ഹോം ​സ്റ്റേ ക്ലാ​സി​ഫി​ക്കേ​ഷ​ൻ: രേ​ഖ​ക​ളി​ല്ലെ​ന്ന് ടൂ​റി​സം വ​കു​പ്പ്
Wednesday, May 8, 2024 3:37 AM IST
അ​നു​മ​തി ന​ൽ​കു​ന്ന​തി​ൽ വേ​ർ​തി​രി​വെ​ന്ന് പ​രാ​തി

തൊ​ടു​പു​ഴ: ജി​ല്ല​യി​ൽ ഹോം ​സ്റ്റേ, സ​ർ​വീ​സ്ഡ് വി​ല്ല എ​ന്നി​വ ന​ട​ത്തു​ന്ന​തി​ന് അ​നു​മ​തി ന​ൽ​കു​ന്ന​തു​മാ​യി ബ​ന്ധ​പ്പെ​ട്ട് വി​വ​രാ​വ​കാ​ശ നി​യ​മ പ്ര​കാ​രം ഉ​ന്ന​യി​ച്ച ചോ​ദ്യ​ത്തി​നു ജി​ല്ലാ ടൂ​റി​സം ഡെ​പ്യു​ട്ടി ഡ​യ​റ​ക്ട​റു​ടെ ഓ​ഫീ​സ് ന​ൽ​കു​ന്ന മ​റു​പ​ടി​യി​ൽ വ്യ​ക്ത​ത​യി​ല്ലെ​ന്ന് ആ​ക്ഷേ​പം.

ഹോം ​സ്റ്റേ, സ​ർ​വീ​സ്ഡ് വി​ല്ല എ​ന്നി​വ​യു​ടെ ക്ലാ​സി​ഫി​ക്കേ​ഷ​ൻ പ​രി​ശോ​ധ​ന ന​ട​ത്തു​ന്ന​തു ജി​ല്ലാ ടൂ​റി​സം ഡെ​പ്യു​ട്ടി ഡ​യ​റ​ക്ട​ർ ഓ​ഫീ​സാ​ണ്. പ​രി​ശോ​ധ​ന​യി​ൽ സു​താ​ര്യ​ത​യി​ല്ലെ​ന്ന ആ​ക്ഷേ​പം നി​ല നി​ൽ​ക്കു​ന്ന​തി​നി​ടെ​യാ​ണ് ഇ​വ​യു​ടെ അ​നു​മ​തി സം​ബ​ന്ധി​ച്ച് വി​വ​രാ​വ​കാ​ശ പ്ര​കാ​രം ഉ​ന്ന​യി​ച്ച ചോ​ദ്യ​ത്തി​നു ന​ൽ​കി​യ മ​റു​പ​ടി​യി​ൽ വി​വ​രം ല​ഭ്യ​മ​ല്ലെ​ന്ന് വ്യ​ക്ത​മാ​ക്കി​യ​ത്.

സം​സ്ഥാ​ന വി​നോ​ദ സ​ഞ്ചാ​ര വ​കു​പ്പി​ന്‍റെ സം​രം​ഭ​ക പ്രോ​ത്സാ​ഹ​ന പ​ദ്ധ​തി​യി​ൽ ഉ​ൾ​പ്പെ​ടു​ത്തി​യാ​ണ് ഹോം ​സ്റ്റേ​ക​ളും സ​ർ​വീ​സ്ഡ് വി​ല്ല​ക​ളും അ​നു​വ​ദി​ക്കു​ന്ന​ത്. ക​ഴി​ഞ്ഞ പ​ത്തു വ​ർ​ഷ​ത്തി​നി​ടെ ജി​ല്ല​യി​ൽ ഇ​ത്ത​രം എ​ത്ര സ്ഥാ​പ​ന​ങ്ങ​ൾ ക്ലാ​സി​ഫി​ക്കേ​ഷ​ന് അ​പേ​ക്ഷി​ച്ചി​രു​ന്നു എ​ന്നും എ​ത്ര​യെ​ണ്ണ​ത്തി​ന് അ​നു​കൂ​ല​മാ​യും എ​ത്ര അ​പേ​ക്ഷ​ക​ൾ​ക്ക് വി​രു​ദ്ധ റി​പ്പോ​ർ​ട്ടും ടൂ​റി​സം ഡ​യ​റ​ക്ട​ർ​ക്ക് ജി​ല്ലാ ഓ​ഫീ​സി​ൽ​നി​ന്ന് കൈ​മാ​റി എ​ന്ന​താ​യി​രു​ന്നു ചോ​ദ്യം. ഇ​തി​നാ​ണ് വി​വ​രം ല​ഭ്യ​മ​ല്ലെ​ന്ന മ​റു​പ​ടി ന​ൽ​കി​യ​ത്.

ക്ലാ​സി​ഫി​ക്കേ​ഷ​നാ​യി ഓ​ണ്‍​ലൈ​നാ​യി ന​ൽ​കു​ന്ന അ​പേ​ക്ഷ​യോ​ടൊ​പ്പം ഹോം ​സ്റ്റേ​യ്ക്ക് 3,000, സ​ർ​വീ​സ്ഡ് വി​ല്ല​യ്ക്ക് 3,500 രൂ​പ എ​ന്ന ക​ണ​ക്കി​ൽ ഫീ​സും ന​ൽ​ക​ണം. അ​പേ​ക്ഷ​യോ​ടൊ​പ്പം വീ​ടി​ന്‍റെ അ​ല്ലെ​ങ്കി​ൽ കെ​ട്ടി​ട​ത്തി​ന്‍റെ പ്ലാ​ൻ, പ​ഞ്ചാ​യ​ത്തി​ൽ​നി​ന്ന് ഉ​ട​മ​സ്ഥാ​വ​കാ​ശം തെ​ളി​യി​ക്കു​ന്ന സ​ർ​ട്ടി​ഫി​ക്ക​റ്റ്, പോ​ലീ​സ് ക്ലി​യ​റ​ൻ​സ്, ഫു​ഡ് സേ​ഫ്റ്റി സ​ർ​ട്ടി​ഫി​ക്ക​റ്റ് അ​ങ്ങി​നെ നി​ര​വ​ധി സ​ർ​ട്ടി​ഫി​ക്ക​റ്റു​ക​ളും ഹാ​ജ​രാ​ക്ക​ണം. ഇ​തെ​ല്ലാം ത​ന്നെ ത​ര​പ്പെ​ടു​ത്താ​ൻ വ​ലി​യ തു​ക ചി​ല​വു വ​രും.

ഇ​വ പ​രി​ശോ​ധി​ച്ച് കൃ​ത്യ​മാ​ണെ​ന്ന് ഉ​റ​പ്പാ​ക്കി​യ ശേ​ഷം ക്ലാ​സി​ഫി​ക്കേ​ഷ​ൻ കി​ട്ടാ​ൻ ടു​റി​സം വ​കു​പ്പ് നി​ർ​ദേ​ശി​ക്കു​ന്ന ചെ​ക്ക് ലി​സ്റ്റ് പ്ര​കാ​ര​മു​ള്ള വി​വി​ധ സൗ​ക​ര്യ​ങ്ങ​ളും ഒ​രു​ക്ക​ണം. ഇ​തി​നു ശേ​ഷം ജി​ല്ലാ ടൂ​റി​സം ഡെ​പ്യൂ​ട്ടി ഡ​യ​റ​ക്ട​ർ, പി​ഡ​ബ്ല്യു​ഡി റെ​സ്റ്റ് ഹൗ​സ് മാ​നേ​ജ​ർ, ഡി​ടി​പി​സി സെ​ക്ര​ട്ട​റി, സ്ഥ​ല​ത്തെ പ​ഞ്ചാ​യ​ത്തം​ഗം എ​ന്നി​വ​ർ ചേ​ർ​ന്നു പ​രി​ശോ​ധ​ന ന​ട​ത്തും.

തു​ട​ർ​ന്ന് അ​നു​കൂ​ല​മോ പ്ര​തി​കൂ​ല​മോ ആ​യ റി​പ്പോ​ർ​ട്ട് ഡ​യ​റ​ക്ട​ർ​ക്ക് കൈ​മാ​റും. ഇ​തി​ന്‍റെ ചു​വ​ടു പി​ടി​ച്ചാ​ണ് ക്ലാ​സി​ഫി​ക്കേ​ഷ​ൻ ലി​സ്റ്റി​ൽ ഉ​ൾ​പ്പെ​ടു​ത്തി അ​നു​മ​തി ഉ​ത്ത​ര​വ് ന​ൽ​കു​ക. എ​ന്നാ​ൽ സാ​ധാ​ര​ണ​ക്കാ​ർ ഹോം ​സ്റ്റേ ന​ട​ത്തി​പ്പി​നാ​യി ന​ൽ​കു​ന്ന അ​പേ​ക്ഷ​ക​ളി​ൽ പ​രി​ഗ​ണ​ന കി​ട്ടാ​റി​ല്ലെ​ന്ന് വ്യാ​പ​ക ആ​ക്ഷേ​പം ഉ​ണ്ട്.

ഇ​തെ​ത്തു​ട​ർ​ന്നാ​ണ് വി​വ​ര​വ​കാ​ശ നി​യ​മ​പ്ര​കാ​രം ക​ഴി​ഞ്ഞ പ​ത്തു വ​ർ​ഷ​ത്തി​നി​ട​യി​ൽ എ​ത്ര അ​പേ​ക്ഷ​ക​ൾ കി​ട്ടി​യെ​ന്നും അ​വ​യി​ൽ അ​നു​കൂ​ല റി​പ്പോ​ർ​ട്ട് ന​ൽ​കാ​ത്ത​വ എ​ത്ര​യെ​ന്നും ചോ​ദ്യം ഉ​ന്ന​യി​ച്ച​ത്. ഇ​തി​നാ​ണ് വി​വ​രം ല​ഭ്യ​മ​ല്ലെ​ന്ന മ​റു​പ​ടി ന​ൽ​കി​യ​ത്.

അ​പേ​ക്ഷ സ്വീ​ക​രി​ച്ചു ഫീ​സും വാ​ങ്ങി പ​രി​ശോ​ധ​ന ന​ട​ത്തി​യി​ട്ടും ഇ​തി​ന്‍റെ രേ​ഖ​ക​ൾ ഓ​ഫീ​സി​ൽ ഇ​ല്ലെ​ന്ന മ​റു​പ​ടി ന​ൽ​കി​യ​ത് ഇ​തി​നു പി​ന്നി​ൽ ന​ട​ക്കു​ന്ന അ​ഴി​മ​തി മൂ​ടി​വ​യ്ക്കാ​നാ​ണെ​ന്നും ആ​ക്ഷേ​പം ഉ​യ​ർ​ന്നി​ട്ടു​ണ്ട്.

Copyright @ 2022 , Rashtra Deepika Ltd.