18

ചെന്നൈ: ഐപിഎല്ലിൽ ലക്നോ സൂപ്പർ ജയന്‍റ്സിനെതിരെ ചെന്നൈ സൂപ്പർ കിംഗ്സിന് ജയം. അഞ്ച് വിക്കറ്റിനായിരുന്നു ചെന്നൈയുടെ ജയം. സ്കോർ: ലക്നോ 203.8 (20), ചെന്നൈ 208.5 (19.2).

ചെന്നൈയ്ക്ക് മികച്ച തുടക്കമാണ് ഓപ്പണറുമാരായ സഞ്ജു സാംസണും ഋതുരാജ് ഗെയ്ക്‌വാദും ചേർന്ന് ഒരുക്കിയത്. സഞ്ജു 14 പന്തിൽ 28 റണ്‍സും ഗെയ്ക്‌വാദ് 28 പന്തിൽ 42 റണ്‍സും നേടി.

ഉർവിൽ പട്ടേലിന്‍റെ തകർപ്പൻ പ്രകടനമാണ് ചെന്നൈയ്ക്ക് കരുത്തായത്. ഉർവിൽ 23 പന്തിൽ എട്ട് സിക്സും രണ്ട് ഫോറും ഉൾപ്പെടെ 65 റണ്‍സെടുത്തു. കാർത്തിക് ശർമ 20 റണ്‍സും ഡെവാൾഡ് ബ്രെവിസ് പത്ത് റണ്‍സും നേടി. പുറത്താകാതെ ശിവം ദുബെ 15 റണ്‍സും പ്രശാന്ത് വീർ 18 റണ്‍സും നേടി.

ടോ​സ് ന​ഷ്ട​പ്പെ​ട്ട് ആദ്യം ബാ​റ്റിംഗി​നി​റ​ങ്ങി​യ ല​ക്നോ​വി​നാ​യി ഓ​പ്പ​ണ​ർ ജോ​ഷ് ഇം​ഗ്ലി​ഷ് ത​ക​ർ​പ്പ​ൻ പ്ര​ക​ട​ന​മാ​ണ് കാ​ഴ്ച​വ​ച്ച​ത്. 33 പ​ന്തി​ൽ 85 റ​ൺ​സ് അ​ടി​ച്ചു​കൂ​ട്ടി​യ ഇം​ഗ്ലി​ഷി​ന്‍റെ മി​ക​വി​ൽ ആ​ദ്യ ആ​റ് ഓ​വ​റി​ൽ ത​ന്നെ ല​ക്നോ 91 റ​ൺ​സ് വാ​രി​ക്കൂ​ട്ടി​യി​രു​ന്നു. എ​ന്നാ​ൽ പി​ന്നീ​ട് ചെ​ന്നൈ ബൗ​ള​ർ​മാ​ർ പി​ടി​മു​റു​ക്കു​ക​യാ​യി​രു​ന്നു. പ​വ​ർ​പ്ലേ​യി​ലെ അ​വ​സാ​ന ഓ​വ​റി​ൽ മി​ച്ച​ൽ മാ​ർ​ഷ് (10) വീ​ണെ​ങ്കി​ലും പ​വ​ർ​പ്ലേ അ​വ​സാ​നി​ക്കു​മ്പോ​ൾ ഒ​ന്നി​ന് 91 എ​ന്ന നി​ല​യി​ലാ​യി​രു​ന്നു ല​ക്നോ.

പി​ന്നീ​ടെ​ത്തി​യ ആ​ർ​ക്കും ക്രീ​സി​ൽ നി​ല​യു​റ​പ്പി​ക്കാ​നാ​യി​ല്ല. അ​വ​സാ​ന ഓ​വ​റു​ക​ളി​ൽ പി​ടി​ച്ചു​നി​ന്ന ഷ​ഹ​ബാ​സ് അ​ഹ​മ്മ​ദി​ന്‍റെ ബാ​റ്റിം​ഗാ​ണ് (25 പ​ന്തി​ൽ 43*) ല​ക്നോ​വി​ന്‍റെ സ്കോ​ർ 200 ക​ട​ത്തി​യ​ത്. ജാ​മി ഓ​വ​ർ​ട്ട​ൻ മൂ​ന്നും അ​ൻ​ഷു​ൽ കം​ബോ​ജ് ര​ണ്ട‌ും നൂ​ർ അ​ഹ​മ്മ​ദ് ഒ​രു വി​ക്ക​റ്റും വീ​ഴ്ത്തി.

ജയത്തോടെ ചെന്നൈ പോയിന്‍റ് പട്ടികയിൽ അഞ്ചാം സ്ഥാനത്തെത്തി. ലക്നോവാണ് പട്ടികയിൽ ഒടുവിൽ.

Tags : Chennai Super Kings lucknow super giants Cricket ipl