27

തി​രു​വ​ന​ന്ത​പു​രം: മാ​സ​പ്പ​ടി കേ​സു​മാ​യി ബ​ന്ധ​പ്പെ​ട്ടു​ള്ള ചോ​ദ്യം ചെ​യ്യ​ലി​ലെ ടി.​വീ​ണ​യു​ടെ മൊ​ഴി​ക​ളി​ല്‍ വൈ​രു​ധ്യ​മു​ള്ള​താ​യി എ​ന്‍​ഫോ​ഴ്സ്മെ​ന്‍റ് ഡ​യ​റ​ക്ട​റേ​റ്റ്. വീ​ണ​യെ അ​ടു​ത്താ​ഴ്ച വീ​ണ്ടും ചോ​ദ്യം ചെ​യ്യും.

ക​ഴി​ഞ്ഞ ദി​വ​സം പ​ത്ത് മ​ണി​ക്കൂ​റോ​ളം ഇ​ഡി വീ​ണ​യെ ചോ​ദ്യം ചെ​യ്തി​രു​ന്നു. കൊ​ച്ചി​യി​ലെ ഇ​ഡി ഓ​ഫീ​സി​ലാ​യി​രു​ന്നു ചോ​ദ്യം ചെ​യ്യ​ല്‍. രാ​വി​ലെ 11 മ​ണി​ക്ക് ആ​രം​ഭി​ച്ച ചോ​ദ്യം ചെ​യ്യ​ല്‍ രാ​ത്രി എ​ട്ടിനാണ് അവസാനിച്ചത്.

വീ​ണ​യു​ടെ എ​ച്ച്ഡി​എ​ഫ്‌​സി ബാ​ങ്കി​ലെ ലോ​ക്ക​റും ഇ​ഡി പ​രി​ശോ​ധി​ച്ചി​രു​ന്നു. അതേസമയം മാ​സ​പ്പ​ടി കേ​സി​ൽ ഇ​ഡി അ​ന്വേ​ഷ​ണം പി​ണ​റാ​യി സ​ർ​ക്കാ​രി​ലേ​ക്കും നീ​ളും. വീ​ണാ ടി​ക്ക് സി​എം​ആ​ർ​എ​ൽ ക​രാ​ർ എ​ങ്ങ​നെ ല​ഭി​ച്ചു എ​ന്ന​തി​ൽ അ​ന്വേ​ഷ​ണ​മു​ണ്ടാ​കു​മെ​ന്ന സൂ​ച​ന​യാ​ണ് പു​റ​ത്തു​വ​രു​ന്ന​ത്.

വീ​ണ​യ്ക്ക് ന​ൽ​കി​യ മാ​സ​പ്പ​ടി​ക്ക് പി​ന്നി​ൽ സി​എം​ആ​ർ​എ​ല്ലി​ന് സ​ർ​ക്കാ​രി​ൽ നി​ന്ന് ല​ഭി​ച്ച വ​ഴി​വി​ട്ട സ​ഹാ​യ​ങ്ങ​ളെ​ന്ന നി​ഗ​മ​ന​ത്തി​ലൂ​ന്നി​യാ​ണ് അ​ന്വേ​ഷ​ണം. ക​രാ​റി​ൽ ആ​സ്വ​ഭാ​വി​ക​ത ഉ​ണ്ടെ​ന്നാ​ണ് ഇ​ഡി വി​ല​യി​രു​ത്ത​ൽ. ക​രാ​റി​ലെ അ​ഴി​മ​തി കേ​ന്ദ്രി​ക​രി​ച്ചാ​ണ് അ​ന്വേ​ഷ​ണം പു​രോ​ഗ​മി​ക്കു​ന്ന​ത്.

ഒ​ന്നാം പി​ണ​റാ​യി സ​ർ​ക്കാ​രും സി​എം​ആ​ർ​എ​ല്ലും ത​മ്മി​ലു​ള്ള ഇ​ട​പാ​ടു​ക​ളി​ലാ​ണ് അ​ന്വേ​ഷ​ണം ന​ട​ക്കു​ക. വീ​ണ​യു​ടെ മൊ​ഴി​യി​ൽ അ​വ്യ​ക്ത​ത തു​ട​രു​ക​യാ​ണ്. ക​രാ​ർ ല​ഭി​ച്ച​തി​ൽ ആ​സ്വ​ഭാ​വി​ക​ത​യി​ല്ലെ​ന്നാ​ണ് വീ​ണ വ്യ​ക്ത​മാ​ക്കു​ന്ന​ത്. എ​ന്നാ​ൽ, ഇ​ഡി വീ​ണ​യു​ടെ മൊ​ഴി വി​ശ്വാ​സ​ത്തി​ലെ​ടു​ത്തി​ട്ടി​ല്ല.

Tags : ED tveena