10

​ഒ​രു രാ​ത്രി​കൂ​ടി വി​ട​വാ​ങ്ങി​യാ​ല്‍,
പ​തി​യെ പ​റ​ന്ന​രി​കി​ല്‍​വ​രു​ന്ന
പ​ന്തി​ന്‍റെ അ​ഴ​കി​ലേ​ക്കു നീ​യും, ഞാ​നും...
പ​ല​നാ​ള​ല​ഞ്ഞ കാ​ല്‍​പ്പ​ന്ത് യാ​ത്ര​യു​ടെ,
ഹൃ​ദ​യം തെര​ഞ്ഞ പ്രി​യ​സ്വ​പ്‌​നം;
ഫി​ഫ 2026 ലോ​ക​ക​പ്പ്...

ഗോ​ളാ​ന്ത​ര കാ​ല്‍​പ്പ​ന്ത് പോ​രി​ന്‍റെ കി​ക്കോ​ഫ് നാ​ളെ​യാ​ണെ​ന്ന മ​ധു​രി​ത സ്വ​പ്‌​ന​ത്തോ​ടെ ഈ ​രാ​ത്രി സു​ഖ​സു​ഷു​പ്തി​യി​ലേ​ക്ക്. പി​ന്നെ, സെ​ക്ക​ന്‍​ഡു​ക​ള്‍​ക്ക് മി​നി​റ്റി​ന്‍റെ​യും മി​നി​റ്റു​ക​ള്‍​ക്ക് മ​ണി​ക്കൂ​റി​ന്‍റെ​യും ക​ന​മു​ള്ള ഒ​രു പ​ക​ല്‍ ദൈ​ര്‍​ഘ്യം. വാ​തി​ല്‍​പ​ഴു​തി​ലൂ​ടെ കു​ങ്കു​മം വി​ത​റി ത്രി​സ​ന്ധ്യ പോ​കേ, ലോ​ക​ക​പ്പി​ന്‍റെ മ​ധു​ര​മാം കാ​ലൊ​ച്ച, പി​ന്നെ; ഗോ....​ള്‍ എ​ന്ന ആ​ര​വം...

ഇ​ന്ത്യ ഇ​ല്ലെ​ങ്കി​ലെ​ന്ത്...

ഇ​ക്കാ​ല​മ​ത്ര​യും ഫി​ഫ ലോ​ക​ക​പ്പ് വേ​ദി​യി​ല്‍ ഇ​ന്ത്യ പ​ന്തു​ത​ട്ടു​ന്ന​തി​നെ​ക്കു​റി​ച്ച് നീ​യും ഞാ​നും സ്വ​പ്‌​നം ക​ണ്ടി​ട്ടു​ണ്ടോ..? ന​ട​ക്കാ​ത്ത സ്വ​പ്ന​ത്തെ മ​ന​പ്പൂ​ര്‍​വം മ​റ​ക്കാം, അ​ല്ലേ...
“ഉ​റ​ങ്ങു​ന്ന ഭീ​മാ”... എ​ന്ന മു​ന്‍ ഫി​ഫ പ്ര​സി​ഡ​ന്‍റ് സെ​പ് ബ്ലാ​റ്റ​റി​ന്‍റെ വി​ളി​കേ​ട്ടിട്ടും ഉ​റ​ക്കം വി​ട്ടൊ​ഴി​യാ​ത്ത ഞാ​നും നീ​യും ഇ​ന്നും പു​ത​പ്പി​ന്‍റെ ഈ​റ​ന്‍ ഗ​ന്ധം ആ​ഞ്ഞാ​സ്വ​ദി​ക്കു​ന്നു...

ഫി​ഫ ലോ​ക​ക​പ്പി​ലേ​ക്കു​ള്ള ഗെ​യ്റ്റ് കീ​പ്പിം​ഗ് 32ല്‍​നി​ന്ന് 48ലേ​ക്ക് ഉ​യ​ര്‍​ത്തി​യി​ട്ടും ആ ​റെ​ഡാ​റി​നു പു​റ​ത്തു​ത​ന്നെ ജ​ന​സം​ഖ്യാ ഭീ​മ​ന്‍റെ സ്ഥാ​നം. 148 കോ​ടി​യും ക​ട​ന്നു കു​തി​ക്കാ​നൊ​രു​ങ്ങു​ന്ന ന​മു​ക്കി​ട​യി​ല്‍​നി​ന്ന്, കാ​ല്‍​പ്പ​ന്ത് ലോ​ക​ത്തെ വെ​ല്ലു​വി​ളി​ക്കാ​ന്‍ പ്രാ​പ്ത​മാ​യ അ​ല്ലെ​ങ്കി​ല്‍ ആ ​വേ​ദി​യു​ടെ വെ​ള്ളി​വെ​ളി​ച്ച​ത്തി​ലേ​ക്ക് ഇ​റ​ങ്ങി നി​ല്‍​ക്കാ​ന്‍ കെ​ല്‍​പ്പു​ള്ള 26 പേ​രെ ല​ഭി​ക്കാ​ന്‍ ഇ​നി​യു​മെ​ത്ര കാ​ലം... ത്രി​വ​ര്‍​ണ​ത്തി​നു പു​റ​ത്തു​ള്ള ഇ​ന്ത്യ​ന്‍ വം​ശ​ജ​രെ ഉ​യ​ര്‍​ത്തി​ക്കാ​ട്ടി ഈ ​ത​ല​മു​റ​യു​ടെ​യും ആ​ശ​തീ​ര്‍​ക്കേ​ണ്ടി​വ​രു​മോ... ഹാ ​ക​ഷ്ടം!!!

ക​ണ്ണാ​ടി​യി​ലേ​ക്ക്

എ​ഐ​എ​ഫ്എ​ഫ് (ഓ​ള്‍ ഇ​ന്ത്യ ഫു​ട്‌​ബോ​ള്‍ ഫെ​ഡ​റേ​ഷ​ന്‍), നി​ങ്ങ​ള്‍ ക​ണ്ണാ​ടി നോ​ക്ക​ണം. വ​രും ത​ല​മു​റ​യു​ടെ കാ​ല്‍​പ്പ​ന്ത് സ്വ​പ്ന​ത്തെ അ​ശാ​ന്തി​യി​ലേ​ക്കു ത​ള്ളി​വി​ട്ടൊ​രു സീ​സ​ണ്‍ ആ​യി​രു​ന്നു ഇ​ക്ക​ഴി​ഞ്ഞ​ത്. പ​ണം മു​ട​ക്കു​ന്ന​വ​ര്‍ ത​മ്മി​ലു​ള്ള ബ​ലാ​ബ​ല​ത്തി​നി​ടെ, രാ​ജ്യ​ത്തെ പ​ര​മോ​ന്ന​ത ഫു​ട്‌​ബോ​ള്‍ ലീ​ഗാ​യ ഐ​എ​സ്എ​ല്‍ വെ​റ്റി​ലേ​റ്റ​റി​ല്‍ കി​ട​ന്ന​ത് ആ​റു മാ​സ​ത്തി​ല്‍ അ​ധി​കം. പി​ന്നെ, ജീ​വ​വാ​യു ന​ഷ്ട​പ്പെ​ട്ടൊ​രു സീ​സ​ണ്‍ ന​ട​ത്തി ച​ട​ങ്ങ് പൂ​ര്‍​ത്തി​യാ​ക്കി. കാ​ല്‍​പ്പ​ന്തി​നൊ​പ്പം ഓ​ടി​ക്ക​ളി​ക്കു​ന്ന കു​രു​ന്നി​നെ മാ​താ​പി​താ​ക്ക​ള്‍ എ​ന്ത് ഭാ​വി ചൂ​ണ്ടി​കാ​ണി​ച്ച് പ​റ​ഞ്ഞ​യ​യ്ക്കും...

ഭൂ​ഗോ​ള​ന്തി​ന്‍റെ മ​റു​വ​ശ​ത്ത്, ബ്ര​സീ​ലി​ന്‍റെ തെ​രു​വു​ക​ളി​ല്‍ പ​ന്തു​ത​ട്ടു​ന്ന പ​ട്ടി​ണി​പ്പാ​വ​ങ്ങ​ള്‍​ക്കു​പോ​ലും ദേ​ശീ​യ ഫു​ട്‌​ബോ​ളും ഫി​ഫ ലോ​ക​ക​പ്പു​മെ​ന്ന സ്വ​പ്‌​ന​മു​ണ്ടെ​ന്ന​തും മ​റ​ക്ക​രു​ത്.

ക്രി​സ്റ്റ്യാ​നോ റൊ​ണാ​ള്‍​ഡോ, ല​യ​ണ​ല്‍ മെ​സി, നെ​യ്മ​ര്‍, കി​ലി​യ​ന്‍ എം​ബ​പ്പെ, എ​ര്‍​ലിം​ഗ് ഹാ​ല​ണ്ട്, ഹാ​രി കെ​യ്ന്‍... കേ​ര​ള​ക്ക​ര​യി​ല്‍ ഉ​യ​ര്‍​ന്നു പൊ​ങ്ങി​യ, വ​ന്‍​മ​ര​ങ്ങ​ളേ​ക്കാ​ള്‍ ത​ല​പ്പൊ​ക്ക​മു​ള്ള ക​ട്ടൗ​ട്ടു​ക​ള്‍ ഏ​റെ. ഓ​രോ ലോ​ക​ക​പ്പും വ​രു​മ്പോ​ള്‍ മ​ല​യാ​ള​ക്ക​ര​യു​ടെ ഹൃ​ദ​യം ത​ങ്ങ​ളു​ടെ പ്രി​യ​താ​ര​ങ്ങ​ള്‍​ക്കും അ​വ​രു​ടെ രാ​ജ്യ​ങ്ങ​ള്‍​ക്കു​മൊ​പ്പം. ഭൂ​ഗോ​ള​പ്പോ​രി​ല്‍ ഇ​ന്ത്യ​ന്‍ ടീ​മി​നൊ​പ്പം മ​ല​യാ​ളി​യു​ണ്ടെ​ങ്കി​ല്‍ കേ​ര​ള​ത്തി​ന്‍റെ ആ​വേ​ശം എ​ത്ര​യെ​ന്ന് ഐ​സി​സി ട്വ​ന്‍റി-20 ലോ​ക​ക​പ്പി​ലൂ​ടെ ക​ണ്ട​റി​ഞ്ഞു. കാ​ല്‍​പ്പ​ന്തി​ലും അ​ങ്ങ​നൊ​രു നാ​ള്‍​ വ​രു​മെ​ന്ന സ്വ​പ്‌​ന​ത്തോ​ടെ ഈ​യൊ​രു രാ​ത്രി​കൂ​ടി ന​മു​ക്കു​റ​ങ്ങാം; നാ​ളെ രാ​ത്രി​യാ​ണ് 2026 ഫി​ഫ ലോ​ക​ക​പ്പി​ന്‍റെ കി​ക്കോ​ഫ്...

Tags : FIFA 2026 World Cup kickoff Football ZEE5 broadcast simultaneously matches