പ്രതീകാത്മക ചിത്രം
തൃശൂര്: നവജാതശിശു തൊട്ടിലിൽ മരിച്ച നിലയിൽ. വെള്ളറക്കാട് തറമേല്ഞാലില് വീട്ടില് സുധീഷ്-മനുരാധ ദമ്പതികളുടെ 18 ദിവസം മാത്രം പ്രായമുള്ള കുഞ്ഞാണ് മരിച്ചത്.
പുലർച്ചെ നാലോടെ കുഞ്ഞിനെ തൊട്ടിലില് മരിച്ച നിലയില് കണ്ടെത്തുകയായിരുന്നു. പാല് തൊണ്ടയില് കുരുങ്ങിയതാവാം മരണകാരണമെന്നാണ് പ്രാഥമിക നിഗമനം.
സംഭവത്തിൽ പോലീസ് അസ്വാഭാവിക മരണത്തിന് കേസെടുത്തിട്ടുണ്ട്. പോസ്റ്റ്മോർട്ടത്തിന് ശേഷം കുഞ്ഞിന്റെ മൃതദേഹം ബന്ധുക്കൾക്ക് വിട്ടുനൽകും.
വെള്ളിയാഴ്ച കുഞ്ഞിന്റെ പിതാവ് സുധീഷ് വാഹനാപകടത്തിൽ മരിച്ചിരുന്നു. ജോലി കഴിഞ്ഞ് മടങ്ങിവരുന്പോൾ എതിരേ വന്ന ടോറസ് ലോറി സുധീഷിന്റെ ബൈക്കിൽ ഇടിച്ചാണ് അപകടമുണ്ടായത്.
Tags : Newborn baby found dead Thrissur