12

ബ​ർ​ലി​ൻ: ലോ​ക​പ്ര​ശ​സ്ത​മാ​യ ബ​ർ​ലി​ൻ നൈ​റ്റ് ലൈ​ഫും നൈ​റ്റ് ക്ല​ബു​ക​ളും ക​ടു​ത്ത സാ​മ്പ​ത്തി​ക പ്ര​തി​സ​ന്ധി​യി​ലേ​ക്ക്. ഡാ​ൻ​സ് ഫ്ലോ​റു​ക​ളി​ൽ ആ​ളു​ക​ൾ എ​ത്തു​ന്നു​ണ്ടെ​ങ്കി​ലും, ക്ല​ബ്ബു​ക​ൾ​ക്കു​ള്ളി​ലെ മ​ദ്യ​വി​ൽ​പ്പ​ന​യും മ​റ്റ് വ​രു​മാ​ന​ങ്ങ​ളും കു​ത്ത​നെ ഇ​ടി​ഞ്ഞ​താ​ണ് പ്ര​തി​സ​ന്ധി​ക്ക് പ്ര​ധാ​ന കാ​ര​ണം. വ​ർ​ധിച്ചു​വ​രു​ന്ന വാ​ട​ക​യും ജീ​വ​ന​ക്കാ​രു​ടെ ചെ​ല​വു​ക​ളും ക്ല​ബ്ബു​ക​ളു​ടെ നി​ല​നി​ൽ​പ്പ് ത​ന്നെ അ​പ​ക​ട​ത്തി​ലാ​ക്കി​യി​രി​ക്കു​ക​യാ​ണ്.

മാ​റി​മ​റി​യു​ന്ന രീ​തി​ക​ളും വ​രു​മാ​ന മാ​ർ​ഗ്ഗ​ങ്ങ​ളും

ബ​ർ​ലി​ൻ ക്ല​ബ് ക​മ്മീ​ഷ​ൻ പു​റ​ത്തു​വി​ട്ട ഏ​റ്റ​വും പു​തി​യ പ​ഠ​ന റി​പ്പോ​ർ​ട്ട് പ്ര​കാ​രം, ജ​ന​ങ്ങ​ളു​ടെ രാ​ത്രി​കാ​ല വി​നോ​ദ ശീ​ല​ങ്ങ​ളി​ൽ വ​ൻ മാ​റ്റ​ങ്ങ​ളാ​ണ് ഉ​ണ്ടാ​യി​രി​ക്കു​ന്ന​ത്:

 2017ൽ ​ക്ല​ബു​ക​ളു​ടെ വ​രു​മാ​ന​ത്തി​ന്‍റെ 60 ശ​ത​മാ​ന​വും മ​ദ്യ​വി​ൽ​പ്പ​ന​യി​ൽ നി​ന്നും ഭ​ക്ഷ​ണ​ത്തി​ൽ നി​ന്നു​മാ​യി​രു​ന്നു. അ​ന്ന് പ്ര​വേ​ശ​ന ഫീ​സ് വ​ഴി 21 ശതമാനം വ​രു​മാ​നം മാ​ത്ര​മാ​ണ് ല​ഭി​ച്ചി​രു​ന്ന​ത്. എ​ന്നാ​ൽ ഇ​ന്ന​ത് ത​ല​കീ​ഴാ​യി മ​റി​ഞ്ഞു. ഇ​പ്പോ​ൾ വ​രു​മാ​ന​ത്തി​ന്റെ 59 ശതമാനം ടി​ക്ക​റ്റ് വി​ല​യി​ൽ നി​ന്നും, കേ​വ​ലം 20 ശതമാനം മാ​ത്ര​മാ​ണ് ബാ​ർ വി​ൽ​പ​ന​യി​ൽ നി​ന്നും ല​ഭി​ക്കു​ന്ന​ത്.

 ക്ല​ബ്ബു​ക​ളി​ൽ എ​ത്തു​ന്ന​വ​ർ കു​ടി​ക്കു​ന്ന മ​ദ്യ​ത്തി​ന്‍റെ അ​ള​വ് കു​ത്ത​നെ കു​റ​ഞ്ഞു. 73 ശതമാനം ക്ല​ബ്ബു​ക​ളും മ​ദ്യ​വി​ൽ​പ​ന കു​റ​ഞ്ഞ​താ​യി വ്യ​ക്ത​മാ​ക്കു​ന്നു. അ​തേ​സ​മ​യം മ​ദ്യ​മി​ല്ലാ​ത്ത സോ​ഫ്റ്റ് ഡ്രി​ങ്കു​ക​ൾ​ക്ക് ആ​വ​ശ്യ​ക്കാ​ർ ഏ​റി. ആ​ളു​ക​ൾ ക്ല​ബ്ബു​ക​ളി​ൽ ചി​ല​വ​ഴി​ക്കു​ന്ന സ​മ​യ​വും കു​റ​ഞ്ഞി​ട്ടു​ണ്ട്.

വ​ർ​ധിക്കു​ന്ന ചെ​ല​വു​ക​ളും ന​ഷ്ട​ത്തി​ലാ​കു​ന്ന ബി​സി​ന​​സും

വ​ർ​ധിച്ചു​വ​രു​ന്ന ചെ​ല​വു​ക​ൾ കാ​ര​ണം ക്ല​ബുക​ൾ​ക്ക് ലാ​ഭ​മു​ണ്ടാ​ക്കാ​ൻ സാ​ധി​ക്കു​ന്നി​ല്ല.

 2017ൽ 79 ശതമാനം ​ക്ല​ബു​ക​ളും ലാ​ഭ​ത്തി​ലോ അ​ല്ലെ​ങ്കി​ൽ ന​ഷ്ട​മി​ല്ലാ​തെ​യോ മു​ന്നോ​ട്ട് പോ​യി​രു​ന്നു. എ​ന്നാ​ൽ 20252026 കാ​ല​ഘ​ട്ട​ത്തി​ൽ ഇ​ത് 61 ശതമാനമായി  കു​റ​ഞ്ഞു. നി​ല​വി​ൽ 39 ശതമാനം ക്ല​ബു​ക​ളും വ​ൻ ന​ഷ്ട​ത്തി​ലാ​ണ് പ്ര​വ​ർ​ത്തി​ക്കു​ന്ന​ത്.

ജീ​വ​ന​ക്കാ​രു​ടെ വേ​ത​ന വ​ർ​ധന​വ് (64%), ഉ​യ​ർ​ന്ന പ്ര​വ​ർ​ത്ത​ന​ച്ചെ​ല​വ് (62%), ഉ​യ​ർ​ന്ന വാ​ട​ക (54%), ഉ​പ​ഭോ​ക്താ​ക്ക​ളു​ടെ ശേ​ഷി​ക്കു​റ​വ് (60%) എ​ന്നി​വ​യാ​ണ് ക്ല​ബ് ഉ​ട​മ​ക​ൾ നേ​രി​ടു​ന്ന പ്ര​ധാ​ന സ​ങ്കീ​ർ​ണ്ണ​ത​ക​ൾ.

അ​ടു​ത്ത 12 മാ​സ​ത്തി​നു​ള്ളി​ൽ ബി​സി​ന​​സ് അ​വ​സാ​നി​പ്പി​ക്കു​ന്ന​തി​നെ​ക്കു​റി​ച്ച് ആ​ലോ​ചി​ക്കു​ന്ന​താ​യി 23 ശതമാനം ക്ല​ബ് ഉ​ട​മ​ക​ൾ വ്യ​ക്ത​മാ​ക്കി. 2020ന് ​ശേ​ഷം ബ​ർ​ലി​നി​ൽ 24ഓ​ളം ക്ല​ബ്ബു​ക​ൾ പൂ​ട്ടി​പ്പോ​യെ​ങ്കി​ലും 25 പു​തി​യ​വ ആ​രം​ഭി​ച്ചി​ട്ടു​മു​ണ്ട്.

നി​ല​നി​ൽ​പ്പി​നാ​യി ക്ല​ബ്ബു​ക​ൾ ഡ്രി​ങ്ക്സ് വി​ല​യും എ​ൻ​ട്രി ഫീ​സും കൂ​ട്ടു​ക​യും, സ്വ​കാ​ര്യ ആ​വ​ശ്യ​ങ്ങ​ൾ​ക്കാ​യി ക്ല​ബു​ക​ൾ വാ​ട​ക​യ്ക്ക് ന​ൽ​കു​ക​യും ചെ​യ്യു​ന്നു​ണ്ട്. നൈ​റ്റ് ക്ല​ബു​ക​ളെ സാം​സ്കാ​രി​ക കേ​ന്ദ്ര​ങ്ങ​ളാ​യി അം​ഗീ​ക​രി​ക്ക​ണ​മെ​ന്നും, സ​ർ​ക്കാ​രി​ന്‍റെ സാ​മ്പ​ത്തി​ക സ​ഹാ​യ​ങ്ങ​ളും വാ​ട​ക സു​ര​ക്ഷി​ത​ത്വ​വും ഉ​റ​പ്പാ​ക്ക​ണ​മെ​ന്നു​മാ​ണ് ക്ല​ബ് ക​മ്മീ​ഷ​ൻ ആ​വ​ശ്യ​പ്പെ​ടു​ന്ന​ത്. ഇ​ങ്ങ​നെ മു​ന്നോ​ട്ടു​പോ​വു​ക​യാ​ണെ​ങ്കി​ൽ ഇ​ത്ത​ര​ത്തി​ലു​ള്ള ക്ല​ബ് സം​സ്കാ​രം ത​ന്നെ നി​ന്നു​പോ​കു​മെ​ന്നും ഈ ​മേ​ഖ​ല​യി​ലെ വി​ദ​ഗ്ധ​ർ പ​റ​യു​ന്നു.

Tags : Berlin nightclubs struggling Deepika DeepikaNewspaper