8

കോ​ൽ​ക്ക​ത്ത: പ​ശ്ചി​മ ബം​ഗാ​ളി​ലെ ബാ​രൂ​യി​പൂ​രി​ൽ 11 വ​യ​സു​കാ​രി​യെ കൂ​ട്ട​ബ​ലാ​ത്സം​ഗം ചെ​യ്ത് കൊ​ല​പ്പെ​ടു​ത്തി​യ കേ​സി​ലെ പ്ര​തി പ്ര​ഭാ​ഷ് മ​ണ്ഡ​ലി​നെ പോ​ലീ​സ് വെ​ടി​വ​ച്ചു​കൊ​ന്നു. ചൊ​വ്വാ​ഴ്ച പു​ല​ർ​ച്ചെ തെ​ളി​വെ​ടു​പ്പി​നാ​യി കു​റ്റ​കൃ​ത്യം ന​ട​ന്ന സ്ഥ​ല​ത്ത് എ​ത്തി​ച്ച​പ്പോ​ഴാ​ണ് സം​ഭ​വം.

പോ​ലീ​സി​ന്‍റെ പക്കൽനി​ന്നു തോ​ക്ക് ത​ട്ടിയെടുത്ത ശേഷം വെ​ടി​യുതിർത്ത് ഓ​ടാ​ൻ ശ്ര​മി​ച്ച പ്ര​തി​യെ പ്ര​തി​രോ​ധ​ത്തി​ന്‍റെ ഭാ​ഗ​മാ​യി തി​രി​കെ വെ​ടി​വ​യ്ക്കു​ക​യാ​യി​രു​ന്നുവെന്നാണ് പോലീസ് ഭാഷ്യം. കേ​സി​ലെ മ​റ്റു മൂന്നു പേ​രെ പോ​ലീ​സ് അ​റ​സ്റ്റ് ചെ​യ്തി​രു​ന്നു. മൂന്നു പേ​രെ ക​സ്റ്റ​ഡി​യി​ലെ​ടു​ത്തി​ട്ടു​മു​ണ്ട്. കൊ​ല​യ്ക്കു മു​മ്പു പെ​ൺ​കു​ട്ടി പീ​ഡ​ന​ത്തി​നി​ര​യാ​യ​താ​യി പോ​സ്റ്റ്മോ​ർ​ട്ടം റി​പ്പോ​ർ​ട്ടി​ൽ പ​റ​യു​ന്നു.

സു​ഹൃ​ത്തി​ന്‍റെ പി​റ​ന്നാ​ളിനു സ​മ്മാ​നം വാ​ങ്ങാ​നാ​യി വീ​ട്ടി​ൽനി​ന്നു ശ​നി​യാ​ഴ്ച​യാ​ണ് പെ​ൺ​കു​ട്ടി പു​റ​ത്തു​പോ​യ​ത്. കാ​ണാ​താ​യ​തി​നെ​ത്തു​ട​ർ​ന്ന് വീ​ട്ടു​കാ​ർ പോ​ലീ​സി​ൽ പ​രാ​തി​പ്പെ​ട്ടി​രു​ന്നു. ചാ​ക്കി​ൽ​കെ​ട്ടി​യ നി​ല​യി​ലാ​ണ് മൃ​ത​ദേ​ഹം ക​ണ്ടെ​ത്തി​യ​ത്.

അതേസമയം, പെൺകുട്ടിയുടെ കൊലപാതകത്തിൽ വൻ പ്രതിഷേധവും ജനരോഷവും കത്തിനിൽക്കുന്നതിനിടയിൽ പ്രതി വെടിയേറ്റു മരിച്ചതിൽ അസ്വാഭാവികതയുണ്ടെന്ന ആരോപണവും ശക്തമാണ്. ജനരോഷംതണുപ്പിക്കാനുള്ള തന്ത്രമാണോ അരങ്ങേറിയതെന്ന സംശയം വിവിധ കോണുകളിൽനിന്ന്ഉയർന്നുകഴിഞ്ഞു. ഏറ്റുമുട്ടൽ കൊലയാണ് നടന്നതെന്നു പ്രതിപക്ഷവും ആരോപിക്കുന്നു. 

Tags : Crime Police Rape