13

ന​മ്മു​ടെ പ്ര​ഭാ​ത​ങ്ങ​ൾ ഇ​ന്ന് ആ​രം​ഭി​ക്കു​ന്ന​ത് പ​ത്രം നി​വ​ർ​ത്തി​യോ റേ​ഡി​യോ ട്യൂ​ണ്‍ ചെ​യ്തോ അ​ല്ല, മ​റി​ച്ച് മൊ​ബൈ​ൽ സ്ക്രീ​നു​ക​ളി​ൽ വി​ര​ലു​ക​ൾ  പാ​യി​ച്ചു​കൊ​ണ്ടാ​ണ്. ഇ​ൻ​സ്റ്റാ​ഗ്രാം റീ​ലു​ക​ളും യൂ​ട്യൂ​ബ് ഷോ​ർ​ട്സു​ക​ളും ടി​ക് ടോ​ക്  ത​രം​ഗ​ങ്ങ​ളും  നി​ത്യ​ജീ​വി​ത​ത്തി​ന്‍റെ ഭാ​ഗ​മാ​യി മാ​റി​യി​ട്ട് അ​ധി​ക​കാ​ലം ആ​യി​ട്ടി​ല്ല. എ​ന്നാ​ൽ,  ചു​രു​ങ്ങി​യ കാ​ലം​കൊ​ണ്ട് ന​മ്മു​ടെ പോ​പ്പ് ക​ൾ​ച്ച​റി​നെ  ഇ​ത്ര​മേ​ൽ സ്വാ​ധീ​നി​ച്ച മ​റ്റൊ​രു മാ​ധ്യ​മം ച​രി​ത്ര​ത്തി​ലു​ണ്ടാ​യി​ട്ടി​ല്ല. കേ​വ​ലം മു​പ്പ​ത് സെ​ക്ക​ൻ​ഡി​ൽ വി​നോ​ദം ന​ൽ​കു​ന്ന കൊ​ച്ചു വീ​ഡി​യോ​ക​ൾ  വ​ലി​യൊ​രു സാം​സ്കാ​രി​ക പ​രി​വ​ർ​ത്ത​ന​ത്തി​നാ​ണ് വ​ഴി​തു​റ​ന്നി​രി​ക്കു​ന്ന​ത്. പ​ണ്ടൊ​ക്കെ സി​നി​മ കാ​ണ​ണ​മെ​ങ്കി​ൽ തി​യ​റ്റ​റി​ൽ പോ​ക​ണ​മാ​യി​രു​ന്നു, അ​ല്ലെ​ങ്കി​ൽ ടെ​ലി​വി​ഷ​ന് മു​ന്നി​ൽ കൃ​ത്യ​സ​മ​യ​ത്ത് ഇ​രി​ക്ക​ണ​മാ​യി​രു​ന്നു. 

അ​വി​ടെ പ്രേ​ക്ഷ​ക​ൻ ഒ​രു നി​ഷ്ക്രി​യ ഘ​ട​ക​മാ​യി​രു​ന്നു. എ​ന്നാ​ൽ ഇ​ന്ന​ത്തെ ഡി​ജി​റ്റ​ൽ യു​ഗ​ത്തി​ൽ പ്രേ​ക്ഷ​ക​ൻ​ത​ന്നെ​യാ​ണ് ഉ​ള്ള​ട​ക്കം നി​ർ​മി​ക്കു​ന്ന​ത്. ജ​ന​പ്രി​യ സി​നി​മാ ഗാ​ന​മോ, ഡ​യ​ലോ​ഗോ റി​ലീ​സ് ചെ​യ്ത് മ​ണി​ക്കൂ​റു​ക​ൾ​ക്ക​കം അ​തി​നെ അ​ടി​സ്ഥാ​ന​മാ​ക്കി ല​ക്ഷ​ക്ക​ണ​ക്കി​ന് റീ​ലു​ക​ളാ​ണ് പ്ര​ത്യ​ക്ഷ​പ്പെ​ടു​ന്ന​ത്. സി​നി​മ നി​ർ​മി​ക്കു​ന്ന​വ​ർ ന​ൽ​കു​ന്ന കാ​ഴ്ച​ക​ളെ അ​തേ​പ​ടി വി​ഴു​ങ്ങു​ന്ന​തി​ന് പ​ക​രം, അ​തി​നെ സ്വ​ന്തം ഭാ​വ​ന​യ്ക്ക​നു​സ​രി​ച്ച് പു​ന​ർ​നി​ർ​മി​ക്കാ​നു​ള്ള  സ്വാ​ത​ന്ത്ര്യം സോ​ഷ്യ​ൽ മീ​ഡി​യ പു​തു​ത​ല​മു​റ​യ്ക്ക് ന​ൽ​കു​ന്നു. 

ഇ​വി​ടെ​യാ​ണ് പ​ഴ​യ​കാ​ല ജ​ന​പ്രി​യ സം​സ്കാ​ര​ത്തെ ഓ​ർ​ക്കേ​ണ്ട​ത്. അ​ക്കാ​ല​ത്ത് ഒ​രു സി​നി​മ​യി​ലെ കോ​മ​ഡി​യോ പാ​ട്ടോ ഹി​റ്റാ​യാ​ൽ  മാ​സ​ങ്ങ​ളോ​ളം പ്രേ​ക്ഷ​ക​രു​ടെ മ​ന​സി​ൽ നി​ൽ​ക്കു​മാ​യി​രു​ന്നു. ക്യാ​ന്പ​സു​ക​ളി​ലും ചാ​യ​ക്ക​ട​ക​ളി​ലും ആ​ഴ്ച​ക​ളോ​ളം നീ​ളു​ന്ന ച​ർ​ച്ച​ക​ളാ​യി​രു​ന്നു അ​വ. എ​ന്നാ​ൽ ഇ​ന്ന​ത്തെ റീ​ൽ സം​സ്കാ​ര​ത്തി​ൽ ഒ​രു ട്രെ​ൻ​ഡി​ന്‍റെ ആ​യു​സ് പ​ര​മാ​വ​ധി ഒ​രാ​ഴ്ച മാ​ത്ര​മാ​ണ്. ഈ ​വാ​രം ഇ​ൻ​സ്‌​റ്റാ​ഗ്രാ​മി​നെ ഇ​ള​ക്കി​മ​റി​ക്കു​ന്ന ഓ​ഡി​യോ ട്രെ​ൻ​ഡ് അ​ടു​ത്ത വാ​രം ആ​രും ഓ​ർ​ക്കി​ല്ല. ഹൈ​പ്പും യാ​ഥാ​ർ​ഥ്യ​വും ത​മ്മി​ലു​ള്ള സം​ഘ​ർ​ഷം​ഈ ട്രെ​ൻ​ഡ് സി​നി​മ​ക​ളു​ടെ വി​ജ​യ​പ​രാ​ജ​യ​ങ്ങ​ളെ​പ്പോ​ലും ഇ​ന്ന് നി​ശ്ച​യി​ക്കു​ന്നു​ണ്ട്. തി​യ​റ്റ​റു​ക​ളി​ൽ വ​ലി​യ ച​ല​ന​മു​ണ്ടാ​ക്കാ​ത്ത പ​ല ചെ​റി​യ ചി​ത്ര​ങ്ങ​ളും അ​തി​ലെ ഏ​തെ​ങ്കി​ലും ഒ​രു രം​ഗ​മോ പാ​ട്ടോ റീ​ലു​ക​ളി​ൽ ത​രം​ഗ​മാ​കു​ന്ന​തോ​ടെ ഒ​ടി​ടി​യി​ൽ വ​ൻ വി​ജ​യ​മാ​യി മാ​റു​ന്ന കാ​ഴ്ച ന​മ്മ​ൾ കാ​ണു​ന്നു​ണ്ട്. 

അ​തേ​സ​മ​യം, റീ​ലു​ക​ളി​ലെ "ഹൈ​പ്പ്’ ക​ണ്ട് തി​യ​റ്റ​റി​ലെ​ത്തു​ന്ന പ്രേ​ക്ഷ​ക​ൻ ര​ണ്ട​ര മ​ണി​ക്കൂ​ർ സി​നി​മ കാ​ണു​ന്പോ​ൾ നി​രാ​ശ​നാ​കു​ന്ന അ​വ​സ്ഥ​യു​മു​ണ്ട്. കാ​ര​ണം, മു​പ്പ​ത് സെ​ക്ക​ൻ​ഡി​ൽ ത്രി​ല്ല​ടി​പ്പി​ക്കു​ന്ന വേ​ഗ​ത​യും ദൃ​ശ്യ​ഭം​ഗി​യും ഒ​രു പൂ​ർ​ണ​ചി​ത്ര​ത്തി​ന് നി​ല​നി​ർ​ത്താ​ൻ ക​ഴി​ഞ്ഞെ​ന്ന് വ​രി​ല്ല. സി​നി​മ​യു​ടെ ആ​ത്മാ​വ് അ​തി​ന്‍റെ തി​ര​ക്ക​ഥ​യു​ടെ ഒ​ഴു​ക്കി​ലാ​ണ്, അ​ല്ലാ​തെ റീ​ലു​ക​ളി​ലെ ക​ട്ട്-​ടു-​ക​ട്ട് വി​ഷ്വ​ലു​ക​ളി​ല​ല്ല.​ഗ്രാ​മ​ങ്ങ​ളി​ലെ സാ​ധാ​ര​ണ​ക്കാ​രാ​യ മ​നു​ഷ്യ​ർ​ക്കു​പോ​ലും ത​ങ്ങ​ളു​ടെ ക​ഴി​വു​ക​ൾ ലോ​ക​ത്തി​ന് മു​ന്നി​ൽ പ്ര​ക​ടി​പ്പി​ക്കാ​നും അ​തി​ലൂ​ടെ വ​രു​മാ​ന​മു​ണ്ടാ​ക്കാ​നും  പോ​പ്പ് ക​ൾ​ച്ച​ർ വേ​ദി​യൊ​രു​ക്കു​ന്നു. സി​നി​മ​യി​ലെ മു​ൻ​നി​ര താ​ര​ങ്ങ​ൾ പോ​ലും ത​ങ്ങ​ളു​ടെ ചി​ത്ര​ങ്ങ​ളു​ടെ പ്ര​മോ​ഷ​നാ​യി റീ​ൽ ഇ​ൻ​ഫ്ലു​വ​ൻ​സ​ർ​മാ​രെ തേ​ടി​പ്പോ​കു​ന്ന​ത് ഈ ​മാ​ധ്യ​മ​ത്തി​ന്‍റെ സ്വാ​ധീ​നം എ​ത്ര​ത്തോ​ള​മു​ണ്ടെ​ന്ന് തെ​ളി​യി​ക്കു​ന്നു.                                                                                                                                                                                                                                                             

Tags : SundayDeepika