പ്രതീകാത്മക ചിത്രം
മുംബൈ: മഹാരാഷ്ട്രയിലെ സംഭാജിനഗറിൽ വാട്ടര് ടാങ്കര് വൈദ്യുതി ലൈനില് തട്ടി ഷോക്കേറ്റ് ഒരാള് മരിച്ചു, ഒരാൾക്ക് ഗുരുതരമായി പരിക്കേറ്റു. പൈതന് താലൂക്കില് പച്ചോട് പ്രദേശത്ത് കുടിവെളളം വിതരണം ചെയ്യുന്നതിനിടെ ശിവജി സാഹേബ്റാവു ഭുംറെ (58) ആണ് മരിച്ചത്. സംഭവത്തിൽ മനോജ് റാംനാഥ് ഭുംറെയ്ക്ക് ഗുരുതരമായി പരിക്കേറ്റു.
ടാങ്കര് മുകളിലൂടെ കടന്നുപോകുന്ന വൈദ്യുതി ലൈനില് തട്ടി വൈദ്യുതി ടാങ്കറിലൂടെ പ്രവഹിക്കുകയായിരുന്നു. ശക്തമായ വൈദ്യുതാഘാതമേറ്റ് വാഹനത്തിലുണ്ടായിരുന്ന രണ്ടുപേരും തെറിച്ച് വീണു. ഉടന് തന്നെ ഇരുവരെയും ആശുപത്രിയിലെത്തിച്ചെങ്കിലും ശിവജിയെ രക്ഷിക്കാനായില്ല.
സംഭവത്തില് പോലീസ് അന്വേഷണം ആരംഭിച്ചു. മഹാരാഷ്ട്രയില് കനത്ത മഴയെത്തുടര്ന്ന് കഴിഞ്ഞ ദിവസങ്ങളില് നിരവധിയിടങ്ങളില് വൈദ്യുതാഘാതമേറ്റുളള മരണങ്ങള് റിപ്പോര്ട്ട് ചെയ്തിരുന്നു.
Tags : Water tanker power line die