'നാടു വിട്ടാലും ശീലം മറക്കില്ല', ഇക്കാര്യത്തിൽ അനിൽ മേനോന് ഒട്ടും വിട്ടുവീഴ്ചയില്ല! ശരീരവും മനസും ഊർജസ്വലമാക്കാൻ വ്യായാമം അനിവാര്യമാണെന്ന് അദ്ദേഹത്തിനറിയാം. കരയിലാണെങ്കിലും ബഹിരാകാശത്താണെങ്കിലും മലയാളിവേരുകളുള്ള നാസയുടെ ബഹിരാകാശയാത്രികനു വ്യായാമം നിർബന്ധം. ഇപ്പോൾ അനിൽ മേനോൻ അ​ന്താ​രാ​ഷ്‌ട്ര ബ​ഹി​രാ​കാ​ശ നി​ല​യ​ത്തി​ൽ (ഐഎസ്എസ്) നിന്നു പങ്കുവച്ച വീഡിയോ ആണ് സോഷ്യൽ മീഡിയയിൽ തരംഗം. ബ​ഹി​രാ​കാ​ശനി​ല​യ​ത്തി​ൽ ഗു​രു​ത്വാ​ക​ർ​ഷ​ണ​മി​ല്ലാ​ത്ത അ​ന്ത​രീ​ക്ഷ​ത്തി​ൽ വ്യാ​യാ​മം ചെയ്യുന്ന ദൃശ്യങ്ങളാണ് വീഡിയോയിലുള്ളത്, അതും തലകുത്തിനിന്ന്..!

ബ​ഹി​രാ​കാ​ശ ദൗ​ത്യ​ങ്ങ​ളി​ൽ ശാ​രീ​രി​ക​ക്ഷ​മ​ത നി​ല​നി​ർ​ത്താ​ൻ കഠിനമായ വ്യായാമം നിർബന്ധമാണ്. വ്യാ​യാ​മം മു​ട​ങ്ങി​യാ​ൽ ശ​രീ​ര​ത്തി​നുണ്ടാ​കു​ന്ന ഗു​രു​ത​ര​മാ​യ പ്ര​ത്യാ​ഘാ​ത​ങ്ങ​ളെ​ക്കു​റി​ച്ചും അ​നി​ൽ മു​ന്ന​റി​യി​പ്പു ന​ൽ​കു​ന്നു​. ശ​രി​യാ​യ രീ​തി​യി​ൽ വ്യാ​യാ​മം ചെ​യ്തി​ല്ലെ​ങ്കി​ൽ മാ​സ​ത്തി​ൽ ഏ​ക​ദേ​ശം മൂന്നു ശതമാനം വ​രെ ബോൺ മാസ് ന​ഷ്ട​പ്പെ​ടാ​മെ​ന്ന് അ​ദ്ദേ​ഹം പറയുന്നു. കൂ​ടാ​തെ ശ​രീ​ര​ഭാ​ര​വും പേ​ശി​ക​ളു​ടെ അ​ള​വും പത്തു മു​ത​ൽ പതിനഞ്ചു വ​രെ കു​റ​യാ​നും കാരണമാകും.

വ്യാ​യാ​മ​മു​റ​ക​ളി​ൽ ത​നി​ക്കു പ്ര​ചോ​ദ​ന​മാ​യ​വ​രെ​യും അനിൽ ഓർമിച്ചു. ത​ന്നെ പു​തി​യ ല​ക്ഷ്യ​ങ്ങ​ളി​ലേ​ക്കു ന​യി​ച്ച സു​ഹൃ​ത്തും പ​രി​ശീ​ല​ക​നു​മാ​യി​രു​ന്ന നേ​വി ക്യാ​പ്റ്റ​ൻ ജാ​ക്ക് ഹാ​ത്‌​വേ​യെക്കുറിച്ചും അ​ദ്ദേ​ഹം പറഞ്ഞു. ക​ഠി​നാ​ധ്വാ​ന​ത്തി​ലൂ​ടെ ഏ​തു പ്ര​തി​സ​ന്ധി​യെ​യും നേ​രി​ടാ​ൻ പ്രേ​രി​പ്പി​ക്കു​ന്ന ശൈ​ലി​യാ​ണ് ഹാ​ത്‌​വേ ത​നി​ക്കു പ​ക​ർ​ന്നു​ന​ൽ​കി​യ​തെ​ന്നും അനിൽ കൂ​ട്ടി​ച്ചേ​ർ​ത്തു.

മ​നു​ഷ്യർ ഗു​രു​ത്വാ​ക​ർ​ഷ​ണ​മി​ല്ലാ​ത്ത അവസ്ഥയിൽ ജീ​വി​ക്കു​മ്പോ​ൾ നേ​രി​ടു​ന്ന പ്രതിസന്ധികളും, അ​തു മറികടക്കാൻ നടത്തുന്ന ക​ഠി​ന പ​രി​ശ്ര​മ​ങ്ങ​ളുമാണു ​ദൃശ്യങ്ങളിലുള്ളത്.

Tags : International AstronautAnilMenon ISS NASA