18

ന്യൂഡല്‍ഹി: ഐപിഎല്ലില്‍ ഡല്‍ഹി ക്യാപിറ്റല്‍സിനെതിരെ കോല്‍ക്കത്ത നൈറ്റ് റൈഡേഴ്‌സിന് ജയം. ഫിന്‍ അലന്‍റെ സെഞ്ചുറി കരുത്തില്‍ എട്ട് വിക്കറ്റിനായിരുന്നു കോല്‍ക്കത്തയുടെ ജയം. സ്‌കോര്‍: ഡല്‍ഹി 20 ഓവറില്‍ എട്ട് വിക്കറ്റ് നഷ്ടത്തില്‍ 142 റണ്‍സ്. കോല്‍ക്കത്ത 14.2 ഓവറില്‍ രണ്ട് വിക്കറ്റ് നഷ്ടത്തില്‍ 147 റണ്‍സ്.

47 പന്തില്‍ പുറത്താകാതെ പത്ത് സിക്‌സും അഞ്ച് ഫോറും ഉള്‍പ്പെടെ 100 റണ്‍സെടുത്താണ് അലന്‍ കോല്‍ക്കത്തയെ വിജയത്തിലെത്തിച്ചത്. ഡല്‍ഹി ഉയര്‍ത്തിയ 143 റണ്‍സ് വിജയലക്ഷ്യം പിന്തുടര്‍ന്ന കോല്‍ക്കത്തയ്ക്ക് തുടക്കത്തില്‍തന്നെ രണ്ട് വിക്കറ്റും നഷ്ടമായിരുന്നു. പിന്നിടായിരുന്നു അലന്‍റെ ഒറ്റയാന്‍ പോരാട്ടം. കാമറൂണ്‍ ഗ്രീന്‍ പുറത്താകാതെ 33 റണ്‍സും നേടി.

ടോസ് നഷ്ടപ്പെട്ട് ആദ്യം ബാറ്റ് ചെയ്ത ഡല്‍ഹിക്കായി ഓപ്പണര്‍ പതും നിസങ്ക അര്‍ധ സെഞ്ചുറി നേടി. 29 പന്തില്‍ 50 റണ്‍സായിരുന്നു നിസങ്കയുടെ സമ്പാദ്യം. കെ.എല്‍. രാഹുല്‍ 23 റണ്‍സും അശുതോഷ് ശര്‍മ 39 റണ്‍സും അക്‌സര്‍ പട്ടേല്‍ 11 റണ്‍സും നേടി. മറ്റാരും രണ്ടക്കം കണ്ടില്ല.

ജയത്തോടെ കോല്‍ക്കത്ത ഗ്രൂപ്പില്‍ ഏഴാം സ്ഥാനത്തെത്തി.

Tags : Kolkata Knight Riders Delhi Capitals ipl cricket