6

1947 ജനുവരി 15-ന് അമേരിക്കയിലെ ലോസ് ഏഞ്ചലസിൽ നടന്ന കൊലപാതകം. കൊല്ലപ്പെട്ടത് യുവനടി എലിസബത്ത് ഷോട്ട്. ഹോളിവുഡിന്‍റെ വെള്ളിവെളിച്ചത്തിൽ കറുത്ത അടയാളമായി ഇന്നും ആ 22-കാരിയുടെ മുഖമുണ്ട്. എൺപതു വർഷം പിന്നിടുമ്പോഴും കൊടും ക്രൂരനായ കൊലയാളിയെക്കുറിച്ച് ഒരു വിവരവുമില്ല. കൊലയ്ക്കുശേഷം തയാറാക്കിയ കത്തും എലിസബത്തിന്‍റെ വിവിധ വസ്തുക്കളും ഉൾപ്പെടെ പ്രമുഖ പത്രത്തിന്‍റെ ഓഫിസിലേക്ക് തപാലിലൂടെ അയച്ചുകൊടുത്ത അതിസമർഥനായ കൊലയാളി ആരാണ്? ലോകത്ത് ഏറ്റവും ആസൂത്രിതമായി നടത്തിയ കൊലപാതകം ഇന്നും കുറ്റാന്വേഷകർക്കു പ്രഹേളികയായി തുടരുന്നു.

1947 ജനുവരി 15
അ​ന്നത്തെ പ്രഭാതത്തിൽ, ഒഴിഞ്ഞ പ​റ​മ്പി​ലൂ​ടെ തന്‍റെ മ​ക​ളു​മൊ​ത്തു ന​ട​ന്നു​പോ​യ സ്ത്രീ​യാ​ണു മൃ​ത​ദേ​ഹം ആ​ദ്യം കണ്ടത്. ദൂ​രെനിന്നു നോ​ക്കി​യ​പ്പോ​ൾ തു​ണി​പ്പാ​വ​യോ ക​ട​ലാ​സ് ക​ഷ​ണ​ങ്ങ​ളോ ആ​യി​രി​ക്കാം അ​തെ​ന്നാ​ണ് അ​വ​ർ ക​രു​തി​യ​ത്. എ​ന്നാ​ൽ അ​ടു​ത്തെത്തിയപ്പോൾ ക​ണ്ട കാ​ഴ്ച ഭ​യാനകമായിരുന്നു. ന​ടു​വേ മു​റി​ച്ചു ര​ണ്ടു കഷണമാ​ക്ക​പ്പെ​ട്ട നി​ല​യി​ൽ ഒരു യുവതിയുടെ മൃതശരീരം.
അ​മേ​രി​ക്ക​ൻ ച​രി​ത്ര​ത്തി​ലെത​ന്നെ ഏ​റ്റ​വും ക്രൂ​ര​വും നി​ഗൂ​ഢ​വു​മാ​യ ഒ​രു അ​ധ്യാ​യ​ത്തി​ന്‍റെ തു​ട​ക്ക​മാ​യി​രു​ന്നു അത്! ലോകമെന്പാടുമുള്ള മാധ്യമങ്ങൾ 'ബ്ലാ​ക്ക് ഡാ​ലി​യ' കൊ​ല​പാ​ത​കം എന്നു വിശേഷിപ്പിക്കപ്പെട്ട ആ സംഭവം പതി​റ്റാ​ണ്ടു​ക​ൾ പി​ന്നി​ട്ടി​ട്ടും ഉ​ത്ത​രം കി​ട്ടാ​ത്ത ചോ​ദ്യ​മാ​യി അവശേ​ഷി​ക്കു​ന്നു.

പൊലീ​സി​നെ നടുക്കടലിലാക്കിയ അ​ന്വേ​ഷ​ണം
കേ​സ് അ​ന്വേ​ഷി​ച്ച ലോ​സ് ഏ​ഞ്ച​ല​സ് പൊ​ലിസിനു തു​ട​ക്കം മു​ത​ൽതന്നെ നിരവധി പ്രതിസന്ധികൾ നേരിടേണ്ടിവന്നു. ആ​യി​ര​ക്ക​ണ​ക്കി​ന് ആ​ളു​ക​ളെ ചോ​ദ്യം ചെ​യ്തു, നൂ​റു​ക​ണ​ക്കി​നു പേരെ സം​ശ​യ​മു​ന​യി​ൽ നി​ർ​ത്തി. എ​ന്നാ​ൽ കൃ​ത്യ​മാ​യ തെ​ളി​വു​ക​ളു​ടെ അ​ഭാ​വം അ​ന്വേ​ഷ​ണ​ത്തെ വ​ഴി​മു​ട്ടി​ക്കുകയായിരുന്നു.

ഇ​തി​നി​ട​യി​ൽ മാ​ധ്യ​മ​ങ്ങ​ൾ​ക്കു ല​ഭി​ച്ച ചി​ല ക​ത്തു​ക​ളും സ​ന്ദേ​ശ​ങ്ങ​ളു​മാ​ണു കേ​സി​നു കൂ​ടു​ത​ൽ നി​ഗൂ​ഢ​ത ന​ൽ​കി​യ​ത്. കൊ​ല​പാ​ത​കി​യു​ടേ​തെ​ന്ന് അ​വ​കാ​ശ​പ്പെ​ടു​ന്ന ക​ത്തു​ക​ൾ​ക്കൊ​പ്പം എ​ലി​സ​ബ​ത്തിന്‍റെ ജ​ന​ന സ​ർ​ട്ടി​ഫി​ക്ക​റ്റ്, ചി​ത്ര​ങ്ങ​ൾ, വി​ലാ​സ​ങ്ങ​ൾ എ​ഴു​തി​യ നോ​ട്ട്ബു​ക്ക്, വ്യ​ക്തി​ഗ​ത സാ​ധ​ന​ങ്ങ​ൾ എ​ന്നി​വ മാ​ധ്യ​മസ്ഥാ​പ​ന​ങ്ങ​ൾ​ക്കു ത​പാ​ലി​ൽ ല​ഭി​ച്ചു. എ​ലി​സ​ബ​ത്തിന്‍റെ വ​സ്തു​വ​ക​ക​ൾ പൂ​ർണ​മാ​യും അ​ണു​നാ​ശി​നി ഉ​പ​യോ​ഗി​ച്ച് ക​ഴു​കി വി​ര​ല​ട​യാ​ള​ങ്ങ​ൾ മാ​യ്ച്ച ശേ​ഷ​മാ​ണു മാ​ധ്യ​മ​ങ്ങ​ൾ​ക്ക് അ​യച്ചത്. ഇതു കൊ​ല​പാ​ത​കി​യു​ടെ ആ​സൂ​ത്ര​ണ മി​ക​വി​ലേ​ക്കു വി​ര​ൽ ചൂ​ണ്ടു​ന്നു.

വി​ചി​ത്ര​മാ​യ വെ​ളി​പ്പെ​ടു​ത്ത​ലു​ക​ൾ
കാ​ല​ങ്ങ​ൾ ക​ട​ന്നു​പോ​കു​ന്തോ​റും കേ​സി​ന്‍റെ വ്യാ​പ്തി വ​ർ​ധി​ച്ചു. നൂ​റി​ല​ധി​കം ആ​ളു​ക​ൾ കൊലപാതകക്കുറ്റം ഏറ്റെടുത്തു പൊലിസിന്‍റെ മുന്നിലെത്തി. എ​ന്നാ​ൽ അന്വേഷണത്തിൽ ഭൂ​രി​ഭാ​ഗ​വും ശ്ര​ദ്ധ പി​ടി​ച്ചു​പ​റ്റാ​നു​ള്ള വ്യാ​ജ അ​വ​കാ​ശ​വാ​ദ​ങ്ങ​ളാ​ണെ​ന്നു തെ​ളി​ഞ്ഞു. സം​ശ​യി​ക്ക​പ്പെ​ട്ട​വ​രു​ടെ പ​ട്ടി​ക​യി​ൽ പ്ര​മു​ഖ ഡോ​ക്ട​ർ​മാ​ർ, വ്യ​വ​സാ​യി​ക​ൾ, എ​ലി​സ​ബ​ത്തിന്‍റെ സു​ഹൃ​ത്തു​ക്ക​ൾ എ​ന്നി​വ​രു​ണ്ടാ​യി​രു​ന്നു. മു​ൻ പൊ​ലി​സ് ഉ​ദ്യോ​ഗ​സ്ഥ​നാ​യ സ്റ്റീ​വ് ഹോ​ഡ​ൽ, തന്‍റെ സ്വ​ന്തം പി​താ​വാ​യ ഡോ. ​ജോ​ർജ് ഹോ​ഡ​ലാ​ണു കൊലപാതകത്തിനു പിന്നിലെന്ന് ആരോപിച്ചതും അതുമായി ബന്ധപ്പെട്ടു പു​സ്ത​ക​മെ​ഴു​തി​യ​തും വ​ലി​യ വാ​ർ​ത്ത​യാ​യി​രു​ന്നു. എ​ന്നാ​ൽ അ​പ്പോ​ഴും നി​യ​മ​ത്തിനു മു​ന്നി​ൽ സ​മ​ർ​പ്പി​ക്കാ​ൻ ത​ക്ക​താ​യ തെ​ളി​വു​ക​ൾ പൊലിസിനു ല​ഭി​ച്ചി​ല്ല.

ചുരുളഴിയാത്ത നിഗൂഢത
എ​ലി​സ​ബ​ത്തിന്‍റെ ക​റു​ത്ത വ​സ്ത്ര​ധാ​ര​ണ രീ​തി​യും പ്ര​കൃ​ത​വും മു​ൻ​നി​ർ​ത്തി മാ​ധ്യ​മ​ങ്ങ​ൾ അ​വ​ൾ​ക്കു ന​ൽ​കി​യ പേ​രാ​യി​രു​ന്നു 'ബ്ലാ​ക്ക് ഡാ​ലി​യ'. എ​ൺ​പ​തു വ​ർ​ഷം പി​ന്നി​ടു​മ്പോ​ഴും 'ബ്ലാ​ക്ക് ഡാ​ലി​യ' എ​ന്ന പേ​രു ലോ​ക​മെ​മ്പാ​ടു​മു​ള്ള ക്രൈം ​ഇ​ൻ​വെ​സ്റ്റി​ഗേ​റ്റ​ർ​മാ​ർ​ക്കി​ട​യി​ലും ജ​ന​ങ്ങ​ൾ​ക്കി​ട​യി​ലും ഭ​യ​മുണ​ർ​ത്തു​ന്നു. ഹോ​ളി​വു​ഡ് ചി​ത്ര​ങ്ങ​ൾ​ക്കും ജ​ന​പ്രി​യ നോ​വ​ലു​ക​ൾ​ക്കും ഈ ​സം​ഭ​വം പ്ര​മേ​യ​മാ​യി​ട്ടു​ണ്ട്. സാ​ങ്കേ​തി​ക​വി​ദ്യ​യും ഫോ​റ​ൻ​സി​ക് ശാ​സ്ത്ര​വും ഏ​റെ മു​ന്നേ​റി​യ ഇക്കാലത്തും 1947-ൽ നടന്ന കൊലപാതകത്തിന്‍റെ ഒരു തുന്പു പോലും കണ്ടെത്താൻ ലോ​ക​ത്തി​ലെ ഏ​റ്റ​വും വ​ലി​യ അ​ന്വേ​ഷ​ണ ഏ​ജ​ൻ​സി​ക​ൾ​ക്കു പോ​ലും സാ​ധി​ച്ചി​ട്ടി​ല്ല. എ​ലി​സ​ബ​ത്ത് ഷോ​ട്ടി​നു നീ​തി ല​ഭി​ച്ചി​ല്ലെ​ങ്കി​ലും, സി​നി​മ​യു​ടെ മാ​സ്മ​രി​ക ലോ​ക​ത്തി​ലേ​ക്കു ക​ട​ന്നു​വ​ന്ന്, ദാ​രു​ണ​മാ​യി ഒ​ടു​ങ്ങേ​ണ്ടിവ​ന്ന ആ യുവനടിയുടെ ക​ഥ ഇ​ന്നും അ​മേ​രി​ക്ക​ൻ കു​റ്റാ​ന്വേ​ഷ​ണ ച​രി​ത്ര​ത്തി​ലെ ഏ​റ്റ​വും വ​ലി​യ നി​ഗൂ​ഢ​ത​യാ​യി അ​വ​ശേ​ഷി​ക്കു​ന്നു!

Tags : HollywoodNews BlackDahliaMurderCase Elizabeth Short USPolice