18

ചിന്താവിഷയം

സ​മ​കാ​ലി​ക ലോ​ക​സാ​ഹി​ത്യ​ത്തി​ൽ ഏ​റ്റ​വും കൂ​ടു​ത​ൽ വാ​യി​ക്ക​പ്പെ​ടു​ന്ന എ​ഴു​ത്തു​കാ​രി​ൽ ഒ​രാ​ളാ​ണ് ഹ​റു​ക്കി മു​റ​കാ​മി. 1949ൽ ​ജ​പ്പാ​നി​ലെ ക്യോ​ട്ടോ​യി​ൽ ജ​നി​ച്ച അ​ദ്ദേ​ഹം സ്വ​പ്നം​വും യാ​ഥാ​ർ​ഥ്യ​വും സം​ഗീ​ത​വും ത​ത്വ​ചി​ന്ത​യും ഏ​കാ​ന്ത​ത​യും ഓ​ർ​മ​ക​ളും ഒ​ത്തു​ചേ​രു​ന്ന അ​തു​ല്യ​മാ​യ ഒ​രു സാ​ഹി​ത്യ​ലോ​കം സൃ​ഷ്ടി​ച്ചി​രി​ക്കു​ക​യാ​ണ്. ആ​ധു​നി​ക മ​നു​ഷ്യ​ന്‍റെ ഉ​ള്ളി​ലെ ശൂ​ന്യ​ത​യും അ​ർ​ഥാ​ന്വേ​ഷ​ണ​വും അ​ദ്ദേ​ഹ​ത്തി​ന്‍റെ കൃ​തി​ക​ളി​ൽ ആ​വ​ർ​ത്തി​ച്ചു പ്ര​ത്യ​ക്ഷ​പ്പെ​ടു​ന്നു​ണ്ട്.

നോ​ർ​വീ​ജി​യ​ൻ വു​ഡ്, ഐ​ക്യു84, കാ​ഫ്ക ഓ​ണ്‍ ദ ​ഷോ​ർ തു​ട​ങ്ങി​യ നോ​വ​ലു​ക​ൾ ലോ​ക​സാ​ഹി​ത്യ​ത്തി​ൽ അ​ദ്ദേ​ഹ​ത്തെ അ​ന​ശ്വ​ര​നാ​ക്കി​യി​രി​ക്കു​ക​യാ​ണ്. അ​ന്പ​തി​ലേ​റെ ഭാ​ഷ​ക​ളി​ലേ​ക്കാ​ണ് അ​ദ്ദേ​ഹ​ത്തി​ന്‍റെ കൃ​തി​ക​ൾ ഇ​തി​ന​കം വി​വ​ർ​ത്ത​നം ചെ​യ്യ​പ്പെ​ട്ടി​ട്ടു​ള്ള​ത്.

മു​റകാ​മി​യു​ടെ നോ​വ​ലു​ക​ളി​ൽ മു​ൻ​പ​ന്തി​യി​ൽ​നി​ൽ​ക്കു​ന്ന ഒ​ന്നാ​ണ് കാ​ഫ്ക ഓ​ണ്‍ ദ ​ഷോ​ർ. മ​നു​ഷ്യ​ന്‍റെ ഉ​ള്ളി​ലെ സം​ഘ​ർ​ഷ​ങ്ങ​ളും പോ​രാ​ട്ട​ങ്ങ​ളും അ​വ​ന്‍റെ ആ​ത്മ​പ​രി​വ​ർ​ത്ത​ന​വും ആ​ഴ​ത്തി​ൽ വി​ശ​ക​ല​നം​ചെ​യ്യു​ന്ന ഒ​രു നോ​വ​ലാ​ണി​ത്. ഈ ​നോ​വ​ലി​ലെ കേ​ന്ദ്ര​ക​ഥാ​പാ​ത്രം കാ​ഫ്ക ത​മു​റ എ​ന്ന പ​തി​ന​ഞ്ചു​കാ​ര​നാ​ണ്. ജീ​വി​ത​ത്തി​ലെ ഭ​യ​ങ്ങ​ളും വേ​ദ​ന​ക​ളും വ​ഹി​ച്ചു​കൊ​ണ്ട് വീ​ട്ടി​ൽ​നി​ന്ന് അ​വ​ൻ ഒ​ളി​ച്ചോ​ടു​ന്നു. അ​വ​ന്‍റെ ഒ​ളി​ച്ചോ​ട്ടം ഒ​രു സ്ഥ​ലം​മാ​റ്റം മാ​ത്ര​മ​ല്ല. അ​തു മ​നു​ഷ്യ​ന്‍റെ ഉ​ള്ളി​ലേ​ക്കു​ള്ള യാ​ത്ര​കൂ​ടി​യാ​ണ്. ഏ​കാ​ന്ത​ത​യി​ലേ​ക്കും ഓ​ർ​മ​ക​ളി​ലേ​ക്കും ഭ​യ​ങ്ങ​ളി​ലേ​ക്കും ആ​ത്മാ​ന്വേ​ഷ​ണ​ത്തി​ലേ​ക്കു​മു​ള്ള ഒ​രു ആ​ത്മ​യാ​ത്ര.

ഈ ​നോ​വ​ലി​ൽ മു​റകാ​മി എ​ഴു​തു​ന്ന ഒ​രു വാ​ച​കം ലോ​ക​മെ​ന്പാ​ടു​മു​ള്ള വാ​യ​ന​ക്കാ​രെ ഏ​റെ സ്പ​ർ​ശി​ച്ചി​ട്ടു​ണ്ട്: ""കൊ​ടു​ങ്കാ​റ്റ് ക​ട​ന്നു​പോ​യ​ശേ​ഷം അ​തി​നെ എ​ങ്ങ​നെ അ​തി​ജീ​വി​ച്ചു എ​ന്നു നി​ന​ക്ക് ഓ​ർ​മ​യു​ണ്ടാ​ക​ണ​മെ​ന്നി​ല്ല. എ​ന്നാ​ൽ, ഒ​രു​കാ​ര്യം ഉ​റ​പ്പാ​ണ്. ആ ​കൊ​ടു​ങ്കാ​റ്റി​ലൂ​ടെ ക​ട​ന്നു​പോ​യ​ശേ​ഷം അ​തി​ലൂ​ടെ ക​ട​ന്നു​പോ​യ അ​തേ മ​നു​ഷ്യ​നാ​യി നീ ​തു​ട​രു​ക​യി​ല്ല.''

ജീ​വി​ത​ത്തി​ന്‍റെ മ​ഹ​ത്താ​യ സ​ത്യ​ങ്ങ​ളി​ൽ ഒ​ന്നാ​ണി​ത്. കൊ​ടു​ങ്കാ​റ്റു​ക​ളി​ല്ലാ​ത്ത ജീ​വി​തം അ​പൂ​ർ​വ​മാ​ണ്. ചി​ല കൊ​ടു​ങ്കാ​റ്റു​ക​ൾ രോ​ഗ​ത്തി​ന്‍റെ രൂ​പ​ത്തി​ൽ വ​രും. ചി​ല​ത് സാ​ന്പ​ത്തി​ക പ്ര​തി​സ​ന്ധി​യാ​യും ബ​ന്ധ​ങ്ങ​ളി​ലെ ത​ക​ർ​ച്ച​യാ​യും നി​രാ​ശ​യും ഏ​കാ​ന്ത​ത​യു​മൊ​ക്കയാ​യി​ട്ടുമാവും പ്ര​ത്യ​ക്ഷ​പ്പെ​ടു​ക. ചി​ല കൊ​ടു​ങ്കാ​റ്റു​ക​ൾ പു​റ​ത്താ​യി​രി​ക്കു​ക​യി​ല്ല. അ​വ ഉ​ള്ളി​ലാ​യി​രി​ക്കും. ഭ​യം, വി​ഷാ​ദം, ഉ​ത്ക​ണ്ഠ, കു​റ്റ​ബോ​ധം, ആ​ത്മീ​യ​ശൂ​ന്യ​ത എ​ന്നി​വ​യൊ​ക്കെ ആ ​ഗ​ണ​ത്തി​ൽ ഉ​ൾ​പ്പെ​ടും.

ആ​ധു​നി​ക​ലോ​കം മ​നു​ഷ്യ​നു ജീ​വി​ത​സൗ​ക​ര്യ​ങ്ങ​ളും അ​തി​നാ​വ​ശ്യ​മാ​യ സാ​ങ്കേ​തി​ക​വി​ദ്യ​യു​മൊ​ക്കെ ന​ൽ​കു​ന്നു​ണ്ട്. എ​ന്നാ​ൽ മ​നു​ഷ്യ​മ​ന​സി​നു സ​മാ​ധാ​നം ന​ൽ​കാ​ൻ​മാ​ത്രം അ​തി​നു സാ​ധി​ക്കു​ന്നി​ല്ല. അ​തു​കൊ​ണ്ട് എ​ന്തു സം​ഭ​വി​ക്കു​ന്നു? ജീ​വി​ത​ത്തി​ലെ ദുഃ​ഖ​ങ്ങ​ളി​ൽ​നി​ന്നും പ്ര​തി​സ​ന്ധി​ക​ളി​ൽ​നി​ന്നും മ​നു​ഷ്യ​ൻ ഒ​ളി​ച്ചോ​ടാ​ൻ ശ്ര​മി​ക്കു​ന്നു. അ​തി​ന് എ​ളു​പ്പ​വ​ഴി​ക​ൾ തേ​ടു​ന്നു.

എ​ന്നാ​ൽ ജീ​വി​തം ന​മ്മെ പ​ഠി​പ്പി​ക്കു​ന്ന​തു മ​റ്റൊ​ന്നാ​ണ്. ചി​ല സ​ത്യ​ങ്ങ​ൾ ദുഃ​ഖ​ത്തി​ലൂ​ടെ​യേ നാം ​മ​ന​സി​ലാ​ക്കൂ. അ​ഗ്നി​യി​ലൂ​ടെ​യ​ല്ലേ സ്വ​ർ​ണം ശു​ദ്ധ​മാ​ക്ക​പ്പെ​ടു​ന്ന​ത്? മ​ണ്ണി​ൽ അ​ട​ക്കം​ചെ​യ്യ​പ്പെ​ട്ട ശേ​ഷ​മ​ല്ലേ വി​ത്തു​ക​ൾ മു​ള​യ്ക്കു​ക? കു​രി​ശു​മ​ര​ണ​ത്തി​നു ശേ​ഷ​മ​ല്ലേ തി​രു​വു​ത്ഥാനം?

മു​റകാ​മി​യു​ടെ കൊ​ടു​ങ്കാ​റ്റ് എ​ന്ന പ്ര​തീ​കം മ​രു​ഭൂ​മി അ​നു​ഭ​വ​ത്തെ​യാ​ണ് ഓ​ർ​മി​പ്പി​ക്കു​ന്ന​ത്. ദൈ​വ​പു​ത്ര​നാ​യ യേ​ശു പ​ര​സ്യ​ജീ​വി​തം ആ​രം​ഭി​ക്കു​ന്ന​തി​നു​മു​ന്പ് അ​വി​ട​ന്ന് നാ​ല്പ​തു ദി​വ​സം മ​രു​ഭൂ​മി​യി​ലെ ക​ഠി​ന​ജീ​വി​ത​സാ​ഹ​ച​ര്യ​ങ്ങ​ളി​ൽ ചെ​ല​വ​ഴി​ച്ചു. വാ​ഗ്ദ​ത്ത​ഭൂ​മി​യി​ൽ എ​ത്തു​ന്ന​തി​നു​മു​ന്പ് ഇ​സ്രാ​യേ​ൽ ജ​ന​ത നാ​ല്പ​തു​വ​ർ​ഷം മ​രു​ഭൂ​മി​യി​ലൂ​ടെ അ​ല​ഞ്ഞു. മ​രു​ഭൂ​മി വെ​റും ക​ഷ്ട​ത​യു​ടെ സ്ഥ​ല​മാ​യി​രു​ന്നി​ല്ല. അ​തു ശു​ദ്ധീ​ക​ര​ണ​ത്തി​ന്‍റെ സ്ഥ​ല​മാ​യി​രു​ന്നു. ഇ​സ്രാ​യേ​ൽ ജ​ന​ത​യെ വ്യാ​ജ​ഭ്ര​മ​ങ്ങ​ളി​ൽ​നി​ന്നു മോ​ചി​പ്പി​ച്ച് ദൈ​വ​ത്തി​ൽ ആ​ശ്ര​യി​ക്കാ​ൻ പ​ഠി​പ്പി​ച്ച ഇ​ടം.

ന​മു​ക്കെ​ല്ലാ​വ​ർ​ക്കും​ത​ന്നെ മ​രു​ഭൂ​മിയ​നു​ഭ​വ​ത്തെ പേ​ടി​യാ​ണ്. കാ​ര​ണം മ​രു​ഭൂ​മി​യു​ടെ നി​ശ​ബ്ദ​ത​യി​ൽ ന​മു​ക്കു ന​മ്മെ​ത്ത​ന്നെ അ​ഭി​മു​ഖീ​ക​രി​ക്കേ​ണ്ടി​വ​രും. അ​പ്പോ​ൾ ന​മ്മു​ടെ ആ​ത്മാ​വി​ന്‍റെ സ്ഥി​തി കാ​ണാ​തി​രി​ക്കാ​നാ​വി​ല്ല. തന്മൂല​മ​ല്ലേ ആ​ധു​നി​ക​ജീ​വി​തം ശ​ബ്ദ​ങ്ങ​ളാ​ൽ നി​റ​ഞ്ഞി​രി​ക്കു​ന്ന​ത്? ടെ​ലി​വി​ഷ​ൻ, മൊ​ബൈ​ൽ ഫോ​ണ്‍, സോ​ഷ്യ​ൽ മീ​ഡി​യ എ​ന്നി​വ​യൊ​ക്കെ സൃ​ഷ്ടി​ക്കു​ന്ന ശ​ബ്ദ​കോ​ലാ​ഹ​ലം എ​ത്ര​യോ അ​ധി​ക​മാ​ണ്!

ഫ്ര​ഞ്ച് ത​ത്വ​ചി​ന്ത​ക​നാ​യ ബ്ലെ​യ്സ് പാ​സ്ക​ൽ ഒ​രി​ക്ക​ൽ എ​ഴു​തി: ""ഒ​രു മു​റി​യി​ൽ ഒ​റ്റ​യ്ക്ക് ശാ​ന്ത​മാ​യി മ​നു​ഷ്യ​ന് ഇ​രി​ക്കാ​ൻ സാ​ധി​ക്കാ​ത്ത​താ​ണ് ലോ​ക​ത്തി​ലെ പ​ല പ്ര​ശ്ന​ങ്ങ​ളു​ടെ​യും കാ​ര​ണം.'' മു​റ​കാ​മി​യു​ടെ നോ​വ​ലി​ൽ കാ​ഫ്ക ഒ​രു വ​ലി​യ സ​ത്യം മ​ന​സി​ലാ​ക്കു​ന്നു​ണ്ട്- വേ​ദ​ന​യി​ൽ​നി​ന്ന് ഓ​ടി​ര​ക്ഷ​പ്പെ​ടു​ന്ന​തി​ലൂ​ടെ മോ​ച​നം ല​ഭി​ക്കു​ന്നി​ല്ല എ​ന്ന സ​ത്യം.

എ​ല്ലാ​വ​ർ​ക്കും ഏ​തെ​ങ്കി​ലും കൊ​ടു​ങ്കാ​റ്റി​ലൂ​ടെ ക​ട​ന്നു​പോ​കേ​ണ്ട​തു​ണ്ട്. കാ​ര​ണം, മ​ര​ണ​ത്തി​ന്‍റെ താ​ഴ്‌വ​ര​ക​ളി​ല്ലാ​ത്ത ജീ​വി​തം ദൈ​വം വാ​ഗ്ദാ​നം​ചെ​യ്തി​ട്ടി​ല്ല. എ​ന്നാ​ൽ അ​വി​ട​ന്ന് എ​പ്പോ​ഴും ന​മ്മു​ടെ കൂ​ടെ​യു​ണ്ടാ​വും എ​ന്ന ഉ​റ​പ്പ് ന​മു​ക്കു ത​ന്നി​ട്ടു​ണ്ട്. ദൈ​വ​വ​ച​നം പ​റ​യു​ന്നു: ""സ​മു​ദ്ര​ത്തി​ലൂ​ടെ നീ ​ക​ട​ന്നു​പോ​കു​ന്പോ​ൾ ഞാ​ൻ നി​ന്നോ​ടു​കൂ​ടി ഉ​ണ്ടാ​യി​രി​ക്കും. ന​ദി​ക​ൾ ക​ട​ക്കു​ന്പോ​ൾ അ​തു നി​ന്നെ മു​ക്കി​ക്ക​ള​യു​ക​യി​ല്ല. അ​ഗ്നി​യി​ലൂ​ടെ ന​ട​ന്നാ​ലും നി​ന​ക്കു പൊ​ള്ള​ലേ​ൽ​ക്കു​ക​യി​ല്ല. ജ്വാ​ല നി​ന്നെ ദ​ഹി​പ്പി​ക്കു​ക​യു​മി​ല്ല'' (ഏ​ശ 43:2). ഇ​ക്കാ​ര്യം വ്യ​ക്ത​മാ​യി അ​റി​യാ​മാ​യി​രു​ന്ന​തു​കൊ​ണ്ടാ​ണ് സ​ങ്കീ​ർ​ത്ത​ക​ൻ എ​ഴു​തി​യ​ത്: ""മ​ര​ണ​ത്തി​ന്‍റെ താ​ഴ്‌വ​ര​യി​ലൂ​ടെ ന​ട​ന്നാ​ലും ഞാ​ൻ ഭ​യ​പ്പെ​ടു​ക​യി​ല്ല. കാ​ര​ണം, അ​വി​ട​ന്ന് എ​ന്നോ​ടൊ​പ്പ​മു​ണ്ട്'' (സ​ങ്കീ 23:4).

മു​റ​കാ​മി​യു​ടെ നോ​വ​ൽ ഒ​ടു​വി​ൽ ന​മ്മെ ഓ​ർ​മി​പ്പി​ക്കു​ന്ന​ത് ഇ​താ​ണ്: ജീ​വി​ത​ത്തി​ലെ ഓ​രോ കൊ​ടു​ങ്കാ​റ്റും മ​നു​ഷ്യ​നെ മാ​റ്റാ​നു​ള്ള ശ​ക്തി വ​ഹി​ക്കു​ന്നു. ജീ​വി​തം ഇ​രു​ണ്ട​താ​കു​ന്പോ​ഴും പ്ര​ത്യാ​ശ ന​ഷ്ട​പ്പെ​ടു​ത്ത​രു​ത്. കൊ​ടു​ങ്കാ​റ്റു​ക​ൾ ശാ​ശ്വ​ത​മ​ല്ല. കാ​ർ​മേ​ഘ​ങ്ങ​ൾ​ക്ക​പ്പു​റം പൊ​ൻ​വെ​ളി​ച്ച​മു​ണ്ട്.
ജീ​വി​ത​ത്തി​ലെ കൊ​ടു​ങ്കാ​റ്റു​ക​ൾ ന​മ്മെ മാ​റ്റു​മെ​ന്ന​ത് ശ​രി​യാ​ണ്. എ​ന്നാ​ൽ, വി​ശ്വാ​സ​ത്തോ​ടും ധൈ​ര്യ​ത്തോ​ടും കൂ​ടി അ​തി​ലൂ​ടെ ക​ട​ന്നു​പോ​കു​ന്പോ​ഴാ​ണ് ആ ​മാ​റ്റം ന​മ്മെ അ​ഗ്നി​ശു​ദ്ധി​വ​രു​ത്തി​യ കൂ​ടു​ത​ൽ ന​ല്ല മ​നു​ഷ്യ​രാ​ക്കി​മാ​റ്റു​ക. അ​തു ന​മു​ക്കു മ​റ​ക്കാ​തി​രി​ക്കാം.

Tags : new man storm sunday deepika