18

ചെ​ന്നൈ: ത​മി​ഴ്നാ​ട് നി​യ​മ​സ​ഭ​യി​ൽ ഇ​ന്ന് സ്പീ​ക്ക​ർ-​ഡെ​പ്യൂ​ട്ടി സ്പീ​ക്ക​ർ തെ​ര​ഞ്ഞെ​ടു​പ്പ് ന​ട​ക്കും. ചെ​ന്നൈ തൌ​സ​ൻ​ഡ് ലൈ​റ്റ്സ് എം​എ​ൽ​എ ജെ.​സി.​ഡി. പ്ര​ഭാ​ക​ർ ആ​ണ് ടി​വി​കെ​യു​ടെ സ്ഥാ​നാ​ർ​ഥി. മൂ​ന്നാം ത​വ​ണ​യാ​ണ് പ്ര​ഭാ​ക​ർ എം​എ​ൽ​എ ആ​കു​ന്ന​ത്.

ചൊ​വ്വാ​ഴ്ച രാ​വി​ലെ 9.30 നാ​ണ് തെ​ര​ഞ്ഞെ​ടു​പ്പ് ന​ട​ക്കു​ക. എ​ന്നാ​ൽ ഡി​എം​കെ​യും എ​ഐ​എ​ഡി​എം​കെ​യും സ്ഥാ​നാ​ർ​ഥി​ക​ളെ പ്ര​ഖ്യാ​പി​ച്ചി​ട്ടി​ല്ല. പ്ര​ഭാ​ക​ർ മു​തി​ർ​ന്ന നേ​താ​വാ​ണെ​ന്നും അ​നു​യോ​ജ്യ​നാ​യ സ്ഥാ​നാ​ർ​ഥി​യാ​ണെ​ന്നും ഡി​എം​കെ വ​ക്താ​വ് ടി.​കെ.​എ​സ്. ഇ​ള​ങ്കോ​വ​ൻ ഇ​ന്ന​ലെ അ​ഭി​പ്രാ​യ​പ്പെ​ട്ടി​രു​ന്നു.

വി​ജ​യ് സ​ർ​ക്കാ​രി​ന്‍റെ കീ​ഴി​ൽ നി​യ​മ​സ​ഭ​യു​ടെ അ​ധ്യ​ക്ഷ​സ്ഥാ​ന​ത്തേ​ക്ക് പ​രി​ച​യ​സ​മ്പ​ന്ന​നാ​യ പ്ര​ഭാ​ക​റി​നെ എ​ത്തി​ക്കു​ന്ന​തി​ലൂ​ടെ അ​നാ​യാ​സം വി​ജ​യി​ച്ച്, സ​ഭാ ന​ട​പ​ടി​ക​ൾ സു​ഗ​മ​മാ​യി മു​ന്നോ​ട്ട് കൊ​ണ്ടു​പോ​കാ​മെ​ന്നാ​ണ് ടി​വി​കെ ക​ണ​ക്കു​കൂ​ട്ടു​ന്ന​ത്. എം. ​ര​വി​ശ​ങ്ക​ർ ഡെ​പ്യൂ​ട്ടി സ്പീ​ക്ക​ർ സ്ഥാ​നാ​ർ​ഥി​യാ​കും.

അ​തേ​സ​മ​യം ഇ​ന്ന് എ​ഐ​എ​ഡി​എം​കെ​യി​ലെ പി​ള​ർ​പ്പി​ൽ സ്പീ​ക്ക​ർ ഇ​ന്ന് നി​ല​പാ​ട് വ്യ​ക്ത​മാ​ക്കി​യേ​ക്കും. എ​സ്.​പി. വേ​ലു​മ​ണി​യെ ക​ക്ഷി​നേ​താ​വാ​ക്ക​ണ​മെ​ന്ന് 30 എം​എ​ൽ​എ​മാ​രും ഇ​പി​എ​സി​നെ അം​ഗീ​ക​രി​ക്ക​ണ​മെ​ന്ന് 17 പേ​രും ആ​വ​ശ്യ​പ്പെ​ടു​ന്ന ക​ത്തു​ക​ൾ പ്രോ​ടേം സ്പീ​ക്ക​റി​ന് ന​ൽ​കി​യി​രു​ന്നു.

Tags : AIADMK dmk tamilnadu tvk