തിരുവനന്തപുരം: സംസ്ഥാനത്ത് തദ്ദേശ തെരഞ്ഞെടുപ്പിൽ മത്സരിക്കുന്നതിനുള്ള നാമനിർദേശ പത്രിക സമർപ്പിക്കാനുള്ള സമയം ഇന്നലെ അവസാനിച്ചപ്പോൾ മത്സര രംഗത്തുള്ളത് 1,08,580 സ്ഥാനാർഥികൾ.
മലപ്പുറം ജില്ലയിലാണ് ഏറ്റവും കൂടുതൽ സ്ഥാനാർഥികൾ; 13,595 പേർ. പാലക്കാട് ജില്ലയിൽ 10,372 പേരും തൃശൂരിൽ 11,079 പേരും എറണാകുളം ജില്ലയിൽ 10,092 പേരും മത്സര രംഗത്തുണ്ട്.
കാസർഗോഡ്-4374, കണ്ണൂർ-8238, വയനാട്-3180, കോഴിക്കോട്-9977, ഇടുക്കി-4257, കോട്ടയം-6276, ആലപ്പുഴ-7210, പത്തനംതിട്ട-4164, കൊല്ലം-7141, തിരുവനന്തപുരം-8625 എന്നിങ്ങനെയാണ് മറ്റു ജില്ലകളിലെ സ്ഥാനാർഥികളുടെ എണ്ണം. സംസ്ഥാനത്താകെ 1,64,427 നാമനിർദേശ പത്രികകളാണ് ലഭിച്ചതെന്നും തെരഞ്ഞെടുപ്പ് കമ്മീഷൻ അറിയിച്ചു.
സൂക്ഷ്മ പരിശോധന ഇന്ന്
തദ്ദേശസ്വയംഭരണ തെരഞ്ഞെടുപ്പിൽ മത്സരിക്കുന്നതിനുവേണ്ടി സമർപ്പിച്ചിട്ടുള്ള നാമനിർദേശപത്രികകളുടെ സൂക്ഷ്മപരിശോധന ഇന്നു രാവിലെ 10ന് ആരംഭിക്കും. ബന്ധപ്പെട്ട വരണാധികാരികളാണ് സൂക്ഷ്മപരിശോധന നടത്തുക.
Tags : local elections Kerala local body election candidates 108580