6

ന്യൂ​ഡ​ൽ​ഹി: കേ​ര​ള​ത്തി​ലെ മു​ഖ്യ​മ​ന്ത്രി​യെ തീ​രു​മാ​നി​ക്കാ​നു​ള്ള കോ​ൺ​ഗ്ര​സി​ലെ ച​ർ​ച്ച​ക​ൾ അ​ന്തി​മ​ഘ​ട്ട​ത്തി​ലെ​ന്നു സൂ​ച​ന. ഹൈ​ക്ക​മാ​ൻ​ഡി​ന്‍റെ നേ​തൃ​ത്വ​ത്തി​ലാ​ണ് നി​ർ​ണാ​യ​ക ച​ർ​ച്ച​ക​ൾ ഡ​ൽ​ഹി​യി​ൽ പു​രോ​ഗ​മി​ക്കു​ന്ന​ത്. വി.​ഡി.​സ​തീ​ശ​ൻ, കെ.​സി. വേ​ണു​ഗോ​പാ​ൽ, ര​മേ​ശ് ചെ​ന്നി​ത്ത​ല എ​ന്നി​വ​രെ നേ​രി​ൽ ക​ണ്ടു​ള്ള ച​ർ​ച്ച​ക​ളാ​ണ് ഇ​പ്പോ​ൾ ന​ട​ക്കു​ന്ന​ത്. മു​ഖ്യ​മ​ന്ത്രി​സ്ഥാ​നം വേ​ണ​മെ​ന്ന നി​ല​യി​ൽ മൂ​ന്നു പേ​രും വി​ട്ടു​കൊ​ടു​ക്കാ​തെ നി​ൽ​ക്കു​ന്ന സാ​ഹ​ച​ര്യ​ത്തി​ലാ​ണ് ച​ർ​ച്ച​ക​ൾ ഊ​ർ​ജി​ത​മാ​യി​രി​ക്കു​ന്ന​ത്.

നേ​താ​ക്ക​ൾ​ക്കി​ട​യി​ൽ ഒ​രു സ​മ​വാ​യ​ത്തി​നാ​ണ് നേ​തൃ​ത്വം ശ്ര​മി​ക്കു​ന്ന​ത്. എ​ഐ​സി​സി പ്ര​സി​ഡ​ന്‍റ് മ​ല്ലി​കാ​ർ​ജു​ൻ ഖാ​ർ​ഗെ​യു​ടെ വ​സ​തി​യി​ലാ​ണ് ച​ർ​ച്ച​ക​ൾ പു​രോ​ഗ​മി​ക്കു​ന്ന​ത്. ലോ​ക്സ​ഭ പ്ര​തി​പ​ക്ഷ നേ​താ​വ് രാ​ഹു​ൽ​ഗാ​ന്ധി​യും ച​ർ​ച്ച​ക​ളി​ൽ പ​ങ്കു​ചേ​രാ​ൻ ഇ​വി​ടെ​യു​ണ്ട്. ഒ​രു മ​ണി​ക്കൂ​ർ പി​ന്നി​ടു​മ്പോ​ഴും ച​ർ​ച്ച തു​ട​രു​ക​യാ​ണ്.

എം​എ​ൽ​എ​മാ​രു​ടെ എ​ണ്ണം പ്ര​ധാ​ന മാ​ന​ദ​ണ്ഡ​മാ​ക്കാ​ൻ തീ​രു​മാ​നി​ച്ചാ​ൽ കെ.​സി. വേ​ണു​ഗോ​പാ​ലി​നു കു​റി​വീ​ഴും. അ​തേ​സ​മ​യം, ജ​ന​വി​കാ​ര​വും ഘ​ട​ക​ക​ക്ഷി​ക​ളു​ടെ താ​ത്പ​ര്യ​വും പ​രി​ഗ​ണ​നാ വി​ഷ​യ​മാ​യാ​ൽ വി.​ഡി.​സ​തീ​ശ​ൻ ത​ന്നെ മു​ഖ്യ​മ​ന്ത്രി​യാ​കും. അ​തേ​സ​മ​യം, സീ​നി​യോ​രി​റ്റി വി​ഷ​യം മു​ന്നോ​ട്ടു​വ​ച്ചാ​ണ് ര​മേ​ശ് ചെ​ന്നി​ത്ത​ല വാ​ദി​ക്കു​ന്ന​ത്.

നേ​താ​ക്ക​ൾ​ക്ക് ഇ​ട​യി​ൽ സ​മ​വാ​യ​മു​ണ്ടാ​ക്കി ഇ​ന്നു​ത​ന്നെ പ്ര​ഖ്യാ​പ​നം ന​ട​ത്തു​ക എ​ന്ന ദു​ഷ്ക​ര​മാ​യ ദൗ​ത്യ​മാ​ണ് എ​ഐ​സി​സി​ക്കു മു​ന്നി​ലു​ള്ള​ത്. മൂ​ന്നു പ​ക്ഷ​ത്തെ​യും അ​ണി​ക​ൾ ഹൈ​ക്ക​മാ​ൻ​ഡി​ൽ ന​ട​ക്കു​ന്ന ച​ർ​ച്ച​ക​ളി​ൽ ക​ണ്ണും​ന​ട്ട് ക​ടു​ത്ത ആ​കാം​ക്ഷ​യി​ലാ​ണ്.

മുഖ്യമന്ത്രിസ്ഥാനത്തേക്ക് ഒരാളെ നിശ്ചയിച്ചുകഴിഞ്ഞാൽ മറ്റു രണ്ടുപേരെയും അനുനയിപ്പിക്കുക എന്നതാണ് ഏറ്റവും വലിയ വെല്ലുവിളി. സ്ഥാനം കിട്ടാത്തവർ ഏതെങ്കിലും രീതിയിൽ അനഷ്ടം പ്രകടിപ്പിച്ചാൽ മാധ്യമങ്ങളും എതിരാളികളും അത് ഏറ്റെടുക്കുകയും ഇപ്പോൾ കിട്ടിയ തെരഞ്ഞെടുപ്പ് വിജയത്തിന്‍റെ തിളക്കം അതിൽത്തട്ടി നഷ്ടമാവുകയുംചെയ്യും എന്ന സാഹചര്യം മുന്നിലുണ്ട്. അതിനാൽ, എല്ലാവിധ അനുനയന സാധ്യതകളും പ്രയോഗിച്ച് നേതാക്കളെ സമാധാനിപ്പിച്ചു മാത്രമേ യോഗം അവസാനിപ്പിക്കൂ എന്നാണ് ലഭിക്കുന്ന സൂചനകൾ. 

Tags : congress politics Chief Minister election