10

ബെ​ൽ​ഫാ​സ്റ്റ്: വ​ട​ക്ക​ൻ അ​യ​ർ​ല​ൻ​ഡി​ന്‍റെ ത​ല​സ്ഥാ​ന​മാ​യ ബെ​ൽ​ഫാ​സ്റ്റി​ൽ ഉ​ണ്ടാ​യ ക്രൂ​ര​മാ​യ ക​ത്തി​ക്കു​ത്തി​ന് പി​ന്നാ​ലെ ന​ഗ​ര​ത്തി​ൽ വ്യാ​പ​ക​മാ​യ വം​ശീ​യ, അ​ഭ​യാ​ർ​ഥി വി​രു​ദ്ധ അ​ക്ര​മ​ങ്ങ​ൾ പൊ​ട്ടി​പ്പു​റ​പ്പെ​ട്ടു. അഭയാർഥിയായ സുഡാൻകാരൻ നാട്ടുകാരനായ ഒരാളെയാണ് ആക്രമിച്ചത്. ക​ഴി​ഞ്ഞ ​ദി​വ​സം ഒ​രാ​ൾ​ക്കു ഗു​രു​ത​ര​മാ​യി പ​രി​ക്കേ​റ്റ ക​ത്തി​ക്കു​ത്തി​ന്‍റെ ദൃ​ശ്യ​ങ്ങ​ൾ സോ​ഷ്യ​ൽ മീ​ഡി​യ​യി​ൽ വ്യാ​പ​ക​മാ​യി പ്ര​ച​രി​ച്ച​തോ​ടെ​യാ​ണ് സം​ഘ​ർ​ഷം ഉ​ട​ലെ​ടു​ത്ത​ത്. തു​ട​ർ​ന്ന് തീ​വ്ര​വ​ല​തു​പ​ക്ഷ സം​ഘ​ട​ന​ക​ളു​ടെ ആ​ഹ്വാ​ന​പ്ര​കാ​രം വ​ൻ പ്ര​തി​ഷേ​ധ​വു​മാ​യി അ​ക്ര​മി​ക​ൾ തെ​രു​വി​ലി​റ​ങ്ങു​ക​യാ​യി​രു​ന്നു. 

ന​ഗ​ര​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ മു​ഖം​മൂ​ടി ധ​രി​ച്ചെ​ത്തി​യ സം​ഘം വം​ശീ​യ അ​ധി​ക്ഷേ​പ​ങ്ങ​ളോ​ടെ വീ​ടു​ക​ളും വാ​ഹ​ന​ങ്ങ​ളും പൊ​തു​ഗ​താ​ഗ​ത ബ​സു​ക​ളും തീ​യി​ട്ടു ന​ശി​പ്പി​ച്ചു. വി​ദേ​ശി​ക​ളാ​യ ക​ച്ച​വ​ട​ക്കാ​രു​ടെ ക​ട​ക​ൾ​ക്ക് നേ​രെ​യും വ്യാ​പ​ക​മാ​യ ആ​ക്ര​മ​ണ​മു​ണ്ടാ​യി. ചി​ല​യി​ട​ങ്ങ​ളി​ൽ അ​ക്ര​മി​ക​ൾ വി​ദേ​ശി​ക​ളു​ടെ വീ​ടു​ക​ളി​ലേ​ക്ക് അ​തി​ക്ര​മി​ച്ചു ക​യ​റാ​ൻ ശ്ര​മി​ച്ച​താ​യും റി​പ്പോ​ർ​ട്ടു​ക​ളു​ണ്ട്. തു​ട​ർ​ന്ന് പോ​ലീ​സ് സം​ര​ക്ഷ​ണ​യി​ലാ​ണ് പ​ല കു​ടും​ബ​ങ്ങ​ളെ​യും ഇ​വി​ടെ​നി​ന്നും മാ​റ്റി​യ​ത്.

അ​ക്ര​മ​സം​ഭ​വ​ങ്ങ​ളെ ബ്രി​ട്ടീ​ഷ് പ്ര​ധാ​ന​മ​ന്ത്രി കീ​ർ സ്റ്റാ​മ​റും വ​ട​ക്ക​ൻ അ​യ​ർ​ല​ൻ​ഡ് ഫ​സ്റ്റ് മി​നി​സ്റ്റ​ർ മി​ഷേ​ൽ ഒ ​നീ​ലും ശ​ക്ത​മാ​യി അ​പ​ല​പി​ച്ചു. നി​ര​പ​രാ​ധി​ക​ളാ​യ മ​നു​ഷ്യ​രെ ഭ​യ​പ്പെ​ടു​ത്തു​ന്ന ഇ​ത്ത​രം വം​ശീ​യ അ​ക്ര​മ​ങ്ങ​ൾ തി​ക​ഞ്ഞ ഭീ​രു​ത്വ​മാ​ണെ​ന്നും ഇ​തിനു പി​ന്നി​ൽ പ്ര​വ​ർ​ത്തി​ച്ച​വ​ർ​ക്കെ​തി​രെ ക​ർ​ശ​ന ന​ട​പ​ടി​യു​ണ്ടാ​കു​മെ​ന്നും ഭ​ര​ണ​കൂ​ടം അറിയിച്ചു.

ക​ത്തി​ക്കു​ത്ത് കേ​സി​ൽ 30 വ​യ​സു​കാ​ര​നാ​യ സു​ഡാ​ൻ സ്വ​ദേ​ശി​യെ പോ​ലീ​സ് അ​റ​സ്റ്റ് ചെ​യ്തി​ട്ടു​ണ്ട്. ഇ​യാ​ൾ​ക്കെ​തി​രെ വ​ധ​ശ്ര​മം ഉ​ൾ​പ്പെ​ടെ​യു​ള്ള വ​കു​പ്പു​ക​ൾ ചു​മ​ത്തി. 2023ൽ ​യു​കെ​യി​ൽ എ​ത്തി​യ ഇ​യാ​ൾ​ക്ക് 2028 വ​രെ നി​യ​മ​പ​ര​മാ​യി ഇ​വി​ടെ താ​മ​സി​ക്കാ​നു​ള്ള അ​നു​മ​തി​യു​ണ്ടാ​യി​രു​ന്ന​താ​യി ആ​ഭ്യ​ന്ത​ര മ​ന്ത്രാ​ല​യം സ്ഥി​രീ​ക​രി​ച്ചു. പ്ര​ദേ​ശ​ത്തു കൂ​ടു​ത​ൽ അ​ക്ര​മ​ങ്ങ​ൾ ഉ​ണ്ടാ​കാ​തി​രി​ക്കാ​ൻ ശ​ക്ത​മാ​യ പോ​ലീ​സ് കാ​വ​ൽ ഏ​ർ​പ്പെ​ടു​ത്തി​യി​ട്ടു​ണ്ട്.

Tags : Belfast Knife Attack Widespread Latest News