽ
ഡ​യ​മ​ണ്ട് അ​ൻ​വി​ൽ സെ​ല്ലു​ക​ളും ലേ​സ​റു​ക​ളും ഉ​പ​യോ​ഗി​ച്ച് ഭൂ​മി​യു​ടെ ആ​ഴ​ങ്ങ​ളി​ലെ തീ​വ്ര​മാ​യ ചൂ​ടും സ​മ്മ​ർദവും ലാ​ബി​ൽ കൃ​ത്രി​മ​മാ​യി സൃ​ഷ്ടി​ച്ചാ​ണ് ഗ​വേ​ഷ​ക​ർ പ​ഠ​നം ന​ട​ത്തി​യ​ത്. ഈ ​പ​രീ​ക്ഷ​ണ​ങ്ങ​ളി​ലൂ​ടെ 'അ​യ​ൺ ഓ​ക്സി​ഹൈ​ഡ്രോ​ക്സൈ​ഡ്' എ​ന്ന് വി​ളി​ക്കു​ന്ന, ഇ​തു​വ​രെ അ​റി​യ​പ്പെ​ടാ​തി​രു​ന്ന പു​തി​യ ധാ​തു​ക്ക​ൾ രൂ​പ​പ്പെ​ടു​ന്ന​ത് ശാ​സ്ത്ര​ജ്ഞ​ർ ക​ണ്ടെ​ത്തി. വ​ള​രെ കു​റ​ഞ്ഞ അ​ള​വി​ൽ മാ​ത്ര​മാ​ണു ജലത്തിന്‍റെ സാ​ന്നി​ധ്യ​മു​ള്ള​തെ​ങ്കി​ലും, ഈ ​ധാ​തു​ക്ക​ൾ​ക്കു വ​ൻ​തോ​തി​ൽ ജ​ലം ത​ട​ഞ്ഞു​നി​ർ​ത്താ​നും വ​ലി​യ സ​മ്മ​ർദ​ത്തി​ലും സ്ഥി​ര​ത​യോ​ടെ നി​ല​നി​ൽ​ക്കാ​നും സാ​ധി​ക്കു​മെ​ന്നു വ്യ​ക്ത​മാ​യി​ട്ടു​ണ്ട്.

ജ​ല​ച​ക്ര​വും അ​ഗ്നി​പ​ർവ​ത​ങ്ങ​ളും
ഭൂ​മി​യു​ടെ ആ​ദ്യ​കാ​ല ച​രി​ത്ര​ത്തി​ൽ മ​ഗ്‌മ മ​ഹാ​സ​മു​ദ്രം ത​ണു​ത്തു​റ​ഞ്ഞ​പ്പോ​ൾ ത​ന്നെ ഈ ​അ​ത്യ​പൂ​ർ​വ ധാ​തു​ക്ക​ൾ രൂ​പ​പ്പെ​ടു​ക​യും കോ​റി​നു സ​മീ​പ​ത്തേ​ക്കു താ​ഴ്ന്നു​പോ​വു​ക​യും ചെ​യ്തി​ട്ടു​ണ്ടാ​കാ​മെ​ന്നാ​ണു ക​രു​ത​പ്പെ​ടു​ന്ന​ത്. എ​ന്നാ​ൽ ​ജലം ഭൂ​മി​ക്ക​ടി​യി​ൽ എ​ന്നെ​ന്നേ​ക്കു​മാ​യി ആണ്ടുകിടക്കുകയല്ല ചെ​യ്യു​ന്ന​ത്. മാ​ന്‍റ​ലി​ലെ പ​ദാ​ർ​ഥ​ങ്ങ​ൾ പ​തു​ക്കെ മു​ക​ളി​ലേ​ക്ക് ഉ​യ​രു​ക​യും സ​മ്മ​ർ​ദം കു​റ​യു​ക​യും ചെ​യ്യു​മ്പോ​ൾ, ഈ ​ധാ​തു​ക്ക​ൾ വി​ഘ​ടി​ച്ചു ജ​ലം പു​റ​ന്ത​ള്ള​പ്പെ​ടു​ക​യും അ​ഗ്നി​പ​ർ​വ​ത സ്ഫോ​ട​ന​ങ്ങ​ളി​ലൂ​ടെ​യും മ​റ്റും വീ​ണ്ടും ഉ​പ​രി​ത​ല​ത്തി​ലേ​ക്ക് എ​ത്തു​ക​യും ചെ​യ്യാം.

ശാ​സ്ത്രം പറയുന്നത്
ഭൂ​മി​യി​ൽ എ​ങ്ങ​നെ​യാ​ണ് ഇ​ത്ര​യ​ധി​കം ജലം രൂ​പ​പ്പെ​ട്ട​തെ​ന്നും, കാ​ല​ങ്ങ​ളാ​യി എ​ങ്ങ​നെ സം​ര​ക്ഷി​ക്ക​പ്പെ​ട്ടു​വെ​ന്നു​മു​ള്ള മ​ഹാ​ര​ഹ​സ്യം ചു​രു​ള​ഴി​യാ​ൻ ഈ ​ക​ണ്ടെ​ത്ത​ൽ സ​ഹാ​യി​ക്കു​മെ​ന്ന് യു​കെ​ ലീ​ഡ്സ് സ​ർ​വ​ക​ലാ​ശാ​ല​യി​ലെ ഗവേഷകർ അഭിപ്രായപ്പെടുന്നു. ഭൂ​മി​യി​ലേ​ക്കു പ​തി​ച്ച ഭി​ന്ന​ഗ്ര​ഹ​ങ്ങ​ളി​ലൂ​ടെ​യാ​ണോ, അ​തോ ഭൂ​മി​യു​ടെ ആ​ന്ത​രി​ക ഘ​ട​ന​യി​ൽ ത​ന്നെ രൂ​പ​പ്പെ​ട്ട​താ​ണോ തുടങ്ങിയ ചോ​ദ്യ​ങ്ങ​ൾ​ക്ക് ഉ​ത്ത​രം ക​ണ്ടെ​ത്താ​ൻ തു​ട​ർ പ​ഠ​ന​ങ്ങ​ൾ വ​ഴി​തു​റ​ക്കുമെന്ന പ്രതീക്ഷയാണുള്ളതെന്നും ഗവേഷകർ പറഞ്ഞു.

Tags : ScienceNews Mantle Platetectonics NatureGeoscience HiddenOceanInsidetheEarth