8

ഫ്ലോ​റി​ഡ: രേ​ഖ​ക​ളി​ല്ലാ​ത്ത വി​ദ്യാ​ർ​ഥി​ക​ൾ​ക്ക് സം​സ്ഥാ​ന​ത്തെ 28 പൊ​തു​കോ​ള​ജു​ക​ളി​ലും പ്രാ​യ​പൂ​ർ​ത്തി​യാ​യ​വ​ർ​ക്കു​ള്ള വി​ദ്യാ​ഭ്യാ​സ പ​രി​പാ​ടി​ക​ളി​ലും പ്ര​വേ​ശ​നം വി​ല​ക്കാ​ൻ ഫ്ലോ​റി​ഡ ബോ​ർ​ഡ് ഓ​ഫ് എ​ഡ്യൂ​ക്കേ​ഷ​ൻ തീ​രു​മാ​നി​ച്ചു.

ബോ​ർ​ഡി​ന്‍റെ യോ​ഗ​ത്തി​ൽ ന​ട​ന്ന വോ​ട്ടെ​ടു​പ്പി​ലൂ​ടെ​യാ​ണ് തീ​രു​മാ​നം അം​ഗീ​ക​രി​ച്ച​ത്. ഫ്ലോ​റി​ഡ​യി​ലെ സ്ഥി​ര​താ​മ​സ​ക്കാ​ർ​ക്കും യുഎ​സ് പൗ​ര​ന്മാ​ർ​ക്കും മാ​ത്ര​മാ​യി പൊ​തു​കോ​ള​ജു​ക​ളി​ലെ സീ​റ്റു​ക​ൾ മു​ൻ​ഗ​ണ​നാ​ടി​സ്ഥാ​ന​ത്തി​ൽ ല​ഭ്യ​മാ​ക്കു​ക​യെ​ന്ന ല​ക്ഷ്യ​ത്തോ​ടെ​യാ​ണ് പു​തി​യ ന​യം ന​ട​പ്പാ​ക്കു​ന്ന​തെ​ന്ന് ഗ​വ​ർ​ണ​ർ റോ​ൺ ഡി​സാ​ന്‍റി​സ് ഉ​ൾ​പ്പെ​ടെ​യു​ള്ള അ​നു​കൂ​ലി​ക​ൾ വ്യ​ക്ത​മാ​ക്കി.

അ​തേ​സ​മ​യം, ഈ ​തീ​രു​മാ​നം ഫ്ലോ​റി​ഡ​യി​ൽ വ​ള​ർ​ന്നു​വ​ന്ന രേ​ഖ​ക​ളി​ല്ലാ​ത്ത യു​വാ​ക്ക​ളു​ടെ ഉ​ന്ന​ത​വി​ദ്യാ​ഭ്യാ​സ അ​വ​സ​ര​ങ്ങ​ളെ ഗു​രു​ത​ര​മാ​യി ബാ​ധി​ക്കു​മെ​ന്ന് മ​നു​ഷ്യാ​വ​കാ​ശ സം​ഘ​ട​ന​ക​ളും വി​ദ്യാ​ഭ്യാ​സ പ്ര​വ​ർ​ത്ത​ക​രും വി​മ​ർ​ശി​ച്ചു. പ്ര​വേ​ശ​ന നി​യ​ന്ത്ര​ണം പൊ​തു​കോ​ള​ജ് സം​വി​ധാ​ന​ത്തി​ന് സാ​മ്പ​ത്തി​ക ന​ഷ്ട​മു​ണ്ടാ​ക്കാ​നും സാ​ധ്യ​ത​യു​ണ്ടെ​ന്നും അ​വ​ർ ചൂ​ണ്ടി​ക്കാ​ട്ടി.

ഇ​തി​നി​ടെ, നി​യ​മ​സ​ഭ​യു​ടെ പ്ര​ത്യേ​ക അ​നു​മ​തി​യി​ല്ലാ​തെ ഇ​ത്ത​രം ന​യ​മാ​റ്റ​ങ്ങ​ൾ ന​ട​പ്പാ​ക്കാ​ൻ ഫ്ലോ​റി​ഡ വി​ദ്യാ​ഭ്യാ​സ വ​കു​പ്പി​ന് നി​യ​മ​പ​ര​മാ​യ അ​ധി​കാ​ര​മു​ണ്ടോ എ​ന്ന കാ​ര്യ​ത്തി​ൽ നി​യ​മ​നി​ർ​മാ​ണ മേ​ൽ​നോ​ട്ട സ​മി​തി വി​ശ​ദീ​ക​ര​ണം തേ​ടി​യി​ട്ടു​ണ്ട്. ഇ​തോ​ടെ പു​തി​യ തീ​രു​മാ​നം നി​യ​മ​പ​ര​മാ​യ പ​രി​ശോ​ധ​ന​യ്ക്കും വി​ധേ​യ​മാ​കാ​നി​ട​യു​ണ്ട്.

Tags : Florida Student College USA