24

കല്‍പ്പറ്റ: പെണ്‍കുട്ടിയെ പീഡിപ്പിച്ചു ഗര്‍ഭിണിയാക്കിയ കേസില്‍ പ്രതിക്ക് 25 വര്‍ഷം തടവും 1,10,000 രൂപ പിഴയും ശിക്ഷ വിധിച്ചു. നടവയല്‍ കായക്കുന്ന് കീടക്കാട്ട് ഹാഷിക് റഹ്മാനെയാണ്(28)അഡീഷണല്‍ ഡിസ്ട്രിക്ട് ആന്‍ഡ് സെഷന്‍സ് കോടതി(ഒന്ന്)ജഡ്ജ് പി. സെയ്തലവി ശിക്ഷിച്ചത്.

മീനങ്ങാടി പൊലിസ് 2022ല്‍ രജിസ്റ്റര്‍ ചെയ്ത കേസിലാണ് പോക്‌സോ നിയമത്തിലേതടക്കം വകുപ്പുകളില്‍ ശിക്ഷ. 2021-2022 കാലയളവിലാണ് കുട്ടിയെ പ്രതി ലൈംഗികാതിക്രമത്തിന് ഇരയാക്കിയത്. കുട്ടി ഗര്‍ഭിണിയായതിനെത്തുടര്‍ന്നാണ് വിവരം പുറത്തറിഞ്ഞത്.

കേസ് അന്വേഷണം നടക്കുന്നതിനിടെ വിദേശത്തേക്ക് കടന്ന ഹാഷിക് റഹ്മാനെതിരേ പൊലിസ് ലുക്ക്ഔട്ട് നോട്ടീസ് പുറപ്പെടുവിച്ചിരുന്നു. 2024ല്‍ നാട്ടിലേക്ക് തിരികേ വരുന്നതിനിടെ ഇയാളെ കരിപ്പൂര്‍ വിമാനത്താവളത്തില്‍നിന്നാണ് അറസ്റ്റുചെയ്തത്. പ്രോസിക്യൂഷനുവേണ്ടി പബ്ലിക് പ്രോസിക്യൂട്ടര്‍ ടി.ജി. മോഹന്‍ദാസ് ഹാജരായി.

Tags : Imprisonment Sentenced Court Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash