മാ​ട​പ്പ​ള്ളി​യി​ലെ സി​ല്‍വ​ര്‍ലൈ​ന്‍ സ​ത്യ​ഗ്ര​ഹ സ​മ​ര​ത്തി​ന് ഇ​ന്നു ര​ണ്ടു​വ​യ​സ്
Saturday, April 20, 2024 6:53 AM IST
മാ​ട​പ്പ​ള്ളി: സം​സ്ഥാ​ന​ത്ത് സൂ​പ്പ​ര്‍ഹി​റ്റാ​യ മാ​ട​പ്പ​ള്ളി​യി​ലെ സി​ല്‍വ​ര്‍ലൈ​ന്‍ വി​രു​ദ്ധ സ​ത്യ​ഗ്ര​ഹ​ത്തി​ന് ഇ​ന്നു ര​ണ്ടു​വ​യ​സ്. ചി​ട്ട​യോ​ടും അ​ച്ച​ട​ക്ക​ത്തോ​ടും​കൂ​ടെ നാ​ട്ടു​കാ​ര്‍ മു​ട​ക്കം​കൂ​ടാ​തെ ന​ട​ത്തു​ന്ന ഈ ​സ​മ​രം സം​സ്ഥാ​ന​ത്തു​ത​ന്നെ ശ്ര​ദ്ധേ​യ​മാ​ണ്. സ​മ​ര​പ്പ​ന്ത​ല്‍ കെ​ട്ടി​യ അ​ന്നു​മു​ത​ല്‍ ഇ​ന്നോ​ളം എ​ല്ലാ ദി​വ​സ​വും രാ​വി​ലെ 10 മു​ത​ല്‍ 12 വ​രെ​യാ​ണ് സ​ത്യ​ഗ്ര​ഹ സ​മ​രം ന​ട​ക്കു​ന്ന​ത്. നി​ര്‍ദി​ഷ്ട പ​ദ്ധ​തി​യി​ലൂ​ടെ ഭൂ​മി​യും വീ​ടും ന​ഷ്ട​മാ​കു​ന്ന​വ​രാ​ണ് ദി​വ​സ​വും ഈ ​സ​മ​ര​പ്പ​ന്ത​ലി​ല്‍ ആ​വേ​ശ​പൂ​ര്‍വം അ​ണി​നി​ര​ക്കു​ന്ന​ത്.

സി​ല്‍വ​ര്‍ലൈ​ന്‍ വി​രു​ദ്ധ ജ​ന​കീ​യ സ​മി​തി കോ​ട്ട​യം ജി​ല്ലാ ക​മ്മി​റ്റി മാ​ട​പ്പ​ള്ളി വെ​ങ്കോ​ട്ട റീ​ത്തു​പ​ള്ളി ജം​ഗ്ഷ​നി​ല്‍ പ​ന്ത​ല്‍ കെ​ട്ടി ന​ട​ത്തു​ന്ന സ​ത്യ​ഗ്ര​ഹ സ​മ​ര​മാ​ണ് ഇ​ന്ന് ര​ണ്ടു​വ​ര്‍ഷം പി​ന്നി​ടു​ന്ന​ത്. കെ-​റെ​യി​ല്‍ സി​ല്‍വ​ര്‍ലൈ​ന്‍ പ​ദ്ധ​തി പി​ന്‍വ​ലി​ച്ചു സ​ര്‍ക്കാ​ര്‍ ഉ​ത്ത​ര​വി​റ​ക്ക​ണ​മെ​ന്നാ​വ​ശ്യ​പ്പെ​ട്ടും സി​ല്‍വ​ര്‍ലൈ​ന്‍ പ്ര​തി​ഷേ​ധ​ക്കാ​രു​ടെ​മേ​ല്‍ പോ​ലീ​സെ​ടു​ത്തി​രി​ക്കു​ന്ന ക​ള്ള​ക്കേ​സു​ക​ള്‍ പി​ന്‍വ​ലി​ക്ക​ണ​മെ​ന്നാ​വ​ശ്യ​പ്പെ​ട്ടു​മാ​ണ് സ​മ​രം ന​ട​ത്തു​ന്ന​ത്.

പോ​ലീ​സ് മ​ര്‍ദ​ന​ത്തി​നി​ര​യാ​യ റോ​സ്‌​ലി​ന്‍ ഫി​ലി​പ്പി​ന്‍റെ പു​ര​യി​ട​ത്തിലെ സ​മ​ര​പ്പ​ന്ത​ൽ

സി​ല്‍വ​ര്‍ലൈ​ന്‍ സ​ര്‍വേ​യ്ക്ക് മ​ഞ്ഞ​ക്ക​ല്ലു​മാ​യി എ​ത്തി​യ വാ​ഹ​ന​ങ്ങ​ളും ഉ​ദ്യോ​ഗ​സ്ഥ​രെ​യും ക​രു​ത്തോ​ടെ ത​ട​ഞ്ഞ​തും ഇ​വ​ര്‍ക്കെ​തി​രേ പോ​ലീ​സ് ന​ട​ത്തി​യ മൃ​ഗീ​യ​മാ​യ അ​തി​ക്ര​മ​വും രാ​ഷ്‌​ട്രീ​യ കേ​ര​ളം ശ്ര​ദ്ധി​ച്ച സം​ഭ​വ​മാ​യി​രു​ന്നു.

വീ​ടും സ്ഥ​ല​വും ന​ഷ്ട​പ്പെ​ടു​ന്ന സ്ത്രീ​ക​ളും കു​ട്ടി​ക​ളും ഉ​ള്‍പ്പെ​ടു​ന്ന വ​ലി​യ ജ​നാ​വ​ലി​യാ​ണ് 2022 മാ​ര്‍ച്ച് 17ന് ​മാ​ട​പ്പ​ള്ളി റീ​ത്തു​പ​ള്ളി ജം​ഗ്ഷ​നി​ല്‍ ശ​ക്ത​മാ​യ പ്ര​തി​ഷേ​ധ​വും ചെ​റു​ത്തു​നി​ല്‍പ്പും ന​ട​ത്തി​യ​ത്. പോ​ലീ​സ് അ​തി​ക്രൂ​ര​മാ​യി റോ​ഡി​ലൂ​ടെ വ​ലി​ച്ചി​ഴ​ച്ച റോ​സ്‌​ലി​ന്‍ ഫി​ലി​പ്പി​ന്‍റെ പു​ര​യി​ട​ത്തി​ൽ സ​മ​ര​പ്പ​ന്ത​ല്‍ കെ​ട്ടി 2022 ഏ​പ്രി​ല്‍ 20നാ​ണ് സ​മ​ര​ത്തി​നു തു​ട​ക്കം​കു​റി​ച്ച​ത്.

സ​ര്‍ക്കാ​ര്‍ ഉ​ത്ത​ര​വ് ഭൂ​വുട​മ​ക​ള്‍ക്ക് വി​ന​യാ​യി തു​ട​രു​ന്നു

നി​ര്‍ദി​ഷ്ട പാ​ത ക​ട​ന്നു​പോ​കു​ന്ന സ​ര്‍വേ​ന​മ്പ​റും ബ്ലോ​ക്ക് ന​മ്പ​റു​ക​ളും ഉ​ള്‍പ്പെ​ടു​ത്തി 2021 ഓ​ഗ​സ്റ്റ് 18നും 2021 ​ഒ​ക്‌​ടോ​ബ​ര്‍ 30നും ​പ​ദ്ധ​തി​യു​ടെ സാ​മൂ​ഹി​കാ​ഘാ​ത പ​ഠ​ന​ത്തി​നാ​യി സ​ര്‍ക്കാ​ര്‍ ഇ​റ​ക്കി​യ ഉ​ത്ത​ര​വ് നി​ല​നി​ല്‍ക്കു​ന്ന​തി​നാ​ല്‍ ബ​ന്ധ​പ്പെ​ട്ട ഭൂ​മി ക്ര​യ​വി​ക്ര​യം ന​ട​ത്തു​ന്ന​തി​നും വാ​യ്പ​യ്ക്കും ത​ട​സം നേ​രി​ടു​ക​യാ​ണ്. കേ​ന്ദ്രം അ​നു​വ​ദി​ച്ചാ​ലേ സി​ല്‍വ​ര്‍ലൈ​ന്‍ പ​ദ്ധ​തി തു​ട​രു​ക​യു​ള്ളൂ​വെ​ന്ന് മു​ഖ്യ​മ​ന്ത്രി പ​ല​ത​വ​ണ ആ​വ​ര്‍ത്തി​ച്ചെ​ങ്കി​ലും ഈ ​ഉ​ത്ത​ര​വ് പി​ന്‍വ​ലി​ക്കാ​ത്ത​ത് ഭൂ​വു​ട​മ​ക​ള്‍ക്ക് വ​ലി​യ പ്ര​തി​സ​ന്ധി​യാ​ണ്.

സി​ല്‍വ​ര്‍ലൈ​ന്‍ പ​ദ്ധ​തി മാ​ട​പ്പ​ള്ളി പ​ഞ്ചാ​യ​ത്തി​നെ ഏ​റെ വി​ഘാ​ത​മാ​യി ബാ​ധി​ക്കു​മെ​ന്നാ​ണ് സൂ​ച​ന​ക​ള്‍ ന​ല്‍കു​ന്ന​ത്. സ്ഥ​ല​മെ​ടു​പ്പ് ന​ട​ന്നാ​ല്‍ ഭൂ​പ​ട​ത്തി​ല്‍നി​ന്ന് മാ​ട​പ്പ​ള്ളി പ​ഞ്ചാ​യ​ത്തു​ത​ന്നെ അ​പ്ര​ത്യ​ക്ഷ​മാ​കു​മെ​ന്നും സ​ര്‍വേ ഉ​ത്ത​ര​വു​ക​ള്‍ പ​രി​ശോ​ധി​ച്ചാ​ല്‍ ഇ​ത് മ​ന​സി​ലാ​കു​മെ​ന്നും സി​ല്‍വ​ര്‍ലൈ​ന്‍ വി​രു​ദ്ധ സ​മ​ര​സ​മി​തി ഭാ​ര​വാ​ഹി​ക​ള്‍ ചൂ​ണ്ടി​ക്കാ​ട്ടു​ന്നു.

സ​ര്‍ക്കാ​ര്‍ പ​ദ്ധ​തി​ക​ള്‍ക്കും ന​യ​ങ്ങ​ള്‍ക്കു​മെ​തി​രേ സ​മ​രം ചെ​യ്ത​വ​ർ​ക്കെ​തി​രാ​യ നി​ര​വ​ധി കേ​സു​ക​ള്‍ ഇ​തി​നോ​ട​കം സ​ര്‍ക്കാ​ര്‍ പി​ന്‍വ​ലി​ച്ചെ​ങ്കി​ലും കെ-​റെ​യി​ൽ സി​ല്‍വ​ര്‍ലൈ​ൻ പ​ദ്ധ​തി​ക്കെ​തി​രേ പ്ര​തി​ഷേ​ധി​ച്ച​തി​നെ​ടു​ത്ത കേ​സു​ക​ള്‍ പി​ന്‍വ​ലി​ക്കാ​ത്ത​ത് സ​ര്‍ക്കാ​രി​ന്‍റെ​വാ​ശി​യും ഇ​ര​ട്ട​ത്താ​പ്പു​മാ​ണെ​ന്നാ​ണ് സ​മ​ര​സ​മി​തി ഭാ​ര​വാ​ഹി​ക​ള്‍ ആ​രോ​പി​ക്കു​ന്ന​ത്. സിൽവർലൈ​നി​നെ​തി​രേ പ്ര​തി​ഷേ​ധി​ച്ച അ​ഞ്ഞൂ​റി​ലേ​റെ​പ്പേ​ര്‍ക്കെ​തി​രേ സം​സ്ഥാ​ന​ത്താ​ക​മാ​നം കേ​സു​ക​ള്‍ നി​ല​നി​ല്‍ക്കു​ന്നു​ണ്ട്.

ഡോ. ​ഗീ​വ​ര്‍ഗീ​സ് മാ​ര്‍ കു​റി​ലോ​സ് ഉ​ദ്ഘാ​ട​നം ചെ​യ്യും

ഇ​ന്നു രാ​വി​ലെ 10ന് ​ചേ​രു​ന്ന സ​മ്മേ​ള​നം ഡോ. ​ഗീ​വ​ര്‍ഗീ​സ് മാ​ര്‍ കൂ​റി​ലോ​സ് മെ​ത്രാ​പ്പോ​ലീ​ത്താ ഉ​ദ്ഘാ​ട​നം ചെ​യ്യും. സ​മ​ര​സ​മി​തി ജി​ല്ലാ ചെ​യ​ര്‍മാ​ന്‍ ബാ​ബു കു​ട്ട​ന്‍ചി​റ അ​ധ്യ​ക്ഷ​ത വ​ഹി​ക്കും.

പ്ര​ശ്‌​സ​ത പ​രി​സ്ഥി​തി പ്ര​വ​ര്‍ത്ത​ക​ന്‍ സി.​ആ​ര്‍. നീ​ല​ക​ണ്ഠ​ന്‍ മു​ഖ്യ​പ്ര​ഭാ​ഷ​ണം ന​ട​ത്തും. സി​ല്‍വ​ര്‍ലൈ​ന്‍ വി​രു​ദ്ധ സ​മി​തി സം​സ്ഥാ​ന ചെ​യ​ര്‍മാ​ന്‍ എം.​പി. ബാ​ബു​രാ​ജ്, സെ​ക്ര​ട്ട​റി എ​സ്. രാ​ജീ​വ​ന്‍, ജോ​സ​ഫ് എം. ​പു​തു​ശേ​രി തു​ട​ങ്ങി​യ​വ​ര്‍ പ്രസം​ഗി​ക്കും.

Copyright @ 2022 , Rashtra Deepika Ltd.