18

കേ​ണ​ൽ ജൂ​ലി​യ​ൻ തി​ക​ഞ്ഞ മ​തി​പ്പോ​ടെ ഫ്രാ​ങ്കി​നു കൈ​കൊ​ടു​ത്തി​ട്ടു പ​റ​ഞ്ഞു: ""വെ​രി ഗു​ഡ്. അ​ഡ്ര​സ് സം​ഘ​ടി​പ്പി​ച്ച​ല്ലോ. ബ​ഹു​സ​മ​ർ​ഥ​നാ​ണ് താ​ങ്ക​ൾ.''

""ല​ണ്ട​ന്‍റെ വ​ട​ക്ക് ബാ​ർ​നെ​റ്റ് എ​ന്ന സ്ഥ​ല​ത്തി​ന​ടു​ത്താ​ണ്. ഫോ​ണ്‍ ന​ന്പ​ർ ഇ​ല്ല.''
""ഇ​ത്ര​യും കി​ട്ടി​യ​ല്ലോ. ഫ്രാ​ങ്കി​നെ മാ​ത്ര​മ​ല്ല മി​സി​സ് ഡാ​ൻ​വേ​ഴ്സി​നെ​യും ഇ​ക്കാ​ര്യ​ത്തി​ൽ ഞാ​ൻ അ​ഭി​ന​ന്ദി​ക്കു​ന്നു. കി​ട്ടി​യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ൽ മി​സി​സ് ഡാ​ൻ​വേ​ഴ്സി​ന് എ​ന്തെ​ങ്കി​ലും പ​റ​യാ​ൻ ക​ഴി​യു​മോ?''

""ഇ​ല്ല സ​ർ. റെ​ബേ​ക്ക​യ്ക്ക് ഒ​രി​ക്ക​ലും ഒ​രു ഡോ​ക്ട​റു​ടെ സേ​വ​നം ആ​വ​ശ്യം വ​ന്നി​ട്ടി​ല്ല. ഒ​രി​ക്ക​ൽ അ​വ​ളു​ടെ കൈ ​ഉ​ളു​ക്കി​യ​പ്പോ​ൾ കെ​രി​ത്തി​ലെ ഡോ​ക്ട​ർ ഫി​ലി​പ്സി​നെ​യാ​ണ് ക​ണ്ട​ത്. ഡോ​ക്ട​ർ ബേ​ക്ക​റി​നെ​പ്പ​റ്റി ഒ​രി​ക്ക​ൽ​പ്പോ​ലും എ​ന്നോ​ടു പ​റ​ഞ്ഞി​ട്ടി​ല്ല.''

ഉ​ട​നെ ഫാ​വെ​ൽ പ​റ​ഞ്ഞു: ""ഇ​യാ​ൾ ആ​രാ​ണെ​ന്ന​റി​ഞ്ഞി​ട്ടു ന​മു​ക്കി​വി​ടെ എ​ന്താ കാ​ര്യം? ഇ​യാ​ൾ ഒ​രു​പ​ക്ഷേ മു​ഖ​ത്തു​പു​ര​ട്ടു​ന്ന ക്രീ​മോ മു​ടി ക​റു​പ്പി​ക്കു​ന്ന ഏ​തെ​ങ്കി​ലും സു​ഗ​ന്ധ​തൈ​ല​മോ പു​തു​താ​യി ക​ണ്ടു​പി​ടി​ച്ച ആ​ളാ​യി​രി​ക്കും. കേ​ശാ​ല​ങ്കാ​ര​ത്തി​നു ചെ​ന്ന​പ്പോ​ൾ റെ​ബേ​ക്ക അ​ത​റി​ഞ്ഞു​കാ​ണും. കൈ​യോ​ടെ അ​തൊ​ന്നു പ​രീ​ക്ഷി​ക്കാ​മെ​ന്നു ക​രു​തി ര​ണ്ടു​മ​ണി​ക്ക് അ​വി​ടെ പോ​യ​താ​വും.''

ഫ്രാ​ങ്ക് അ​തി​നെ എ​തി​ർ​ത്തു. ""നി​ങ്ങ​ൾ പ​റ​ഞ്ഞ​ത് തെ​റ്റാ​ണ്. അ​ഡ്ര​സ് പ​റ​ഞ്ഞു​ത​ന്ന ആ​ളു പ​റ​ഞ്ഞ​ത് ഡോ​ക്ട​ർ പ്ര​സി​ദ്ധ​നാ​യ വ​നി​താ സ്പെ​ഷ​ലി​സ്റ്റാ​ണെ​ന്നാ​ണ്.''
കേ​ണ​ൽ താ​ടി​ചൊ​റി​ഞ്ഞ് ഒ​ന്നു മൂ​ളി​ക്കൊ​ണ്ടു പ​റ​ഞ്ഞു: ""അ​വ​ർ​ക്കു കാ​ര്യ​മാ​യ എ​ന്തോ പ്ര​ശ്ന​മു​ണ്ടാ​കും. മി​സി​സ് ഡാ​ൻ​വേ​ഴ്സി​നോ​ടു​പോ​ലും പ​റ​ഞ്ഞി​ട്ടി​ല്ല എ​ന്ന​തു ജി​ജ്ഞാ​സ വ​ർ​ധി​പ്പി​ക്കു​ന്നു.''

ഫാ​വെ​ൽ കൂ​ട്ടി​ച്ചേ​ർ​ത്തു: ""അ​വ​ൾ വ​ള​രെ മെ​ലി​ഞ്ഞി​രി​ക്കു​ന്ന​തു​ക​ണ്ട് ഞാ​ൻ ചോ​ദി​ച്ച​പ്പോ​ൾ അ​ത് അ​വ​ൾ​ക്കി​ഷ്ട​മാ​ണ് എ​ന്നു​പ​റ​ഞ്ഞ് ചി​രി​ക്കു​ക​യാ​ണ് ചെ​യ്ത​ത്. ഒ​രു​പ​ക്ഷേ ഡ​യ​റ്റ് നി​ശ്ച​യി​ച്ചു​കി​ട്ടാ​ൻ പോ​യ​താ​വും.''

""ഈ ​പ​റ​ഞ്ഞ​തു ശ​രി​യാ​വാ​ൻ വ​ഴി​യു​ണ്ടോ?''
""ഞാ​നി​തു​കേ​ട്ട് അ​ന്പ​ര​ക്കു​ക​യാ​ണ്. എ​നി​ക്കി​തൊ​ന്നും മ​ന​സി​ലാ​കു​ന്നി​ല്ല. എ​ല്ലാം എ​ന്നോ​ടു പ​റ​യു​ന്ന അ​വ​ൾ ഇ​ത് എ​ന്തു​കൊ​ണ്ടു പ​റ​ഞ്ഞി​ല്ല?''

""അ​തു​പ​റ​ഞ്ഞു നി​ങ്ങ​ളെ വി​ഷ​മി​പ്പി​ക്കേ​ണ്ട എ​ന്നു തോ​ന്നി​ക്കാ​ണും. എ​ന്താ​യാ​ലും റെ​ബേ​ക്ക ഡോ​ക്ട​ർ ബേ​ക്ക​റെ അ​ന്നു ക​ണ്ടി​ട്ടു​ണ്ട്. അ​ത് ഉ​റ​പ്പാ​ണ്.''
""ഈ ​ഫാ​വെ​ലി​നു​ള്ള കു​റി​പ്പി​ൽ നി​ന്നെ അ​ത്യാ​വ​ശ്യ​മാ​യി​ട്ടു കാ​ണ​ണം, പ്ര​ധാ​ന​പ്പെ​ട്ട ചി​ല കാ​ര്യ​ങ്ങ​ൾ പ​റ​യാ​നു​ണ്ട് എ​ന്നെ​ഴു​തി​യി​രി​ക്കു​ന്നു.''

കേ​ണ​ൽ പ​റ​ഞ്ഞു: ""ശ​രി​യാ​ണ്. അ​തെ​ന്ത്, എ​ന്തി​ന്? സ​ത്യാ​വ​സ്ഥ ന​മു​ക്ക​റി​യേ​ണ്ടേ?''

ഞാ​ൻ ശ്ര​ദ്ധി​ച്ച​പ്പോ​ൾ മി​സി​സ് ഡാ​ൻ​വേ​ഴ്സ് ഫാ​വെ​ലി​നെ രൂ​ക്ഷ​മാ​യി നോ​ക്കു​ന്നു​ണ്ട്. തു​ട​ർ​ന്ന് അ​തേ രൂ​ക്ഷ​ത​യോ​ടെ മാ​ക്സി​മി​നെ​യും. നാ​വു​കൊ​ണ്ട് ഇ​ട​യ്ക്കി​ടെ ചു​ണ്ടു​ന​ന​ച്ചു​കൊ​ണ്ടു​ള്ള നോ​ട്ടം. അ​വ​രു​ടെ ഉ​ള്ളി​ലു​ള്ള രോ​ഷം ആ ​ക​ണ്ണു​ക​ളി​ൽ ജ്വ​ലി​ക്കു​ന്നു​ണ്ട്. പ​ക്ഷേ, അ​വ​ർ​ക്കി​നി ഞ​ങ്ങ​ളെ ഒ​ന്നും ചെ​യ്യാ​നാ​വി​ല്ല. അ​വ​രു​ടെ ശ​ക്തി എ​ന്നേ ക്ഷ​യി​ച്ചു​ക​ഴി​ഞ്ഞു. മാ​ക്സിം ആ ​സ്ത്രീ​യെ ശ്ര​ദ്ധി​ച്ചേ​യി​ല്ല.

മാ​ക്സിം കേ​ണ​ലി​നോ​ടു ചോ​ദി​ച്ചു: ""എ​ന്താ​ണ് താ​ങ്ക​ളു​ടെ അ​ഭി​പ്രാ​യം? ഡോ​ക്ട​ർ ബേ​ക്ക​റി​ൽ​നി​ന്നു കൃ​ത്യ​മാ​യ വി​വ​ര​മ​റി​യാ​ൻ രാ​വി​ലെ ഞാ​ൻ കാ​റെ​ടു​ത്തു പോ​യാ​ലോ?''

""ഇ​യാ​ൾ ഒ​റ്റ​യ്ക്ക് അ​ങ്ങ​നെ പോ​കാ​ൻ പ​റ്റി​ല്ല''- ഫാ​വെ​ൽ പ​റ​ഞ്ഞു. ""അ​ത​റി​യാ​നു​ള്ള അ​വ​കാ​ശം എ​നി​ക്കു​മു​ണ്ട്. ഇ​ല്ലേ? ഇ​യാ​ളോ​ടൊ​പ്പം ഇ​ൻ​സ്പെ​ക്ട​ർ വെ​ൽ​ച്ചി​നെ കൂ​ട്ടി അ​യ​യ്ക്കാ​മെ​ങ്കി​ൽ എ​നി​ക്കു പി​ന്നെ വി​രോ​ധ​മി​ല്ല.''

കേ​ണ​ലി​ന്‍റെ മ​റു​പ​ടി: ""ഇ​ക്കാ​ര്യ​ത്തി​ൽ ഇ​ൻ​സ്പെ​ക്ട​ർ വെ​ൽ​ച്ചി​ന്‍റെ സേ​വ​നം വേ​ണ്ട. അ​യാ​ളു​ടെ പ​രു​ക്ക​ൻ സ​മീ​പ​ന​രീ​തി എ​നി​ക്കി​ഷ്ട​മ​ല്ല. ഒ​രു കാ​ര്യം​ചെ​യ്യാം. വി​രോ​ധ​മി​ല്ലെ​ങ്കി​ൽ മാ​ക്സി​മി​നോ​ടൊ​പ്പം ഞാ​ൻ പോ​കാം. ക​ണ്ടു മ​ട​ങ്ങു​ന്ന​തു​വ​രെ മു​ഴു​വ​ൻ സ​മ​യ​വും ഞാ​ൻ ഒ​പ്പ​മു​ണ്ടാ​വാം.''

""ശ​രി. വി​രോ​ധ​മി​ല്ല. പ​രാ​തി​ക്കാ​ര​നാ​യ ഞാ​നും കൂ​ടെ വ​രും. കാ​ര്യ​ങ്ങ​ൾ എ​നി​ക്കും അ​റി​യ​ണ​മ​ല്ലോ. എ​ന്തു പ​റ​യു​ന്നു?''
""വ​രു​ന്ന​തു​കൊ​ണ്ടു വി​രോ​ധ​മൊ​ന്നു​മി​ല്ല. പ​ക്ഷേ എ​നി​ക്കൊ​രു നി​ർ​ബ​ന്ധ​മു​ണ്ട്. അ​വി​ടെ​വ​ച്ച് വ​ള​രെ മ​യ​ത്തി​ലും സ​മ​ചി​ത്ത​ത വി​ടാ​തെ​യും സം​സാ​രി​ക്ക​ണം. പ​റ്റു​മോ?''

""അ​ക്കാ​ര്യ​ത്തി​ൽ താ​ങ്ക​ൾ പേ​ടി​ക്കേ​ണ്ട. സ​മ​ചി​ത്ത​ത​യോ​ടെ​ത​ന്നെ പെ​രു​മാ​റും. മൂ​ന്നു മാ​സ​ത്തി​നു​ള്ളി​ൽ ഈ ​മാ​ക്സി​മി​നെ ജ​ഡ്ജി ശി​ക്ഷി​ക്കും. ഡോ​ക്ട​ർ ബേ​ക്ക​ർ ത​രു​ന്ന മൊ​ഴി​ക​ൾ എ​ന്‍റെ ആ​രോ​പ​ണം തെ​ളി​യി​ക്കും. ശ​രി​വ​യ്ക്കും.''

ഇ​തു​പ​റ​ഞ്ഞു ഫാ​വെ​ൽ ചു​റ്റു​മു​ള്ള​വ​രെ നോ​ക്കി​യി​ട്ടു ചി​രി​ച്ചു.
കേ​ണ​ൽ ചോ​ദി​ച്ചു: ""ശ​രി. രാ​വി​ലെ ന​മ്മ​ൾ എ​പ്പോ​ൾ പു​റ​പ്പെ​ട​ണം? മാ​ക്സിം എ​പ്പോ​ൾ റെ​ഡി​യാ​വും?''
""എ​പ്പോ​ൾ വേ​ണ​മെ​ന്നു പ​റ​ഞ്ഞോ​ളൂ.''

""കാ​ല​ത്ത് ഒ​ന്പ​തു മ​ണി.''
""ശ​രി, ഒ​ന്പ​തു മ​ണി.''
ഫാ​വെ​ലി​ന്‍റെ സം​ശ​യം: ""മാ​ക്സിം ആ​രു​മ​റി​യാ​തെ രാ​ത്രി വാ​തി​ൽ തു​റ​ന്ന് കാ​റെ​ടു​ത്ത് ഒ​റ്റ​യ്ക്കു പോ​യാ​ലോ?''

ബാ​ലി​ശ​മാ​യ ഈ ​സം​ശ​യം ഉ​ന്ന​യി​ച്ച​തി​ൽ കേ​ണ​ൽ ജൂ​ലി​യ​ൻ ഫെ​വെ​ലി​നെ അ​തൃ​പ്തി​യോ​ടെ​യും മാ​ക്സി​മി​നെ നി​സ​ഹാ​യ​ത​യോ​ടെ​യും നോ​ക്കി.

ഉ​ട​നെ മാ​ക്സിം പ​റ​ഞ്ഞു: ""മി​സി​സ് ഡാ​ൻ​വേ​ഴ്സ്! ഞാ​നും മി​സി​സും ഉ​റ​ങ്ങാ​ൻ പോ​യാ​ൽ, ബെ​ഡ് റൂ​മി​ന്‍റെ വാ​തി​ൽ നി​ങ്ങ​ൾ പു​റ​ത്തു​നി​ന്നു പൂ​ട്ടി​ക്കോ​ളൂ. രാ​വി​ലെ ഏ​ഴു മ​ണി​ക്കു നി​ങ്ങ​ൾ​വ​ന്നു തു​റ​ന്നി​ട്ടു വി​ളി​ച്ചാ​ൽ മ​തി.''

കേ​ണ​ൽ ഒ​ന്നു പു​ഞ്ചി​രി​ച്ചു: ""ഇ​നി ച​ർ​ച്ച​ചെ​യ്യാ​ൻ വേ​റൊ​ന്നു​മി​ല്ലെ​ന്നു തോ​ന്നു​ന്നു. രാ​വി​ലെ കൃ​ത്യം ഒ​ന്പ​തു മ​ണി​ക്ക് ഞാ​നെ​ത്തും. നി​ങ്ങ​ളു​ടെ കാ​റി​ൽ എ​നി​ക്കും സ്ഥ​ലം ത​ര​ണം.''
""തീ​ർ​ച്ച​യാ​യും. ഫാ​വെ​ൽ അ​യാ​ളു​ടെ കാ​റി​ൽ ന​മ്മു​ടെ പി​റ​കേ എ​ത്തി​ക്കൊ​ള്ളും.''

ഒ​ര​റ്റ​ത്തു​നി​ൽ​ക്കു​ന്ന എ​ന്‍റെ അ​ടു​ത്തേ​ക്ക് കേ​ണ​ൽ വ​ന്നു. എ​ന്‍റെ കൈ​യെ​ടു​ത്തു പി​ടി​ച്ച് ഗു​ഡ്നൈ​റ്റ് പ​റ​ഞ്ഞു. ""ഇ​ങ്ങ​നെ​യെ​ല്ലാം സം​ഭ​വി​ക്കു​ന്ന​തി​ൽ നി​ങ്ങ​ൾ അ​നു​ഭ​വി​ക്കു​ന്ന മ​നോ​വി​ഷ​മം ഞാ​ൻ ന​ന്നാ​യി മ​ന​സി​ലാ​ക്കു​ന്നു​ണ്ട്. സാ​ര​മി​ല്ല. എ​ല്ലാം ന​ന്മ​യ്ക്കാ​വും.''

കേ​ണ​ൽ ജൂ​ലി​യ​ൻ ഇ​റ​ങ്ങി. യാ​ത്ര​യാ​ക്കാ​ൻ ഒ​പ്പം ഫ്രാ​ങ്കും പോ​യി. ഫാ​വെ​ൽ കു​നി​ഞ്ഞു സി​ഗ​ര​റ്റി​ന്‍റെ പെ​ട്ടി തു​റ​ന്ന് അ​തി​ൽ​നി​ന്നു പാ​ക്ക​റ്റി​ലേ​ക്കു സി​ഗ​ര​റ്റു​ക​ൾ നി​റ​ച്ച​ശേ​ഷം ഗു​ഡ്ബൈ പ​റ​ഞ്ഞു. മി​സി​സ് ഡാ​ൻ​വേ​ഴ്സി​നോ​ട് ""ഡാ​നീ! മു​റി പൂ​ട്ടാ​ൻ മ​റ​ക്ക​രു​ത്'' എ​ന്നു​പ​റ​ഞ്ഞു പു​റ​ത്തേ​ക്കു പോ​യി. പി​റ​കേ ആ ​സ്ത്രീ​യും മു​റി​വി​ട്ടു പോ​യി.

മു​റി​യി​ൽ ഞാ​നും മാ​ക്സി​മും ത​നി​ച്ചാ​യി. മാ​ക്സിം ജ​നാ​ല​യ്ക്ക​രി​കേ ചി​ന്താ​മൂ​ക​നാ​യി നി​ൽ​ക്കു​ക​യാ​ണ്. എ​ന്‍റെ​യ​ടു​ത്തേ​ക്ക് വ​രു​ന്നി​ല്ല. ജാ​സ്പ​ർ ഹാ​ളി​ൽ​നി​ന്നു ചാ​ടി​ക്കു​തി​ച്ചെ​ത്തി. ഉ​ച്ച​മു​ത​ൽ അ​തി​നെ മു​റി​യി​ൽ പൂ​ട്ടി​യി​ട്ടി​രി​ക്കു​ക​യാ​യി​രു​ന്നു. അ​തെ​ന്‍റെ പാ​വാ​ട​യു​ടെ തു​ന്പു ക​ടി​ച്ചും തു​ള്ളി​ച്ചാ​ടി​യും സ്നേ​ഹം പ്ര​ക​ടി​പ്പി​ച്ചു.

ഞാ​ൻ മാ​ക്സി​മി​നോ​ടു പ​റ​ഞ്ഞു: ""രാ​വി​ലെ ഞാ​നും കൂ​ടെ വ​രു​ന്നു​ണ്ട് ല​ണ്ട​നി​ലേ​ക്ക്.''
""ശ​രി. ന​മു​ക്കൊ​രു​മി​ച്ചു പോ​കാം.''
ഫ്രാ​ങ്ക് മു​റി​യി​ലേ​ക്കു തി​രി​ച്ചു​വ​ന്നു. ""അ​വ​രെ​ല്ലാം പോ​യി. അ​ത്യാ​വ​ശ്യ​മാ​യി ഇ​നി​യെ​ന്തെ​ങ്കി​ലും ചെ​യ്യാ​നു​ണ്ടോ?''

""ഒ​ന്നു​മി​ല്ല. ഉ​ണ്ടെ​ങ്കി​ൽ അ​റി​യി​ക്കാം. ഫ്രാ​ങ്ക് പൊ​യ്ക്കോ​ളൂ.''
ഗു​ഡ്നൈ​റ്റ് പ​റ​ഞ്ഞു ഫ്രാ​ങ്ക് പോ​യി. വാ​തി​ല​ട​ച്ചു.
ഞാ​ൻ നി​ൽ​ക്കു​ന്നി​ട​ത്തേ​ക്ക് മാ​ക്സിം വ​ന്നു. ഞാ​ൻ ഇ​രു ക​ര​ങ്ങ​ളും നീ​ട്ടി. ഒ​രു കു​ഞ്ഞി​നെ​പ്പോ​ലെ മാ​ക്സിം എ​ന്‍റെ ക​ര​വ​ല​യ​ത്തി​ലേ​ക്ക്. ഞാ​ൻ വ​ട്ടം കെ​ട്ടി​പ്പു​ണ​ർ​ന്നു. അ​ല്പ​നേ​ര​ത്തേ​ക്ക് മാ​ക്സിം ഒ​ന്നും മി​ണ്ടി​യി​ല്ല. ക​ര​വ​ല​യ​ത്തി​ൽ​നി​ന്നു സ്വ​ത​ന്ത്ര​നാ​യി എ​ന്നെ ഗാ​ഢ​മാ​യി ചും​ബി​ച്ചു. ഞാ​ൻ പ​ല​തും​പ​റ​ഞ്ഞ് മാ​ക്സി​മി​നെ ആ​ശ്വ​സി​പ്പി​ച്ചു.

""നാ​ളെ നി​ന്നെ അ​ടു​ത്തി​രു​ത്തി ന​മു​ക്കൊ​രു​മി​ച്ചു പോ​കാം.''
""സ​ന്തോ​ഷം.''

""നാ​ളെ രാ​ത്രി​യും അ​വി​ടെ ത​ങ്ങാം. ഡോ​ക്ട​ർ ബേ​ക്ക​ർ എ​വി​ടെ​യാ​ണെ​ന്ന​ന്വേ​ഷി​ച്ച്, ആ ​സ്ഥ​ല​ത്തു​പോ​യി അ​ദ്ദേ​ഹ​ത്തെ ക​ണ്ടു​പി​ടി​ച്ച്, കാ​ര്യ​ങ്ങ​ൾ ചോ​ദി​ച്ച​റി​യാ​ൻ സ​മ​യം കു​റേ​യെ​ടു​ക്കും. അ​തി​നി​ട​യ്ക്ക് പ്ര​ഗ​ത്ഭ​നാ​യ അ​ഡ്വ​ക്കേ​റ്റ് ഹേ​സ്റ്റിം​ഗ്സി​നെ ഒ​ന്നു കാ​ണാ​ൻ ശ്ര​മി​ക്ക​ണം. അ​ദ്ദേ​ഹ​ത്തി​ന് എ​ന്‍റെ ഫാ​ദ​റി​നെ​യും അ​റി​യാം.''

""ശ​രി.''
""ഉ​ണ്ടാ​യ സം​ഭ​വം അ​തേ​പ​ടി അ​ദ്ദേ​ഹ​ത്തോ​ടു തു​റ​ന്നു​പ​റ​യാം. കേ​സ് വാ​ദി​ക്കാ​ൻ അ​താ​ണ് ഗു​ണം​ചെ​യ്യു​ക.''
വാ​തി​ലി​ൽ മു​ട്ടു​കേ​ട്ട് ഞാ​ൻ വാ​തി​ൽ തു​റ​ന്നു. ഫ്രി​ത്ത് പ​റ​ഞ്ഞു: ""ഡി​ന്ന​ർ റെ​ഡി​യാ​യി​ട്ടു​ണ്ട് സ​ർ.''

ഈ ​സ​മ​യ​ത്ത് ഫോ​ണ്‍ ബെ​ല്ല​ടി​ച്ചു. ഞാ​ൻ പോ​യി അ​റ്റ​ൻ​ഡ് ചെ​യ്തു.
""ഹ​ലോ! ങാ!... ​ബി​യാ​ട്രീ​സ്.''

""ര​ണ്ടു​മൂ​ന്നു​വ​ട്ടം ഞാ​ൻ വി​ളി​ച്ചു. എ​പ്പോ​ഴും എ​ൻ​ഗേ​ജ്ഡ്... കേ​സി​ന്‍റെ വി​ധി, എ​നി​ക്കും ഗൈ​ൽ​സി​നും അ​ത് വ​ല്ലാ​ത്ത ഷോ​ക്കാ​യി. മാ​ക്സിം എ​ന്തു പ​റ​യു​ന്നു?''
""എ​ല്ലാ​വ​ർ​ക്കും ഷോ​ക്കാ​യി​രി​ക്കു​ക​യാ​ണ്.''

""ബു​ദ്ധി​ക്കും യു​ക്തി​ക്കും നി​ര​ക്കാ​ത്ത ഒ​രു ന​ശി​ച്ച വി​ധി. ഇ​ന്ന​ത്തെ ഈ​വ​നിം​ഗ് പ​ത്ര​ത്തി​ൽ വി​സ്ത​രി​ച്ചു വാ​ർ​ത്ത വ​ന്നി​ട്ടു​ണ്ട്. ഇ​തു വ​ല്ലാ​ത്ത നാ​ണ​ക്കേ​ടാ​യി. ന​മു​ക്കു മാ​ത്ര​മ​ല്ല ന​മ്മു​ടെ കു​ടും​ബ​ത്തി​നും ചീ​ത്ത​പ്പേ​രാ​യി.''

""കേ​ണ​ൽ ജൂ​ലി​യ​നും മ​റ്റും ഇ​വി​ടെ​യു​ണ്ടാ​യി​രു​ന്നു. അ​ദ്ദേ​ഹം മ​ജി​സ്ട്രേ​റ്റാ​ണ്. വേ​ണ്ട​തെ​ല്ലാം മാ​ക്സിം ചെ​യ്യു​ന്നു​ണ്ട്. വേ​ണ്ട... വേ​ണ്ട... ഇ​ങ്ങോ​ട്ടു വ​രേ​ണ്ട ആ​വ​ശ്യ​മി​ല്ല. ശ​രി ഞാ​ൻ പി​ന്നീ​ട് അ​ങ്ങോ​ട്ടു വി​ളി​ക്കാം.''

ഫോ​ണ്‍ വ​ച്ചു. വി​ശേ​ഷ​ങ്ങ​ൾ മാ​ക്സി​മി​നോ​ട് പ​റ​ഞ്ഞു​കൊ​ണ്ടി​രി​ക്കു​ന്പോ​ൾ വീ​ണ്ടും ഫോ​ണി​ന്‍റെ തു​ട​ർ​ച്ച​യാ​യു​ള്ള ബെ​ല്ല​ടി. അ​ത​വി​ടെ കി​ട​ന്ന് അ​ടി​ക്ക​ട്ടെ. ഞാ​ന​ത് അ​റ്റ​ൻ​ഡ് ചെ​യ്യാ​ൻ പോ​യി​ല്ല.

(തു​ട​രും)

Tags : Sunday deepika