23

സുല്‍ത്താന്‍ ബത്തേരി: ‌എംഡിഎംഎയുമായി രണ്ട് യുവാക്കള്‍ പിടിയില്‍. കോഴിക്കോട് സ്വദേശികളായ മാനാഞ്ചിറ വയലില്‍ മാളിയേക്കല്‍ കെ.കെ. ഷാരുഖ് അസിം(33), ബേപ്പൂര്‍ കളത്തുംകണ്ടിപ്പറമ്പ് അബ്ബാ അപ്പാര്‍ട്ട്‌മെന്‍റില്‍ ഷേഖ് ഇര്‍ഷാദ് ഹുസൈന്‍ (35) എന്നിവരെയാണ് പിടികൂടിയത്.

ഓപ്പറേഷന്‍ തൂഫാന്‍റെ ഭാഗമായി ജില്ലാ ലഹരിവിരുദ്ധ സ്‌ക്വാഡും ബത്തേരി പോലീസും ചേര്‍ന്ന് മുത്തങ്ങ തകരപ്പാടി പോലീസ് ചെക്ക്‌പോസ്റ്റില്‍ നടത്തിയ വാഹന പരിശോധനയിലാണ് ഇവര്‍ വലയിലായത്.

22ന് രാത്രിയോടെ കര്‍ണാടക ഭാഗത്തു നിന്നും വരികയായിരുന്ന കാറിന്‍റെ പിന്‍സീറ്റില്‍ ബാഗിനുള്ളില്‍ സൂക്ഷിച്ച നിലയിൽ 52.977 ഗ്രാം എംഡിഎംഎ ആണ് കണ്ടെടുക്കുന്നത്.

ഇത് വലിക്കാന്‍ ഉപയോഗിക്കുന്ന ഗ്ലാസ് ട്യൂബ് ബോങ്കും പിടിച്ചെടുത്തിട്ടുണ്ട്. സബ് ഇന്‍സ്‌പെക്ടര്‍മാരായ കെ. ശ്രീതു, സനല്‍, എഎസ്‌ഐ ശ്യാം ലാല്‍, എസ്‌സിപിഒ പ്രസാദ്, സിപിഒ മിഥുന്‍ എന്നിവരടങ്ങുന്ന സംഘമാണ് പരിശോധന നടത്തിയത്.

Tags : arrested MDMA youths