ന്യൂഡൽഹി: വ്യവസായി അനിൽ അംബാനിയുടെ മകൻ ജയ് അൻമോൽ അനിൽ അംബാനിയുടെ വീട്ടിൽ സിബിഐ റെയ്ഡ്.
228 കോടിയുടെ ബാങ്ക് തട്ടിപ്പ് നടത്തിയെന്ന പരാതിയിൽ കേസെടുത്തതിനു പിന്നാലെയാണ് ജയ് അൻമോലിന്റെ വീട്ടിൽ സിബിഐ സംഘമെത്തിയത്.
യൂണിയൻ ബാങ്ക് ഓഫ് ഇന്ത്യയെ 228 കോടി രൂപ വഞ്ചിച്ചെന്നാണു പരാതി. റിലയൻസ് ഹോം ഫിനാൻസ് ലിമിറ്റഡ് (ആർഎച്ച്എഫ്എൽ), മുൻ സിഇഒ രവീന്ദ്ര ശരദ് സുധാകർ എന്നിവർക്കെതിരേയും കേസെടുത്തിട്ടുണ്ട്. മുംബൈ കഫേ പരേഡിലുള്ള ജയ് അൻമോലിന്റെ വീട്ടിലാണ് റെയ്ഡ് നടന്നത്.
റെയ്ഡിൽ നിരവധി രേഖകൾ പിടിച്ചെടുത്തതായി ഉദ്യോഗസ്ഥർ അറിയിച്ചു.
Tags : CBI raid Anil Ambani's son's house