10

മ​ല​പ്പു​റം: മു​ക്കു​പ​ണ്ടം പ​ണ​യം വ​ച്ച് ല​ക്ഷ​ങ്ങ​ൾ ത​ട്ടി​യ കേ​സി​ൽ പ്ര​തി പി​ടി​യി​ൽ. ഏ​മ​ങ്ങാ​ട് സ്വ​ദേ​ശി ക​റു​ത്തേ​ട​ത്ത് അ​സ്ക​റി​നെ​യാ​ണ് (49) വ​ണ്ടൂ​ർ പൊ​ലി​സ് അ​റ​സ്റ്റ് ചെ​യ്ത​ത്. വ​ണ്ടൂ​രി​ലെ ഫെ​ഡ​റ​ൽ ബാ​ങ്ക് ശാ​ഖ​യി​ലും പൂ​ക്കോ​ട്ടും​പാ​ട​ത്തെ സ്വ​കാ​ര്യ ബാ​ങ്കി​ലു​മാ​ണ് ഇ​യാ​ൾ ത​ട്ടി​പ്പ് ന​ട​ത്തി​യ​ത്.

പൂ​ക്കോ​ട്ടും​പാ​ട​ത്തെ സ്വ​കാ​ര്യ ബാ​ങ്കി​ൽ വ​ള​പ​ണ​യം വ​ച്ചാ​ണ് അ​സ്ക​ർ ആ​ദ്യം ത​ട്ടി​പ്പി​ന് തു​ട​ക്ക​മി​ട്ട​ത്. ഇ​വി​ടെ നി​ന്ന് ര​ണ്ട് ല​ക്ഷ​ത്തി​ല​ധി​കം രൂ​പ​യാ​ണ് ഇ​യാ​ൾ കൈ​ക്ക​ലാ​ക്കി​യ​ത്. ജൂ​ൺ, ജൂ​ലൈ മാ​സ​ങ്ങ​ളി​ലാ​യി വ​ണ്ടൂ​ർ ഫെ​ഡ​റ​ൽ ബാ​ങ്കി​ലെ ര​ണ്ട് വ്യ​ത്യ​സ്ത അ​ക്കൗ​ണ്ടു​ക​ൾ വ​ഴി വീ​ണ്ടും ത​ട്ടി​പ്പ് ന​ട​ത്തി. 11 ഗ്രാം ​വ​രു​ന്ന മു​ക്കു​പ​ണ്ടം ഈ ​അ​ക്കൗ​ണ്ടു​ക​ളി​ൽ പ​ണ​യം വ​ച്ച് സ​മാ​ന​മാ​യ രീ​തി​യി​ൽ ര​ണ്ട് ല​ക്ഷ​ത്തി​ല​ധി​കം രൂ​പ കൂ​ടി ഇ​യാ​ൾ ത​ട്ടി​യെ​ടു​ക്കു​ക​യാ​യി​രു​ന്നു.

സ്വ​കാ​ര്യ ബാ​ങ്ക് അ​ധി​കൃ​ത​ർ​ക്ക് ഇ​ട​പാ​ടു​ക​ളി​ൽ സം​ശ​യം തോ​ന്നി​യ​തി​നെ തു​ട​ർ​ന്ന് ന​ട​ത്തി​യ വി​ശ​ദ​മാ​യ പ​രി​ശോ​ധ​ന​യാ​ണ് ത​ട്ടി​പ്പ് പു​റ​ത്തു​കൊ​ണ്ടു​വ​ന്ന​ത്. പ​ണ​യ​പ്പെ​ടു​ത്തി​യ​ത് വ്യാ​ജ സ്വ​ർ​ണ​മാ​ണെ​ന്ന് വ്യ​ക്ത​മാ​യ​തോ​ടെ ബാ​ങ്ക് അ​ധി​കൃ​ത​ർ വ​ണ്ടൂ​ർ പൊ​ലി​സി​ൽ പ​രാ​തി ന​ൽ​കു​ക​യാ​യി​രു​ന്നു. പ​രാ​തി​യു​ടെ അ​ടി​സ്ഥാ​ന​ത്തി​ൽ പൊ​ലി​സ് ന​ട​ത്തി​യ അ​ന്വേ​ഷ​ണ​ത്തി​നൊ​ടു​വി​ലാ​ണ് പ്ര​തി പി​ടി​യി​ലാ​യ​ത്. അ​റ​സ്റ്റി​ലാ​യ പ്ര​തി​യെ പെ​രി​ന്ത​ൽ​മ​ണ്ണ കോ​ട​തി​യി​ൽ ഹാ​ജ​രാ​ക്കി.

Tags : Deepika BreakingNews Arrest Bank Gold