18

സ​ത്യ​വും വ​സ്തു​ത​ക​ളും ആ​ദ്യ​മേ കൊ​ല്ല​പ്പെ​ടു​ക എ​ന്ന പ​തി​വി​നൊ​പ്പം​ത​ന്നെ നൂ​റു​മ​ട​ങ്ങ് എ​ഐ പ​ട​ങ്ങ​ളും വീ​ഡി​യോ​ക​ളും ജ​നി​ക്കു​ക​യും പ​ട​ർ​ന്നു​പ​ന്ത​ലി​ക്കു​ക​യും ചെ​യ്യു​ന്ന​തി​നും സാ​ക്ഷ്യം​വ​ഹി​ക്കു​ന്ന​താ​യി​രു​ന്നു, ഫെ​ബ്രു​വ​രി 28ന് ​പ​ശ്ചി​മേ​ഷ്യ​യി​ൽ ആ​രം​ഭി​ച്ച ഇ​റാ​ൻ-​ഇ​സ്ര​യേ​ൽ-​അ​മേ​രി​ക്ക യു​ദ്ധം.

യാ​ഥാ​ർ​ഥ്യ​മേ​ത് വ്യാ​ജ​മേ​ത് എ​ന്നു തി​രി​ച്ച​റി​യാ​ൻ ഏ​റെ പ​ണി​പ്പെ​ടേ​ണ്ടി​വ​രു​ന്ന പ​ട​ങ്ങ​ളും വീ​ഡി​യോ​ക​ളും സൃ​ഷ്ടി​ക്കു​ന്ന​തി​ലു​ള്ള മി​ക​വ് അ​നു​ദി​നം പു​തു​ക്കി​ക്കൊ​ണ്ടി​രി​ക്കു​ന്ന നി​ർ​മി​ത​ബു​ദ്ധി ടൂ​ളു​ക​ളു​ടെ വ​ൻ​തോ​തി​ലു​ള്ള രം​ഗ​പ്ര​വേ​ശ​ത്തി​നു ശേ​ഷ​മു​ള്ള ആ​ദ്യ യു​ദ്ധം, സ്വാ​ഭാ​വി​ക​മാ​യും ഐ​ഐ യു​ദ്ധ​വു​മാ​യി എ​ന്ന​താ​ണ് വ​സ്തു​ത.

യു​ദ്ധം ആ​രം​ഭി​ച്ച​തോ​ടെ ഇ​ന്‍റ​ർ​നെ​റ്റ്, വാ​ർ​ത്താ​വി​നി​മ​യ മാ​ർ​ഗ​ങ്ങ​ൾ ഏ​റെ​ക്കു​റെ പൂ​ർ​ണ​മാ​യും റ​ദ്ദാ​യ/​റ​ദ്ദാ​ക്കി​യ ഇ​റാ​നി​ലും, അ​തീ​വ ക​ർ​ക്ക​ശ​മാ​യ സെ​ൻ​സ​റിം​ഗ് ന​ട​പ്പാ​ക്കി​യ ഇ​സ്ര​യേ​ലി​ലും ശ​രി​ക്കും ന​ട​ക്കു​ന്ന​തെ​ന്താ​ണെ​ന്ന് പു​റം​ലോ​കം അ​റി​യാ​തി​രി​ക്കു​ക​യോ, വ​ള​രെ വൈ​കി​മാ​ത്രം അ​റി​യു​ക​യോ ചെ​യ്ത പ​ശ്ചാ​ത്ത​ല​ത്തി​ൽ, ആ​യു​ധ​ങ്ങ​ൾ​ക്കൊ​പ്പം ആ​ശ​യ​ങ്ങ​ൾ​ക്കൊ​ണ്ടു​മു​ള്ള പോ​രി​ന് ക​രു​ത്തേ​കാ​ൻ കൃ​ത്രി​മ​മാ​ർ​ഗ​ങ്ങ​ൾ തേ​ടു​ക​യെ​ന്ന​ത് സ്വാ​ഭാ​വി​ക​വു​മാ​യി.

മു​ൻ യു​ദ്ധ​ങ്ങ​ളി​ൽ​നി​ന്നു വ്യ​ത്യ​സ്ത​മാ​യി, ഏ​റെ​ക്കു​റെ ആ​കാ​ശ​ത്തു മാ​ത്ര​മാ​യി​രു​ന്ന പോ​രി​ൽ, ഐ​ഐ പ​ട​ങ്ങ​ളും വീ​ഡി​യോ​ക​ളും ഏ​റെ​യും വി​മാ​ന​ങ്ങ​ളു​ടേ​യും മി​സൈ​ലു​ക​ളു​ടേ​യും ഡ്രോ​ണു​ക​ളു​ടേ​തും ആ​വു​ക​യും ചെ​യ്തു.

യു​ദ്ധ​ത്തി​ലെ മൂ​ന്നു പ്ര​ധാ​ന ക​ക്ഷി​ക​ളും ഇ​തി​ൽ ഒ​പ്പ​ത്തി​നൊ​പ്പം നി​ന്നു. ഡ​സ​ൻ ക​ണ​ക്കി​ന് സേ​നാ വി​മാ​ന​ങ്ങ​ൾ പാ​ർ​ക്ക് ചെ​യ്തി​രു​ന്ന ഇ​റാ​ന്‍റെ എ​യ​ർ​ബേ​സു​ക​ൾ പൂ​ർ​ണ​മാ​യി ന​ശി​പ്പി​ച്ചു​വെ​ന്നും ടെ​ൽ അ​വീ​വി​ലെ ബെ​ൻ ഗു​രി​യോ​ൺ വി​മാ​ന​ത്താ​വ​ളം പാ​ടേ ത​ക​ർ​ത്തു​വെ​ന്നും ഇ​സ്ര​യേ​ലി​ന്‍റെ എ​ഫ്35 പോ​ർ​വി​മാ​നം ഇ​റാ​ൻ മി​സൈ​ലു​ക​ൾ വീ​ഴ്ത്തി​യെ​ന്നു​മൊ​ക്കെ​യു​ള്ള നൂ​റു​ക​ണ​ക്കി​ന് എ​ഐ വീ​ഡി​യോ​ക​ൾ യു​ദ്ധ​ദി​ന​ങ്ങ​ളി​ൽ പ​റ​ന്നു​ന​ട​ന്നു. സ​ത്യ​മേ​ത് മി​ഥ്യ​യേ​ത് എ​ന്നു തി​രി​ച്ച​റി​യാ​ൻ പാ​ടു​പെ​ട്ട​വ​രാ​ണ് ഏ​റെ​യും.

മു​ൻ​കാ​ല യു​ദ്ധ, സം​ഘ​ർ​ഷ വാ​ർ​ത്താ റി​പ്പോ​ർ​ട്ടു​ക​ളി​ൽ​നി​ന്നു വ്യ​ത്യ​സ്ത​മാ​യി, എ​ഐ​യു​ടെ ആ​വി​ർ​ഭാ​വ​ത്തി​നു ശേ​ഷ​മു​ള്ള പൂ​ർ​ണ​തോ​തി​ലു​ള്ള യു​ദ്ധ​മാ​യി​രു​ന്നു ഇ​തെ​ന്ന​ത് വാ​ർ​ത്ത​ക​ളി​ലെ നെ​ല്ലും പ​തി​രും വേ​ർ​തി​രി​ച്ചെ​ടു​ക്കു​ന്ന​ത് പ​ല​പ്പോ​ഴും അ​സാ​ധ്യ​വു​മാ​ക്കി.

എ​ഐ​യ്ക്ക് ഒ​പ്പം പ​ണ്ട​ത്തെ​പ്പോ​ലെ മൈ​ക്രോ​സോ​ഫ്റ്റ് ഫ്ളൈ​റ്റ് സി​മു​ലേ​റ്റ​ർ ദൃ​ശ്യ​ങ്ങ​ളും സ​ത്യ​മെ​ന്ന ഉ​റ​പ്പു​ന​ൽ​ക​ലി​ന്‍റെ അ​ക​മ്പ​ടി​യോ​ടെ സാ​മൂ​ഹ്യ മാ​ധ്യ​മ​ങ്ങ​ളി​ൾ യ​ഥേ​ഷ്ട​വും ചി​ല​പ്പോ​ൾ മു​ഖ്യ​ധാ​രാ വാ​ർ​ത്താ ചാ​ന​ലു​ക​ളി​ലും പ​ങ്കു​വ​യ്ക്ക​പ്പെ​ട്ടു.

ഇ​റാ​നി​ൽ വീ​ണ അ​മേ​രി​ക്ക​യു​ടെ എ​ഫ്15​ഇ വി​മാ​ന​ത്തി​ന്‍റെ ര​ണ്ടു പൈ​ല​റ്റു​മാ​രി​ലൊ​രാ​ളെ അ​മേ​രി​ക്ക​ൻ സേ​ന ര​ക്ഷ​പ്പെ​ടു​ത്തു​ന്ന​തി​ന്‍റെ വീ​ഡി​യോ​ക​ൾ, ടെ​ക്സ​സ് ഗ​വ​ർ​ണ​ർ ഗ്രെ​ഗ് അ​ബോ​ട്ടും റി​പ്പ​ബ്ലി​ക്ക​ൻ പാ​ർ​ട്ടി​യി​ലെ ന്യൂ​യോ​ർ​ക്ക് സ്റ്റേ​റ്റ് അ​സം​ബ്ലി അം​ഗം മൈ​ക്ക് ലോ​ലെ​റും പ​ങ്കു​വ​ച്ച​ത് എ​ഐ ആ​യി​രു​ന്നു​വെ​ന്ന് വ്യ​ക്ത​മാ​യ​ത് ഏ​റെ വൈ​കി​യാ​ണ്.

"കാ​ൾ ഓ​ഫ് ഡ്യൂ​ട്ടി’ എ​ന്ന അ​തി​പ്ര​ശ​സ്ത​മാ​യ വീ​ഡി​യോ ഗെ​യി​മി​ലെ ഫ്രെ​യി​മു​ക​ൾ പോ​ലും, ഇ​റാ​നെ​തി​രേ​യു​ള്ള അ​മേ​രി​ക്ക​യു​ടെ ആ​ക്ര​മ​ണ​രം​ഗ​ങ്ങ​ളെ​ന്ന പേ​രി​ൽ വാ​ർ​ത്താ ചാ​ന​ലു​ക​ൾ​ക്ക് ന​ൽ​കി​യ​ത് വൈ​റ്റ്ഹൗ​സി​ൽ​നി​ന്നു ത​ന്നെ​യാ​യി​രു​ന്നു.

ടെ​ൽ അ​വീ​വ് ഉ​ൾ​പ്പെ​ടെ​യു​ള്ള ഇ​സ്ര​യേ​ൽ ന​ഗ​ര​ങ്ങ​ളി​ൽ എ​യ​ർ​പോ​ർ​ട്ടി​ൽ ഉ​ൾ​പ്പെ​ടെ ഇ​റാ​ൻ ന​ട​ത്തി​യ മി​സൈ​ൽ ആ​ക്ര​മ​ണ​ത്തി​ൽ നാ​ശ​ന​ഷ്ട​ങ്ങ​ളു​ണ്ടാ​യി എ​ന്ന​ത് വാ​സ്ത​വ​മാ​ണെ​ന്നി​രി​ക്കേ, ത​ക​ർ​ന്ന​കെ​ട്ടി​ട​ങ്ങ​ളു​ടെ​യും വി​മാ​ന​ത്താ​വ​ള​ത്തി​ന്‍റെ​യും ദൃ​ശ്യ​ങ്ങ​ളെ​ന്ന പേ​രി​ൽ ഇ​റാ​ന്‍റെ ഔ​ദ്യോ​ഗി​ക വാ​ർ​ത്താ ചാ​ന​ലു​ക​ൾ ന​ൽ​കി​യ പ​ല ക്ലി​പ്പിം​ഗു​ക​ളും ഐ​ഐ നി​ർ​മി​ത​മാ​യി​രു​ന്നു​വെ​ന്നും പി​ന്നീ​ട് വ്യ​ക്ത​മാ​യി.

Tags : Sunday deepika