27

തിരുവനന്തപുരം: വർക്കല മുത്താനയിൽ തിരുവോണ ദിനത്തിൽ യുവാവിനെ കുത്തിക്കൊലപ്പെടുത്തി. മുത്താന കൊച്ചാരുംപൊയ്ക സ്വദേശി പ്രിജു (32) ആണ് കൊല്ലപ്പെട്ടത്. കല്ലമ്പലം പോലീസ് സ്റ്റേഷൻ പരിധിയിൽ ഇന്ന് വൈകുന്നേരമായിരുന്നു സംഭവം.

പ്രിജു സുഹൃത്തുക്കളോടൊപ്പം മദ്യപിച്ചിരിക്കെ സ്ഥലത്തെത്തിയ ഗൗരികൃഷ്ണൻ, അമ്പാടി എന്നിവരടങ്ങുന്ന അഞ്ചംഗ സംഘവുമായി വാക്കേറ്റമുണ്ടായി. ഇത് പിന്നീട് പെട്ടെന്ന് തന്നെ കൈയാങ്കളിയിലേക്കും അടിപിടിയിലേക്കും വഴിമാറുകയായിരുന്നു. ഇതിനിടയിൽ പ്രതികളിലൊരാളായ ഗൗരികൃഷ്ണൻ കൈയിൽ കരുതിയിരുന്ന കത്തിയെടുത്ത് പ്രിജുവിനെ കുത്തുകയായിരുന്നു.

ആക്രമണത്തിൽ പ്രിജുവിന്‍റെ നെഞ്ചിൽ രണ്ടുതവണയും പിൻഭാഗത്തായി ഒരുതവണയും കുത്തേറ്റു. ഉടൻതന്നെ പ്രിജുവിനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവത്തെ തുടർന്ന് പോലീസ് പ്രതികൾക്കായി അന്വേഷണം ഊർജിതമാക്കി.

Tags : Stabbed Death Deepika DeepikaNewspaper BreakingNews NewsUpdate Headlines CurrentAffairs