ന്യൂഡൽഹി: എല്ലാ ആഭ്യന്തരവിമാനങ്ങളിലും യാത്രക്കാർക്ക് വൈഫൈ ഇന്റർനെറ്റ് സംവിധാനം ലഭ്യമാക്കണമെന്നു വ്യോമയാന നിയന്ത്രണ സ്ഥാപനമായ ഡയറക്ടറേറ്റ് ജനറൽ ഓഫ് സിവിൽ ഏവിയേഷൻ (ഡിജിസിഎ).
യാത്രക്കാർക്ക് ഇന്റർനെറ്റ് സൗകര്യം നൽകേണ്ടത് അടിസ്ഥാനപരമായ കടമയാണെന്നതു കണക്കിലെടുത്താണ് ഡിജിസിഎയുടെ നിർദേശം.
നിലവിൽ വിദേശ വിമാനക്കന്പനികൾ യാത്രക്കാർക്ക് വൈ ഫൈ സംവിധാനം ലഭ്യമാക്കുന്നുണ്ടെങ്കിലും ഇന്ത്യയിൽ വളരെക്കുറച്ച് വിമാനങ്ങളിൽ മാത്രമാണു ഈ സേവനമുള്ളത്.
വൈഫൈ സംവിധാനം ലഭ്യമാക്കണമെങ്കിൽ വിമാനങ്ങളിൽ സാങ്കേതികമായ മാറ്റങ്ങൾ വരുത്തേണ്ടതുണ്ട്. മാത്രമല്ല ഇതു ചെലവേറിയതുമാണ്. അതിനാൽ ഡിജിസിഎ നിർദേശം പാലിക്കാൻ ഇന്ത്യൻ വിമാനക്കമ്പനികൾ തയാറായേക്കില്ലെന്നാണു സൂചന.