4

ന്യൂ​ഡ​ൽ​ഹി: കേ​ര​ള​ത്തി​ൽ എ​യിം​സ് കൊ​ണ്ടു​വ​രു​ന്ന​ത് പ​രി​ഗ​ണ​ന​യിലില്ല​ന്ന് കേ​ന്ദ്രം ഒ​രി​ക്ക​ൽ കൂ​ടി വ്യ​ക്ത​മാ​ക്കി​യ​തോ​ടെ കേ​ര​ള​ത്തി​ല ബി​ജെ​പി നേ​തൃ​ത്വം വീ​ണ്ടും പ്ര​തി​രോ​ധ​ത്തി​ൽ. കേരളത്തിലെ ബിജെപി നേതാക്കൾ കേരളത്തിന് എയിംസ് കിട്ടുമെന്നു തുടർച്ചയായി പ്രചരിപ്പിച്ചുകൊണ്ടിരിക്കുന്നതിനിടയിലാണ് കേന്ദ്രത്തിന്‍റെ അപ്രതീക്ഷിത മറുപടി. കഴിഞ്ഞ കുറെക്കാലമായി കേരളത്തിൽ ചർച്ചാവിഷയമാണ് എയിംസ്.

കേരളത്തിന് എയിംസ് കിട്ടുമെന്ന് കേന്ദ്രസഹമന്ത്രി സുരേഷ് ഗോപി പലവട്ടം പ്രഖ്യാപിച്ചിരുന്നു. കഴിഞ്ഞ കേന്ദ്രബജറ്റിൽ പ്രഖ്യാപിക്കുമെന്നായിരുന്നു ബിജെപി കേന്ദ്രങ്ങൾ കരുതിയിരുന്നത്. എന്നാൽ, കേരളത്തിന് കാര്യമായ പരിഗണന ബജറ്റിൽ ഇല്ലായിരുന്നു. തുടർന്നു പ്രധാനമന്ത്രി കേരളത്തിൽ എത്തിയ വേളയിലും വൻ പ്രഖ്യാപനങ്ങൾക്കായി ബിജെപി കേരള നേതൃത്വം കാത്തിരുന്നെങ്കിലും ഒന്നുമുണ്ടായില്ല. 

കഴിഞ്ഞ ദി​വ​സം കോ​ൺ​ഗ്ര​സ് എം​പി കൊ​ടി​ക്കു​ന്നി​ൽ സു​രേ​ഷി​ന്‍റെ ചോ​ദ്യ​ത്തിനു കേ​ന്ദ്ര ആ​രോ​ഗ്യ സ​ഹ​മ​ന്ത്രി രേ​ഖാ​മൂ​ലം ന​ൽ​കി​യ മ​റു​പ​ടി​യിലാണ് കേ​ര​ള​ത്തി​ന് എ​യിം​സ് ത​ത്കാ​ലം പ​രി​ഗ​ണ​ന​യി​ല്ലെ​ന്ന് കേന്ദ്രം ഒരിക്കൽകൂടി വ്യക്തമാക്കിയത്.

2016ൽ ​കേ​ര​ളത്തിൽ കോ​ഴി​ക്കോ​ട് കി​നാ​ലൂ​ർ, തി​രു​വ​ന​ന്ത​പു​രം കാ​ട്ടാ​ക്ക​ട, കോ​ട്ട​യം, എ​റ​ണാ​കു​ളം എ​ന്നി​വി​ട​ങ്ങ​ൾ ഉ​ൾ​പ്പെ​ടു​ത്തി എ​യിം​സ് സ്ഥാ​പി​ക്കാ​ൻ നി​ർ​ദേ​ശ​ങ്ങ​ൾ സ​മ​ർ​പ്പി​ച്ചി​ട്ടു​ണ്ടെ​ന്നും, 2025-ൽ ​കോ​ഴി​ക്കോ​ട് കി​നാ​ലൂ​രി​ൽ ഭൂ​മി ക​ണ്ടെ​ത്തി​യ​താ​യി അ​റി​യി​ച്ചി​ട്ടു​ണ്ടെ​ന്നും കേ​ന്ദ്രം മ​റു​പ​ടി​യി​ൽ സൂ​ചി​പ്പി​ച്ചു. എ​ന്നി​രു​ന്നാ​ലും, ഈ ​നി​ർ​ദേ​ശ​ങ്ങ​ൾ​ക്കു ഇ​തു​വ​രെ അം​ഗീ​കാ​രം ന​ൽ​കി​യി​ട്ടി​ല്ലെ​ന്നാ​ണ് കേ​ന്ദ്ര​ത്തി​ന്‍റെ നി​ല​പാ​ട്. കേ​ന്ദ്ര ആ​രോ​ഗ്യ സ​ഹ​മ​ന്ത്രി പ്ര​താ​പ്റാ​വു ജാ​ദ​വാ​ണ് പാ​ർ​ല​മെ​ന്‍റി​ൽ ഇ​ക്കാ​ര്യം രേ​ഖാ​മൂ​ലം വ്യ​ക്ത​മാ​ക്കി​യ​ത്.

എ​യിം​സ് വൈ​കു​ന്ന​തി​നെ വി​മ​ർ​ശി​ച്ച മ​ന്ത്രി കെ.​ബി. ഗ​ണേ​ഷ് കു​മാ​റി​നെ​തി​രെ രൂ​ക്ഷ​മാ​യ ഭാ​ഷ​യി​ലാ​ണ് സു​രേ​ഷ് ഗോ​പി പ്ര​തി​ക​രി​ച്ച​ത്. ഇ​ക്ക​ഴി​ഞ്ഞ കേ​ന്ദ്ര ബ​ജ​റ്റി​ലും ദീ​ർ​ഷ​കാ​ല​മാ​യ കേ​ര​ള​ത്തി​ന്‍റെ എ​യിം​സ് എ​ന്ന ആ​വ​ശ്യ​ത്തെ ത​ഴ​ഞ്ഞ കേ​ന്ദ്ര​സ​ർ​ക്കാ​രി​ന​തി​രെ വി​മ​ർ​ശ​ന​ങ്ങ​ൾ ശ​ക്ത​മാ​യി​രു​ന്നു.​ നിയമസഭാ തെരഞ്ഞെടുപ്പ് പ്രചാരണം കൊടുമ്പിരി കൊണ്ടിരിക്കുന്ന സമയത്ത് എയിംസ് നിഷേധം വിഷയമായി ഉയർന്നുവരുമെന്നാണ് കരുതുന്നത്. 

Tags : AIIMS BJP Kerala Latest News