തിരുവനന്തപുരം: കെഎസ്ആര്ടിസി സ്ത്രീ സൗജന്യ യാത്രയായ പ്രിയദർശിനി പദ്ധതിയുടെ ലോഗോ ഇന്നത്തെ ഉദ്ഘാടന ചടങ്ങിൽ പ്രകാശനം ചെയ്യില്ല. സി-ഡിറ്റ് തയ്യാറാക്കിയ ലോഗോയ്ക്ക് അനുമതി ലഭ്യമാകാത്തതിനാലും മുഖ്യമന്ത്രിയുടെ ഓഫീസിന് അത് തൃപ്തികരമല്ലാത്തതിനാലുമാണ് പ്രകാശനം മാറ്റിവെച്ചത്
ഇന്ന് രാവിലെ 8.30നാണ് പദ്ധതിയുടെ ഉദ്ഘാടനം. തിരുവനന്തപുരം തമ്പാനൂര് ഡിപ്പോയില് മുഖ്യമന്ത്രി വി.ഡി സതീശൻ പദ്ധതി ഉദ്ഘാടനം ചെയ്യും. ആദ്യയാത്രയില് വനിതകള്ക്കൊപ്പം ബസില് മുഖ്യമന്ത്രിയും സഞ്ചരിക്കും.
ഇതോടെ സ്ത്രീകള്ക്ക് സൗജന്യ യാത്ര അനുവദിക്കുന്ന ഒമ്പതാമത്തെ സംസ്ഥാനമായി കേരളം മാറും. കെഎസ്ആര്ടിസിയുടെ 3125 ഓര്ഡിനറി ബസുകളില് പ്രായഭേദന്യേ സ്ത്രീകള്ക്കും ട്രാന്സ്ജെന്ഡറുകള്ക്കും സൗജന്യമായി യാത്ര ചെയ്യാം. ബസുകള് തിരിച്ചറിയാനായി പ്രിയദര്ശിനി സ്റ്റിക്കര് ഒട്ടിച്ചിട്ടുണ്ട്.
അതേസമയം എൽഡിഎഫ് എംഎൽഎമാരും കെഎസ്ആര്ടിസിയിലെ സിഐടിയു യൂണിയനും ഉദ്ഘാടന പരിപാടികളില് നിന്ന് വിട്ടുനില്ക്കും.
Tags : womens free travel logo