10

ബെ​ർ​ലി​ൻ: ജ​ർ​മ​നി​യി​ലെ ബ്രാ​ൻ​ഡ​ൻ​ബു​ർ​ഗ് സം​സ്ഥാ​ന​ത്തി​ലെ ലു​ക്ക​ൻ​വാ​ൾ​ഡെ​യി​ൽ മ​ല​യാ​ളി യു​വാ​വി​നെ മ​രി​ച്ച​നി​ല​യി​ൽ ക​ണ്ടെ​ത്തി.

ലു​ക്ക​ൻ​വാ​ൾ​ഡെ​യി​ലെ ഒ​രു ഓ​ട്ടോ​മൊ​ബൈ​ൽ ക​മ്പ​നി​യി​ൽ മെ​ക്കാ​ട്രോ​ണി​ക്സ് എൻജിനി​യ​റാ​യി ജോ​ലി ചെ​യ്തി​രു​ന്ന ക​ണ്ണൂ​ർ കീ​ഴ്പ്പ​ള്ളി ച​തി​രൂ​ർ കു​ന്നു​മ്പു​റ​ത്ത് മാ​ത്യു​വി​ന്‍റെ​യും അ​ന്ന​മ്മ​യു​ടെ​യും മ​ക​ൻ ജി​തി​ൻ മാ​ത്യു​വി​നെ​യാ​ണ് (33) താ​മ​സസ്ഥ​ല​ത്ത് മ​രി​ച്ച​നി​ല​യി​ൽ ക​ണ്ടെ​ത്തി​യ​ത്.

ജി​തിന്‍റെ മൃ​ത​ദേ​ഹം ജ​ർ​മനി​യി​ലെ പോ​ലീ​സ് ന​ട​പ​ടി​ക​ളും ബെ​ർ​ലി​ൻ എം​ബ​സി​യി​ലെ ന​ട​പ​ടി​ക​ളും പൂ​ർ​ത്തി​യാ​ക്കി ​ചൊ​വ്വാ​ഴ്ച ഉ​ച്ച​യ്ക്ക് ഫ്രാ​ങ്ക്ഫ​ർ​ട്ടി​ൽ നി​ന്നും എ​യ​ർ ഇ​ന്ത്യ വി​മാ​ന​ത്തി​ൽ ന്യൂ​ഡ​ൽ​ഹി വ​ഴി ബു​ധ​നാ​ഴ്ച വൈ​കു​ന്നേ​രം ഏഴോട് കൂ​ടി നെ​ടു​മ്പാ​ശേ​രി വി​മാ​ന​ത്താ​വ​ള​ത്തി​ൽ എ​ത്തി​ക്കും.

അ​വി​ടെ​നി​ന്നും കു​ടും​ബാം​ഗ​ങ്ങ​ൾ ഏ​റ്റു​വാ​ങ്ങി സ്വ​വ​സ​തി​യി​ൽ എ​ത്തി​ക്കും. കൊ​ച്ചി​യി​ൽ നി​ന്നും നോ​ർ​ക്ക​യു​ടെ സ​ഹാ​യ​ത്തോ​ടെ​യു​ള്ള ആം​ബു​ല​ൻ​സ് മു​ഖേ​ന​യാ​ണ് മൃ​ത​ദേ​ഹം വീ​ട്ടി​ൽ എ​ത്തി​ക്കു​ന്ന​ത്. ശു​ശ്രൂ​ഷ​ക​ൾ ​വ്യാ​ഴാ​ഴ്ച രാ​വി​ലെ 10ന് ഭ​വ​ന​ത്തി​ൽ ആ​രം​ഭി​ച്ച് മാ​ങ്ങോ​ട് സെ​ന്‍റ് മേ​രീ​സ് പ​ള്ളി സെ​മി​ത്തേ​രി​യി​ൽ സം​സ്ക​രി​ക്കും.

ജി​തി​ന്‍റെ സു​ഹൃ​ത്ത് തോ​മ​സ് റോ​യ്, പി​തൃ​സ​ഹോ​ദ​ര​പു​ത്ര​ൻ ഫാ.​ ജി​ന്‍റോ തോ​മ​സ്, ലോ​ക കേ​ര​ള സ​ഭാം​ഗം ജോ​സ് കു​മ്പി​ളു​വേ​ലി​ൽ എ​ന്നി​വ​രു​ടെ ഇ​ട​പെ​ട​ലു​ക​ളാ​ണ് ജി​തി​ന്‍റെ മൃ​ത​ദേ​ഹം നാ​ട്ടി​ലെ​ത്തി​യ്ക്കാ​ൻ സ​ഹാ​യ​ക​മാ​യ​ത്.

ഭാ​ര്യ ബെ​സ്റ്റി ചെ​റു​വി​ള പു​ത്ത​ൻ​വീ​ട് കു​ടും​ബാം​ഗം. ബെ​സ്റ്റി ജ​ർമ​നി​യി​ലേ​യ്ക്ക് വ​രാ​നു​ള്ള ത​യാറെ​ടു​പ്പി​നി​ട​യി​ലാ​ണ് ജി​തി​ന്‍റെ ആ​ക​സ്മി​ക മ​ര​ണം. ജി​തി​ന് ര​ണ്ടു സ​ഹോ​ദ​രി​മാ​രു​ണ്ട്.

Tags : Found Dead Malayali Germany Jithin Mathew