24

കൊല്ലം: ഭൂമി പോക്കുവരവ് ചെയ്യുന്നതിന് കൈക്കൂലി വാങ്ങുന്നതിനിടയിൽ പുത്തൂർ വില്ലേജ് ഓഫീസർ വിജിലൻസിന്‍റെ പിടിയിൽ. അഭിലാഷ് ആനന്ദാണ് വിജിലൻസിന്‍റെ പിടിയിലായത്.

പുത്തൂർ സ്വദേശിയായ പരാതിക്കാരനിൽ നിന്നാണ് ഇയാൾ 5000 രൂപ കൈക്കൂലി വാങ്ങിയത്. കഴിഞ്ഞ മേയിലാണ് പരാതിക്കാരൻ ഭൂമി പോക്കുവരവിനായി അപേക്ഷ നൽകിയത്. തുടർന്ന് വില്ലേജ് ഓഫീസിൽ നിന്നുള്ള ഉദ്യോഗസ്ഥർ സ്ഥലം നേരിട്ടെത്തി പരിശോധിക്കുകയും ആവശ്യമായ രേഖകൾ പരാതിക്കാരൻ ഹാജരാക്കുകയും ചെയ്തിരുന്നു.

എന്നാൽ പുതുതായി എത്തിയ വില്ലേജ് ഓഫീസർ അഭിലാഷ് ആനന്ദ് ഭൂമി വീണ്ടും പരിശോധിക്കണമെന്ന് ആവശ്യപ്പെടുകയായിരുന്നു. ഈ പരിശോധനയ്ക്കുശേഷമാണ് കൈക്കൂലിയായി 5000 രൂപ ആവശ്യപ്പെട്ടത്. തുടർന്ന് പരാതിക്കാരൻ വിജിലൻസിനെ വിവരം അറിയിക്കുകയായിരുന്നു.

Tags : PuthurVillageOfficer Vigilance Bribe Deepika DeepikaNewspaper BreakingNews NewsUpdate Headlines CurrentAffairs GlobalNews DailyNews InDepth NewsFlash