24

കൊച്ചി: കൂത്താട്ടുകുളത്ത് ടോറസ് ലോറി താഴ്ചയിലേക്ക് മറിഞ്ഞ് അപകടം. ടാര്‍ മിക്‌സിംഗ് പ്ലാന്‍റില്‍ നിന്നും ലോഡുമായി വന്ന ലോറിയാണ് റോഡിന്‍റെ സംരക്ഷണ ഭിത്തി തകര്‍ത്ത് താഴ്ചയിലേക്ക് മറിഞ്ഞത്. രാവിലെ 11 ഓടെയായിരുന്നു അപകടം. ഡ്രൈവര്‍ പരിക്കുകളോടെ രക്ഷപ്പെട്ടു.

സംരക്ഷണ ഭിത്തി തകര്‍ന്നതോടെ ജല അതോറ്റിയുടെ കുടിവെള്ള പെപ്പും പൊട്ടിയിട്ടുണ്ട്. ഇതോടെ കുടിവെള്ള വിതരണവും നിലവില്‍ തടസപ്പെട്ടിരിക്കുകയാണ്. വീതി കുറഞ്ഞ റോഡിലൂടെ ടാര്‍ മിക്‌സിംഗ് പ്ലാന്‍റില്‍ നിന്നും ദിവസേനെ നിരവധി ലോറികള്‍ പോകാറുണ്ട്.

ഇതിനെതിരെ നാട്ടുകാര്‍ നിരന്തരം പരാതി നല്‍കിയിട്ടുണ്ടെങ്കിലും അധികൃതരുടെ ഭാഗത്തു നിന്നും യാതൊരു നടപടിയും ഉണ്ടായിട്ടില്ല. ടാര്‍ മിക്‌സിംഗ് പ്ലാന്‍റിനെതിരെ 120 ഓളം ദിവസം നാട്ടുകാര്‍ പന്തലു കെട്ടി സമരം ചെയ്തിരുന്നു. പരാതിയുമായി മുന്നോട്ടു പോയിട്ടും നടപടികള്‍ ഒന്നുമുണ്ടായിട്ടില്ല.

Tags : Lorry Driver Injuries Accident Deepika DeepikaNewspaper BreakingNews NewsUpdate Headlines