18

ന​മ്മു​ടെ മ​ണ്ണും നീ​രും ഏ​റ്റ​വും മി​ക​ച്ച​ത് അ​ർ​ഹി​ക്കു​ന്നു... ഭൂ​മി​യെ ബ​ഹു​മാ​നി​ക്കു​ക, ന​മ്മെ നി​ല​നി​ർ​ത്തു​ന്ന​തി​നെ സം​ര​ക്ഷി​ക്കു​ക- ക​ട​ൽ​ക​ട​ന്ന് ര​ണ്ടു ച​ക്ര​ങ്ങ​ളി​ൽ സ​ഞ്ച​രി​ക്കു​ന്പോ​ൾ മ​ന​സി​ൽ ഇ​താ​യി​രു​ന്നു. മൈ​ലു​ക​ൾ​ക്ക​പ്പു​റ​ത്ത് ക​ഥ​ക​ളി​ലൂ​ടെ.. നാ​ടി​ന്‍റെ ശാ​ന്ത​സൗ​ന്ദ​ര്യ​ങ്ങ​ളി​ലൂ​ടെ.. ആ​ളു​ക​ൾ​ക്കി​ട​യി​ലൂ​ടെ ഒ​രു യാ​ത്ര.

ഈ ​യാ​ത്ര എ​ന്‍റേ​തു മാ​ത്ര​മാ​യി​രു​ന്നി​ല്ല. ര​ണ്ടു ച​ക്ര​ങ്ങ​ളി​ൽ ഒ​ഴു​കു​ന്ന സ​ന്ദേ​ശ​വു​മാ​യി 44 പേ​ർ. സ​ഹ്യാ​ദ്രി നേ​ച്ച​ർ ഓ​ർ​ഗ​നൈ​സേ​ഷ​ൻ പാ​ല​ക്കാ​ട്, നാ​ച്ചു​റ​ൽ ഹി​സ്റ്റ​റി സൊ​സൈ​റ്റി ഓ​ഫ് പാ​ല​ക്കാ​ട്, ഫോ​ർ​ട്ട് പെ​ഡ​ലേ​ഴ്സ് പാ​ല​ക്കാ​ട്, ഇ​ൻ​ടാ​ക്ക് പാ​ല​ക്കാ​ട്, ബ​യോ ഡൈ​വേ​ഴ്സി​റ്റി മാ​നേ​ജ്മെ​ൻ​റ് ക​മ്മി​റ്റി അ​ക​ത്തേ​ത്ത​റ ഗ്രാ​മ​പ​ഞ്ചാ​യ​ത്ത്, പാ​ൽ​ഘാ​ട്ട് ഹി​സ്റ്റ​റി ക്ല​ബ്, കേ​ര​ള വ​നം-​വ​ന്യ​ജീ​വി വ​കു​പ്പ് എ​ന്നി​വ​യു​ടെ പ്ര​തി​നി​ധി​യാ​യി ഞാ​നും എ​ന്‍റെ കോ​ന സൂ​ത്ര ടൂ​റിം​ഗ് സൈ​ക്കി​ളും. ല​ക്ഷ്യം- യാ​ഴ്പ്പാ​ണം, ശ്രീ​ല​ങ്ക!

പൂ​മ്പാ​റ്റ​യെ​പ്പോ​ലെ...

സ​മ​യ​ത്തി​ന്‍റെ​യോ ദി​വ​സ​ങ്ങ​ളു​ടെ​യോ കെ​ട്ടു​പാ​ടു​ക​ൾ ഇ​ല്ലാ​താ​ക്കു​ക.. വേ​ഗ​ത കു​റ​ച്ച് സ്വ​യം കൂ​ടു​ത​ൽ മ​ന​സി​ലാ​ക്കു​ക.. ഇ​ളം​കാ​റ്റി​ൽ പാ​റു​ന്ന പൂ​ന്പാ​റ്റ​യെ​പ്പോ​ലെ, കെ​ട്ടി​ല്ലാ​ത്ത പ​ട്ടം​പോ​ലെ സൈ​ക്കി​ൾ സ​ഞ്ചാ​രം ആ​സ്വ​ദി​ക്കു​ക. ഇ​തൊ​ക്കെ​യാ​യി​രു​ന്നു മ​ന​സു​നി​റ​യെ. യാ​ത്ര​യ്ക്ക് ആ​വ​ശ്യ​മാ​യ 40 കി​ലോ​യോ​ളം വ​രു​ന്ന ല​ഗേ​ജും സ​ന്ദേ​ശം ഉ​ൾ​ക്കൊ​ള്ളു​ന്ന ബോ​ർ​ഡും സൈ​ക്കി​ളി​ലു​ണ്ട്. ക​ത്തു​ന്ന വെ​യി​ലും മു​ന്നോ​ട്ടു ക​ട​ത്തി​വി​ടാ​ത്ത കാ​റ്റു​മു​ണ്ട്. എ​ങ്കി​ലും മ​ന​സി​ൽ കു​ളി​ർ​മ​യാ​യി​രു​ന്നു.

യാ​ത്ര​തു​ട​ങ്ങി ചി​റ്റൂ​ർ, ഗോ​പാ​ല​പു​രം, പൊ​ള്ളാ​ച്ചി വ​ഴി ഉ​ദു​മ​ൽ​പേ​ട്ട വ​രെ ആ​ദ്യ​ദി​വ​സം 90 കി​ലോ​മീ​റ്റ​ർ സ​ഞ്ച​രി​ച്ചു. കൂ​ട്ടു​കാ​ര​ൻ പാ​ർ​ത്ഥ​സാ​ര​ഥി​യു​ടെ നി​ർ​ദേ​ശ​പ്ര​കാ​രം ഉ​ദു​മ​ല​യി​ലു​ള്ള സൈ​ക്കി​ൾ സു​ഹൃ​ത്ത് ദ​ണ്ഡ​പാ​ണി ബ​സ് സ്റ്റാ​ൻ​ഡി​നു സ​മീ​പ​ത്ത് കാ​ത്തു​നി​ല്പു​ണ്ടാ​യി​രു​ന്നു. സൗ​ക​ര്യ​പ്ര​ദ​മാ​യ ഒ​രു ഹോ​ട്ട​ലി​ൽ എ​ന്നെ പ​രി​ച​യ​പ്പെ​ടു​ത്തി. സൈ​ക്കി​ളും സു​ര​ക്ഷി​ത​മാ​യി വ​ച്ച് രാ​ത്രി​യു​റ​ക്കം. പി​റ്റേ​ന്നു രാ​വി​ലെ പ​ത്ത​ര​യോ​ടെ ദ​ണ്ഡ​പാ​ണി വീ​ണ്ടു​മെ​ത്തി. ഉ​ദു​മ​ല - പ​ഴ​നി ഹൈ​വേ​യി​ലേ​ക്ക് വ​ഴി​കാ​ട്ടി​ത്ത​ന്ന് അ​ദ്ദേ​ഹം പി​രി​ഞ്ഞു.

അ​സാ​ധ്യ​മാ​യ കാ​റ്റ്. ക​ത്തു​ന്ന വെ​യി​ൽ ഇ​വി​ടെ​യു​മു​ണ്ട്. വ​യ​ലേ​ല​ക​ൾ, കാ​റ്റാ​ടി​പ്പാ​ട​ങ്ങ​ൾ, ത​ക്കാ​ളി​പ്പാ​ട​ങ്ങ​ൾ, പേ​ര​യ്ക്ക​പ്പാ​ട​ങ്ങ​ൾ, മു​രി​ങ്ങ​പ്പാ​ട​ങ്ങ​ൾ, തെ​ങ്ങി​ൻ​തോ​പ്പു​ക​ൾ.. അ​വി​ടെ​യൊ​ക്കെ ചെ​റി​യ വ്യ​വ​സാ​യം ചെ​യ്യു​ന്ന ക​ർ​ഷ​ക കു​ടും​ബ​ങ്ങ​ളെ കാ​ണാം. മേ​യു​ന്ന ക​ന്നു​കാ​ലി​ക​ൾ, കോ​ഴി​ക​ൾ.. ചെ​റി​യ ഫാ​മു​ക​ൾ.. ദൂ​രെ പ​ഴ​നി​മ​ല കാ​ണാം. വ​യ​ലു​ക​ൾ ഉ​ഴു​ന്ന ട്രാ​ക്ട​റു​ക​ളി​ൽ​നി​ന്ന് ര​ജ​നി​യു​ടെ യ​ജ​മാ​ൻ സി​നി​മ​യി​ൽ​നി​ന്നു​ള്ള പാ​ട്ട്.

ബാ​ഗി​ന്‍റെ ഭാ​ര​മു​ള്ള​തി​നാ​ൽ സൈ​ക്കി​ൾ സ്റ്റെ​ഡി ഫീ​ൽ ആ​ണ്. പ​ക്ഷേ എ​ങ്ങ​നെ ച​വി​ട്ടി​യാ​ലും ശ​രാ​ശ​രി 15 കി​ലോ​മീ​റ്റ​റി​ൽ താ​ഴെ​യാ​ണ് വേ​ഗ​ത. ഒ​രൊ​ഴി​ഞ്ഞ ടോ​ൾ റീ​ചാ​ർ​ജിം​ഗ് കു​ഞ്ഞി​പ്പ​ന്ത​ലി​ലെ ക​സേ​ര​യി​ൽ അ​ല്പം വി​ശ്ര​മം. ധാ​രാ​പു​രം, മ​ട​ത്തി​കു​ളം, പ​ഴ​നി, ഒ​ട്ട​ൻഛ​ത്രം പി​ന്നി​ട്ട് രാ​ത്രി ഏ​ഴോ​ടെ ഡി​ണ്ടി​ഗ​ലി​ൽ എ​ത്തി. അ​ന്ന​ത്തെ സ​ഞ്ചാ​രം ഏ​താ​ണ്ട് 110 കി​ലോ​മീ​റ്റ​ർ. രാ​ത്രി അ​വി​ടെ ത​ങ്ങി. പി​റ്റേ​ന്നു രാ​വി​ലെ ആ​റ​ര​യ്ക്കു​ത​ന്നെ മ​ണ​പ്പാ​റ​വ​ഴി യാ​ത്ര തു​ട​ർ​ന്നു.

ഇ​ട​തു​ഭാ​ഗ​ത്ത് ചെ​മ്മ​ണ്ണി​ൻ കു​ന്നി​ൻ​ചെ​രി​വു​ക​ൾ.. വ​ല​ത്ത് ശി​രു​വം കു​ന്നു​ക​ൾ. വ​ഴി​യു​ടെ ഇ​രു​വ​ശ​ത്തും ഡി​ല്ലി മു​ൾ​മ​ര​ങ്ങ​ൾ കാ​ണാം. ഡ​ൽ​ഹി​യി​ൽ​നി​ന്ന് വ​ന്ന​തു​കൊ​ണ്ടാ​ണ​ത്രേ ഇ​തി​നു ഡി​ല്ലി എ​ന്നു​പേ​ര്. വ​ര​ണ്ട ഭൂ​മി​യു​ടെ ല​ക്ഷ​ണ​മാ​ണി​ത്. റോ​ഡ​രി​കി​ലെ ബേ​ക്ക​റി​യി​ൽ​നി​ന്ന് ര​ണ്ടു ചാ​യ​യും ഒ​രു ബ​ണ്ണും അ​ക​ത്താ​ക്കി.

വ​രി​തെ​റ്റി​ക്കു​ന്ന വ​ര​വു​ക​ൾ

ന​ല്ല നാ​ലു​വ​രി​പ്പാ​ത​യാ​ണ് മു​ന്നി​ൽ. ന​മ്മു​ടെ വ​ശ​ത്ത്, വെ​ള്ള​വ​ര​യ്ക്കു പു​റ​ത്തു​കൂ​ടി സൈ​ക്കി​ൾ ച​വി​ട്ടി​യാ​ലും ഒ​രു കാ​ര്യം ഭ​യ​ക്ക​ണം- എ​തി​രേ​നി​ന്ന് മോ​പ്പ​ഡും ബൈ​ക്കും ഓ​ട്ടോ​റി​ക്ഷ​യും ഏ​തു നി​മി​ഷ​വും വ​രാം. ദി​ശ തെ​റ്റി​ച്ചു​വ​രു​ന്ന​ത് അ​വ​രു​ടെ അ​വ​കാ​ശ​മാ​ണെ​ന്ന​പോ​ലെ​യാ​ണ് മോ​പ്പ​ഡി​ൽ പെ​ൺ​കു​ട്ടി​ക​ൾ അ​ട​ക്ക​മു​ള്ള​വ​രു​ടെ വ​ര​വ്. അ​രി​കു​വി​ട്ട് പാ​ത​യി​ലേ​ക്കു സൈ​ക്കി​ൾ ക​യ​റ്റി​യേ മ​തി​യാ​വൂ.

അ​ന്നും 110 കി​ലോ​മീ​റ്റ​ർ സ​ഞ്ചാ​രം. തൃ​ശ്ശി​നാ​പ്പി​ള്ളി​യി​ൽ എ​ത്തി. വ​ഴി​യി​ൽ സൈ​ക്കി​ളി​ൽ വ​ന്നി​രു​ന്ന സ്റ്റാ​ലി​ൻ എ​ന്ന കൊ​ച്ചു​പ​യ്യ​നാ​ണ് സു​ഹൃ​ത്ത് പ​റ​ഞ്ഞേ​ൽ​പ്പി​ച്ചി​രു​ന്ന ഹോ​ട്ട​ൽ മു​റി കാ​ണി​ച്ചു​ത​ന്ന​ത്. അ​ങ്ങ​നെ സൈ​ക്കി​ള​ട​ക്കം മൂ​ന്നാം നി​ല​യി​ലെ മു​റി​യി​ൽ സു​ഖ​മാ​യ ഉ​റ​ക്കം. രാ​വി​ലെ ആ​റ​ര​യോ​ടെ നാ​ഗ​പ​ട്ട​ണ​ത്തി​ലേ​ക്ക്...

ത​വി​ട്ടു-​ചാ​ര​നി​റ​ത്തി​ൽ ത​ഞ്ചാ​വൂ​ർ പാ​ട​ങ്ങ​ളെ വ​ക​ഞ്ഞു​മാ​റ്റി പാ​സ​ഞ്ച​ർ തീ​വ​ണ്ടി വ​രു​ന്നു. പ​ക​ലി​നു ന​ല്ല ചൂ​ടു​ണ്ടെ​ങ്കി​ലും ഒ​രു ഇ​രു​ണ്ട അ​ന്ത​രീ​ക്ഷം. റോ​ഡി​ൽ എ​ങ്ങ​നെ​യൊ​ക്കെ​യോ ജീ​വ​ന​ക​ന്നു​കി​ട​ക്കു​ന്ന നീ​ല​പ്പൊ​ന്മാ​നും മൈ​ന​യും നാ​യ​യും പൂ​ച്ച​യും...

ഹെ​ഡ് വി​ൻ​ഡും ക്രോ​സ് വി​ൻ​ഡും മു​ന്നോ​ട്ടു നീ​ങ്ങു​ന്ന​ത് ശ്ര​മ​ക​ര​മാ​ക്കു​ന്നു. കൈ​യി​ൽ ഒ​രു​കൂ​ട പൂ​ക്ക​ളു​മാ​യി ഒ​രു പാ​ട്ടി​യും താ​ത്ത​യും മു​ന്നി​ലെ​ത്തി. ആ ​ഗ്രാ​മ​ത്തി​ലാ​ദ്യ​മാ​ണ്. മ​ര​ണ​വീ​ട്ടി​ലേ​ക്കോ ക​ല്യാ​ണ​ത്തി​നോ എ​ന്ന​റി​യി​ല്ല. ആ​ദ്യം വ​ഴി​ചോ​ദി​ച്ച​ത് എ​ന്നോ​ട്! എ​ല്ലാം ഒ​രു കെ​ട്ടു​ക​ഥ​യി​ലെ രം​ഗം​പോ​ലെ തോ​ന്നി.

ക​രി​ന്പ​ന​ക​ൾ അ​തി​രി​ടു​ന്ന, കൊ​യ്ത​തും കൊ​യ്യാ​ത്ത​തു​മാ​യ ത​ഞ്ചാ​വൂ​ർ പാ​ട​ങ്ങ​ൾ, ഉ​രു​ട്ടി​ക്കെ​ട്ടി പൊ​ക്ക​ങ്ങ​ളി​ലേ​ക്ക് അ​ടു​ക്കി​വ​ച്ചി​രി​ക്കു​ന്ന വ​യ്ക്കോ​ൽ ചു​രു​ളു​ക​ൾ, ആ​ടു​മാ​ടു​ക​ളെ മേ​യ്ക്കു​ന്ന അ​മ്മ​മാ​ർ, അ​ന​ക്ക​മ​റി​യി​ക്കാ​തെ ഒ​ഴു​കു​ന്ന ക​ടു​വൈ​യാ​റും... ആ​കെ​യൊ​രു ശോ​കാ​ന്ത​രീ​ക്ഷം. ഞാ​നാ കെ​ട്ടു​ക​ഥ​യി​ൽ​നി​ന്ന് ഇ​റ​ങ്ങി​വ​ന്നു. 140 കി​ലോ​മീ​റ്റ​ർ പി​ന്നി​ട്ട് നാ​ഗ​പ​ട്ട​ണ​ത്തി​ലെ​ത്തി...

മ​ല​ന്പു​ഴ​യി​ൽ​നി​ന്ന് പാ​ല​ക്കാ​ടും ചി​റ്റൂ​രും ക​ട​ന്ന്, ഗോ​പാ​ല​പു​രം, പൊ​ള്ളാ​ച്ചി, ഉ​ദു​മ​ൽ​പേ​ട്ട, പ​ഴ​നി, ഒ​ട്ട​ൻഛ​ത്രം, ഡി​ണ്ടി​ഗ​ൽ, തൃ​ശ്ശി​നാ​പ്പി​ള്ളി, ത​ഞ്ചാ​വൂ​ർ, കും​ഭ​കോ​ണം വ​ഴി നാ​ഗ​പ​ട്ട​ണം...

ല​ങ്ക​യി​ലേ​ക്ക് നാ​ലു​നാ​ൾ

നാ​ഗ​പ​ട്ട​ണ​ത്തി​ൽ​നി​ന്ന് ശ്രീ​ല​ങ്ക​യി​ലേ​ക്കു പു​റ​പ്പെ​ടാ​ൻ ഇ​നി നാ​ലു​നാ​ളു​ണ്ട്. തൃ​ശ്ശി​നാ​പ്പി​ള്ളി​യി​ൽ സൈ​ക്കി​ൾ സ​ർ​വീ​സ് ചെ​യ്യാ​ൻ ക​രു​തി​യി​രു​ന്ന​ത് ന​ട​ന്നി​ല്ല. വി​ശ്ര​മ​ത്തി​നു മാ​റ്റി​വ​ച്ച ഒ​രു​ദി​വ​സം ഉ​പ​യോ​ഗി​ച്ചു​മി​ല്ല. പ​റ​ഞ്ഞു​വ​ച്ച​തി​നേ​ക്കാ​ൾ ര​ണ്ടു​ദി​വ​സം നേ​ര​ത്തേ പു​റ​പ്പെ​ടു​ക​യും ചെ​യ്തി​രു​ന്നു. അ​ങ്ങ​നെ നാ​ലു​ദി​വ​സം നാ​ഗ​പ​ട്ട​ണ​ത്തി​ൽ ചെ​ല​വാ​ക്കാ​നു​ണ്ട്. ചെ​റു​പ്പ​കാ​ലം​മു​ത​ൽ മ​ന​സി​ൽ ക​യ​റി​ക്കൂ​ടി​യ ഊ​രു​ക​ളു​ടെ പേ​രു​ക​ളു​ണ്ട്. അ​വി​ട​ങ്ങ​ളി​ലേ​ക്കെ​ല്ലാം യാ​ത്ര​ക​ൾ ന​ട​ത്താ​ൻ ഞാ​ൻ തീ​രു​മാ​നി​ച്ചു. സൈ​ക്കി​ൾ സു​ര​ക്ഷി​ത​മാ​യി ഹോ​ട്ട​ൽ മു​റി​യി​ൽ ക​യ​റ്റി​വ​ച്ചു.

പി​റ്റേ​ന്ന് അ​തി​രാ​വി​ലെ നാ​ഗ​പ​ട്ട​ണം ബ​സ് സ്റ്റാ​ൻ​ഡി​ൽ എ​ത്തി. ആ​ദ്യ യാ​ത്ര തി​രു​വാ​രൂ​രി​ലേ​ക്ക്. ത്യാ​ഗ​രാ​ജ​ക്ഷേ​ത്രം കാ​ണാം. അ​വി​ടെ​യു​ള്ള 360 ട​ണ്‍ ഭാ​ര​വും 96 അ​ടി ഉ​യ​ര​വു​മു​ള്ള ര​ഥം ഇ​ന്ത്യ​യി​ലെ ക്ഷേ​ത്ര ര​ഥ​ങ്ങ​ളി​ൽ ഏ​റ്റ​വും വ​ലു​ത​ത്രേ. ക​ർ​ണാ​ട​ക സം​ഗീ​ത​ത്തി​ലെ ത്രി​മൂ​ർ​ത്തി​ക​ളു​ടെ (ത്യാ​ഗ​രാ​ജ സ്വാ​മി​ക​ൾ, മു​ത്തു​സ്വാ​മി ദീ​ക്ഷി​ത​ർ, ശ്യാ​മ​ശാ​സ്ത്രി​ക​ൾ) ജ​ന്മ​സ്ഥ​ല​മാ​ണ് തി​രു​വാ​രൂ​ർ. ഞാ​ൻ എ​ത്തി​യ ദി​വ​സം ത്യാ​ഗ​രാ​ജ സ്വാ​മി​യു​ടെ ര​ഥോ​ത്സ​വ​മാ​യി​രു​ന്നു.

ക്ഷേ​ത്ര​ത്തി​ലെ അ​ന്ന​ദാ​ന​ത്തി​ൽ പ​ങ്കെ​ടു​ത്ത് ഒ​രു ഷെ​യ​ർ ഓ​ട്ടോ​യി​ൽ ക​യ​റി വീ​ണ്ടും തി​രു​വാ​രൂ​ർ ബ​സ് സ്റ്റാ​ൻ​ഡി​ലെ​ത്തി. അ​വി​ടെ​നി​ന്ന് പ​ണ്ടു​കേ​ട്ട പേ​രു​ക​ളി​ലൊ​ന്നാ​യ മ​ന്നാ​ർ​ഗു​ഡി​യി​ലേ​ക്കു ബ​സ് ക​യ​റി.

മ​ന്നാ​ർ എ​ന്നാ​ൽ വി​ഷ്ണു​ഭ​ഗ​വാ​ന്‍റെ രൂ​പ​മാ​യ രാ​ജ​മ​ന്നാ​ർ. ഗു​ഡി​യെ​ന്നാ​ൽ ക്ഷേ​ത്രം. മ​ന്നാ​ർ​ഗു​ഡി​യി​ലെ ശ്രീ ​വി​ദ്യാ​രാ​ജ​ഗോ​പാ​ല​സ്വാ​മി ക്ഷേ​ത്രം പ്ര​ശ​സ്ത​മാ​ണ്. ശ്രീ ​സെ​ങ്ക​മ​ല താ​യാ​ർ എ​ന്ന പേ​രി​ൽ ആ​രാ​ധി​ക്ക​പ്പെ​ടു​ന്ന കൃ​ഷ്ണ​ന്‍റെ രൂ​പ​മാ​യ രാ​ജ​ഗോ​പാ​ല​സ്വാ​മി​യാ​ണ് പ്ര​തി​ഷ്ഠ. 23 ഏ​ക്ക​ർ വി​സ്തൃ​തി​യി​ൽ വ്യാ​പി​ച്ചു​കി​ട​ക്കു​ന്ന ക്ഷേ​ത്രം ഒ​രു പ്ര​ധാ​ന വൈ​ഷ്ണ​വ ആ​രാ​ധ​നാ​ല​യ​മാ​ണ്.

അ​വി​ടെ​നി​ന്ന് തി​രു​പ്പ​റം​പൂ​ണ്ടി എ​ന്ന സ്ഥ​ല​വും ക​ണ്ട് വേ​ളാ​ങ്ക​ണ്ണി മാ​താ​വി​ന്‍റെ ദേ​ശ​മാ​യ വേ​ളാ​ങ്ക​ണ്ണി​യി​ലേ​ക്ക്. രാ​ത്രി പ​ള്ളി​യും ചു​റ്റു​വ​ട്ട​വും ക​ട​ലും ന​ട​ന്നു​ക​ണ്ട് തി​രി​ച്ചു നാ​ഗ​പ​ട്ട​ണ​ത്തി​ലേ​ക്ക്.

നാ​ഗൂ​ർ, മ​യി​ലാ​ടും​തു​റൈ

പി​റ്റേ​ന്നു രാ​വി​ലെ മ​ന​സി​ൽ​വ​ന്ന പേ​ര് നാ​ഗൂ​ർ എ​ന്നാ​യി​രു​ന്നു. തീ​ർ​ഥാ​ട​ന​കേ​ന്ദ്ര​മാ​യ നാ​ഗൂ​ർ ദ​ർ​ഗ കാ​ണ​ണം. അ​വി​ടെ​നി​ന്നു കാ​ര​യ്ക്ക​ലി​ലേ​ക്ക്. പ​ണ്ട് സ്കൂ​ളി​ൽ ച​രി​ത്ര​പു​സ്ത​ക​ത്തി​ൽ പ​ഠി​ച്ച കേ​ന്ദ്ര​ഭ​ര​ണ പ്ര​ദേ​ശ​മാ​ണ് (പോ​ണ്ടി​ച്ചേ​രി​യി​ൽ ഉ​ൾ​പ്പെ​ടു​ന്ന പ്ര​ദേ​ശം). ശ​നീ​ശ്വ​ര​ൻ കോ​വി​ൽ ക​ണ്ട് മ​യി​ലാ​ടും​തു​റൈ​യി​ലേ​ക്ക്. മു​ന്പ് മാ​യാ​വ​രം അ​ഥ​വാ മ​യൂ​രം എ​ന്നാ​ണ് ഇ​വി​ടം അ​റി​യ​പ്പെ​ട്ടി​രു​ന്ന​ത്. ഈ ​പ​ട്ട​ണ​ത്തി​ലെ ഒ​രു ക്ഷേ​ത്ര​മാ​ണ് മ​യൂ​ര​നാ​ഥ​സ്വാ​മി ക്ഷേ​ത്രം.

പാ​ർ​വ​തീ​ദേ​വി ഇ​വി​ടെ ശി​വ​നെ മ​യൂ​ര രൂ​പ​ത്തി​ൽ ആ​രാ​ധി​ച്ച​തി​നാ​ൽ അ​ധി​പ​നാ​യ ദേ​വ​നെ മ​യൂ​ര​നാ​ഥ​ൻ എ​ന്നു വി​ളി​ക്കു​ന്നു​വെ​ന്നാ​ണ് ഐ​തി​ഹ്യം. പി​റ്റേ​ന്നു രാ​വി​ലെ നാ​ഗ​പ​ട്ട​ണം ബീ​ച്ചി​ലേ​ക്ക് ഒ​രു പ്ര​ഭാ​ത ന​ട​ത്തം. ലൈ​റ്റ് ഹൗ​സ് ക​ണ്ട് ആ​ളൊ​ഴി​ഞ്ഞ ബീ​ച്ചി​ൽ കു​റ​ച്ചു​നേ​രം ന​ട​ന്നു. ഉ​ച്ച​യ്ക്ക് നാ​ഗ​പ​ട്ട​ണം അ​ങ്ങാ​ടി​യി​ലും അ​ല​ഞ്ഞ് തി​രി​ച്ച് മു​റി​യി​ലെ​ത്തി.

വൈ​കു​ന്നേ​ര​ത്തോ​ടെ പാ​ല​ക്കാ​ട്ടു​നി​ന്നു​ള്ള 11 കൂ​ട്ടു​കാ​ർ സൈ​ക്കി​ളു​ക​ളു​മാ​യി നാ​ലു കാ​റു​ക​ളി​ൽ എ​ത്തി. ജ​യ​റാം കൂ​ട്ട​പ്ലാ​വി​ൽ, ഡോ. ​ന​ജീ​ബ്, എ.​ജി. ദി​ലീ​പ്, ജി. ​മ​ണി, ഡോ. ​അ​ഫ്താ​ബ് ഹു​സൈ​ൻ, എം.​ആ​ർ. ജി​ബി​ൻ, ച​ല​ൻ​രാ​ജ്, പാ​ർ​ത്ഥി​പ​ൻ, സ​തീ​ഷ് മേ​ന​ക​ത്ത്, അ​തു​ൽ ജ​യ​റാം, കെ.​വി. സു​ദി​ൻ എ​ന്നി​വ​രാ​ണ് ആ ​യാ​ത്രി​ക​ർ. അ​ടു​ത്ത​ദി​വ​സ​മാ​ണ് ശ്രീ​ല​ങ്ക​യി​ലേ​ക്കു​ള്ള യാ​ത്ര.

അ​തി​രാ​വി​ലെ സൈ​ക്കി​ളു​ക​ളും ല​ഗേ​ജു​മാ​യി ഞ​ങ്ങ​ൾ നാ​ഗ​പ​ട്ട​ണം പോ​ർ​ട്ടി​ൽ എ​ത്തി. സെ​ക്യൂ​രി​റ്റി ചെ​ക്കിം​ഗും മ​റ്റു ന​ട​പ​ടി​ക​ളും പൂ​ർ​ത്തി​യാ​ക്കി ശു​ഭം ഫെ​റി സ​ർ​വീ​സി​ന്‍റെ ഫെ​റി​യി​ൽ ക​യ​റി ഞ​ങ്ങ​ൾ ജാ​ഫ്ന​യി​ലേ​ക്ക്...

(അ​ടു​ത്ത ല​ക്ക​ത്തി​ൽ തു​ട​രും)

Tags : Ceylon srilanka sunday deepika