കൊച്ചി: കനത്ത മഴയില് തകര്ന്നു വീണ മൂവാറ്റുപുഴ തൃക്കളത്തൂര് സൊസൈറ്റിപടി ഗവണ്മെന്റ് എല്പിജി സ്കൂളിന്റെ ചുറ്റുമതില് പുനര്നിര്മ്മിക്കണമെന്ന് ആവശ്യം. ഇക്കഴിഞ്ഞ ബുധനാഴ്ചയാണ് കനത്ത മഴയില് സ്കൂളിന്റെ ചുറ്റുമതില് തകര്ന്ന് സമീപത്തെ എന്എസ്എസ് സ്കൂള് ഗ്രൗണ്ടിലേക്ക് പതിച്ചത്.
ചുറ്റുമതില് തകര്ന്നതു കാരണം സ്കൂളിലെ പാചകപ്പുര അടക്കം അപകട ഭീഷണി നേരിടുകയാണ്. മതിലിടിഞ്ഞ് വീണ് ദിവസങ്ങള് കഴിഞ്ഞിട്ടും ബന്ധപ്പെട്ട അധികാരികള് ആരും ഈ സ്ഥലം സന്ദര്ശിച്ചിട്ടില്ല. ഉടന് ചുറ്റുമതില് നിര്മ്മിക്കണമെന്നാണ് സ്കൂള് അധികൃതരുടെ ആവശ്യം.