18

ഇ​ക്ക​ഴി​ഞ്ഞ ജ​നു​വ​രി 20. എ​റ​ണാ​കു​ളം ടൗ​ൺ​ഹാ​ളി​ൽ "കേ​രാ​പെ​ക്സ് 2026' ഫി​ലാ​റ്റ​ലി എ​ക്സി​ബി​ഷ​ൻ ന​ട​ക്കു​ക​യാ​ണ്. അ​ഞ്ചു​വ​ർ​ഷം കൂ​ടു​മ്പോ​ൾ ന​ട​ക്കു​ന്ന പ്ര​ദ​ർ​ശ​ന​ത്തി​ൽ കെ.​ടി. ജോ​സ​ഫ് എ​ന്ന ക​ടു​ത്തു​രു​ത്തി​ക്കാ​ര​ന്‍റെ ഫ്രെ​യി​മു​ക​ൾ കാ​ണാ​ൻ വ​ന്ന​വ​ർ ആ​ദ്യ​മൊ​ന്നു ഞെ​ട്ടി.

പ​ക്ഷി​ക​ളു​ടെ തീ​മി​ൽ പ​ല​ത​വ​ണ സം​സ്ഥാ​ന, ദേ​ശീ​യ സ​മ്മാ​ന​ങ്ങ​ൾ നേ​ടി​യി​ട്ടു​ള്ള​യാ​ൾ ഇ​ത്ത​വ​ണ അ​വ​ത​രി​പ്പി​ച്ചി​രി​ക്കു​ന്ന​ത് തി​ക​ച്ചും വ്യ​ത്യ​സ്ത​മാ​യ ഒ​രു തീം- ​യേ​ശു​വി​ന്‍റെ പീ​ഡാ​നു​ഭ​വ ച​രി​ത്രം. ഉ​ത്ത​രേ​ന്ത്യ​ൻ ജൂ​റി​ക്ക് അ​ത്ര പ​രി​ചി​ത​മ​ല്ലാ​ത്ത ഒ​രു തീം ​അ​വ​ത​രി​പ്പി​ച്ച് എ​ന്തി​നാ​ണ് ഉ​റ​പ്പാ​യ ഒ​രു സ​മ്മാ​നം ക​ള​ഞ്ഞു​കു​ളി​ച്ച​തെ​ന്നു​വ​രെ പ​ല​രും ചോ​ദി​ച്ചു.

അ​ഞ്ചു​വ​ർ​ഷ​ത്തെ പ​ഠ​നം, ഗ​വേ​ഷ​ണം, മു​ന്നൊ​രു​ക്കം, ക​ഷ്ട​പ്പാ​ട് എ​ന്നി​വ​യെ​ല്ലാം വൃ​ഥാ​വി​ലാ​കു​മോ എ​ന്ന ആ​ശ​ങ്ക​യു​ണ്ടാ​യെ​ങ്കി​ലും ഇ​ത് പ​രോ​ക്ഷ​മാ​യൊ​രു സു​വി​ശേ​ഷ​പ്ര​ഘോ​ഷ​ണ​മാ​കു​മ​ല്ലോ എ​ന്ന ആ​ശ്വാ​സ​മാ​യി​രു​ന്നു അ​ദ്ദേ​ഹ​ത്തി​ന്.

ഒ​ടു​വി​ൽ 23ന് ​രാ​വി​ലെ ഫ​ലം വ​ന്നു: തി​മാ​റ്റി​ക് വി​ഭാ​ഗ​ത്തി​ൽ സം​സ്ഥാ​ന​ത​ല​ത്തി​ൽ ഒ​ന്നാം സ്ഥാ​ന​വും ലാ​ർ​ജ് വെ​ർ​മെ​യ്ൽ മെ​ഡ​ലും ജോ​സ​ഫി​ന്. കൂ​ടാ​തെ ആ​ദ്യ​മാ​യി ബെ​സ്റ്റ് എ​ക്സി​ബി​റ്റ​ർ പു​ര​സ്കാ​ര​വും!. തി​മാ​റ്റി​ക് സ്പെ​ഷ​ലി​സ്റ്റും ജൂ​റിം​ഗ​വു​മാ​യ ബം​ഗ​ളൂ​രു സ്വ​ദേ​ശി സ​ന്തോ​ഷ് ഏ​റെ പ്ര​ശം​സി​ച്ചു​കൊ​ണ്ട് പ​റ​ഞ്ഞു: ഗം​ഭീ​ര അ​വ​ത​ര​ണം. ദേ​ശീ​യ​ത​ല മ​ത്സ​ര​ത്തി​ൽ എ​ന്താ​യാ​ലും പ​ങ്കെ​ടു​ക്ക​ണം. ജോ​സ​ഫി​ന​ത് ആ​ത്മ​സാ​ക്ഷാ​ത്കാ​ര​ത്തി​ന്‍റെ നി​മി​ഷ​മാ​യി​രു​ന്നു.

സ്റ്റാ​മ്പ് ശേ​ഖ​രി​ച്ചു​തു​ട​ങ്ങി​യ അ​ൾ​ത്താ​ര ബാ​ല​ൻ

ക​ടു​ത്തു​രു​ത്തി ക​യ്യാ​ല​യ്ക്ക​ൽ തോ​മ​സ്-​ഏ​ല​മ്മ ദ​മ്പ​തി​ക​ളു​ടെ ഇ​ള​യ മ​ക​നാ​യ ജോ​സ​ഫ് അ​ഞ്ചാം ക്ലാ​സി​ൽ പ​ഠി​ക്കു​മ്പോ​ഴാ​ണ് സ്റ്റാ​മ്പ് ശേ​ഖ​രി​ക്കാ​ൻ തു​ട​ങ്ങി​യ​ത്.

ക​ടു​ത്തു​രു​ത്തി മാ​ന്നാ​ർ പ​ള്ളി വി​കാ​രി​യാ​യ ഫാ. ​ഫി​ലി​പ്പ് കൊ​ട്ടു​കാ​പ്പി​ള്ളി​യാ​ണ് അ​ൾ​ത്താ​ര ബാ​ല​നാ​യ ജോ​സ​ഫി​ന് ആ​ദ്യം സ്റ്റാ​ന്പു​ക​ൾ ന​ൽ​കി പ്രോ​ത്സാ​ഹി​പ്പി​ച്ച​ത്. കി​ട്ടു​ന്ന സ്റ്റാ​ന്പു​ക​ൾ ഒ​രു ക​വ​റി​ലി​ട്ടു സൂ​ക്ഷി​ച്ചു​തു​ട​ങ്ങി. കോ​ൽ​ക്ക​ത്ത​യി​ൽ സ​ലേ​ഷ്യ​ൻ വൈ​ദി​ക​നാ​യി ശു​ശ്രൂ​ഷ ചെ​യ്തി​രു​ന്ന ചേ​ട്ട​ൻ ഫാ. ​തോ​മ​സും വ​ട​ക്കേ ഇ​ന്ത്യ​യി​ൽ ശു​ശ്രൂ​ഷ ചെ​യ്തി​രു​ന്ന ചേ​ച്ചി സി​സ്റ്റ​ർ ബോ​ർ​ജി​യ​യും (അ​സീ​സി സി​സ്റ്റേ​ഴ്സ് ഓ​ഫ് മേ​രി ഇ​മ്മാ​ക്കു​ലേ​റ്റ്) അ​വ​ർ​ക്കു കി​ട്ടു​ന്ന സ്റ്റാ​മ്പു​ക​ളെ​ല്ലാം ശേ​ഖ​രി​ച്ച് കൊ​ണ്ടു​വ​ന്നു ന​ൽ​കി​യി​രു​ന്നു.

അ​ത് പ​ത്താം ക്ലാ​സ് ക​ഴി​യു​ന്ന​തു​വ​രെ തു​ട​ർ​ന്നു. പ​ത്താം ക്ലാ​സ് ക​ഴി​ഞ്ഞ സ​മ​യ​ത്താ​ണ് ദീ​പി​ക ഏ​ജ​ന്‍റ് കൂ​ടി​യാ​യി​രു​ന്ന ഏ​റ്റ​വും മൂ​ത്ത സ​ഹോ​ദ​ര​ൻ കെ.​ടി. കു​ര്യ​ൻ ഒ​രു സ്റ്റോ​ക്ക് ബു​ക്ക് വാ​ങ്ങി സ​മ്മാ​നി​ച്ച​ത്. പ്രീ​ഡി​ഗ്രി​യും ഡി​ഗ്രി​യും കു​റ​വി​ല​ങ്ങാ​ട് ദേ​വ​മാ​ത കോ​ള​ജി​ലും ബി​എ​ഡ് മാ​ന്നാ​നം സെ​ന്‍റ്് ജോ​സ​ഫ് കോ​ള​ജി​ലു​മാ​യി​രു​ന്നു.

ജോ​ലി​ക്കാ​യി ബം​ഗാ​ളി​ൽ

ബം​ഗാ​ളി​ലെ ബാ​ൻ​ഡ​ൽ ഡോ​ൺ​ബോ​സ്കോ ഇം​ഗ്ലീ​ഷ് മീ​ഡി​യം സ്കൂ​ളി​ൽ ബ​യോ​ള​ജി അ​ധ്യാ​പ​ക​നാ​യാ​ണ് ആ​ദ്യം ജോ​ലി​യി​ൽ പ്ര​വേ​ശി​ക്കു​ന്ന​ത്. അ​വി​ടെ​വ​ച്ച് പ​ഴ​യ അ​ഭി​രു​ചി വീ​ണ്ടും ശ​ക്ത​മാ​യി. ആ ​സ്കൂ​ളി​ലെ പ​ല വി​ദ്യാ​ർ​ഥി​ക​ൾ​ക്കും സ്റ്റാ​മ്പ് ശേ​ഖ​ര​ണ​മു​ണ്ടാ​യി​രു​ന്നു.

അ​വ​രു​മാ​യി പ​ല സ്റ്റാ​മ്പു​ക​ളും എ​ക്സ്ചേ​ഞ്ച് ചെ​യ്തു. ര​ണ്ടു വ​ർ​ഷ​ത്തി​നു​ശേ​ഷം കോ​ൽ​ക്കൊ​ത്ത​യി​ലെ ബാ​ങ്ക് ഓ​ഫ് കൊ​ച്ചി​നി​ൽ ജോ​ലി​കി​ട്ടി. ആ ​സ​മ​യ​ത്ത് അ​വി​ടെ ന​ട​ന്ന അ​ന്ത​ർ​ദേ​ശീ​യ ഫി​ലാ​റ്റ​ലി എ​ക്സി​ബി​ഷ​ൻ കാ​ണാ​നി​ട​യാ​യി.

അ​വി​ട​ത്തെ മ​ല​യാ​ളി സു​ഹൃ​ത്തു​ക്ക​ളാ​യ പ്രി​ൻ​സ് തെ​ക്ക​ൻ, ജോ​ണി ഞാ​ളി​യ​ത്ത് എ​ന്നി​വ​ർ​വ​ഴി മ​ദ​ർ തെ​രേ​സ​യു​ടെ സെ​ക്ര​ട്ട​റി സി​സ്റ്റ​ർ മെ​ലാ​നി​നെ പ​രി​ച​യ​പ്പെ​ട്ടു. മ​ദ​റി​നും മ​ദ​ർ ഹൗ​സി​ലേ​ക്കും വി​വി​ധ രാ​ജ്യ​ങ്ങ​ളി​ൽ​നി​ന്നു വ​രു​ന്ന പ​ല സ്റ്റാ​മ്പു​ക​ളും ല​ഭി​ക്കാ​ൻ ഇ​ട​യാ​യ​ത് അ​ങ്ങ​നെ​യാ​ണ്. മൂ​ന്നാ​ലു​ത​വ​ണ വി​ശു​ദ്ധ മ​ദ​ർ തെ​രേ​സ​ത​ന്നെ നേ​രി​ട്ട് സ്റ്റാ​മ്പു​ക​ൾ ന​ൽ​കി​യി​ട്ടു​ണ്ട്.

കൊ​ച്ചി​ൻ ഫി​ലാ​റ്റ​ലി ക്ല​ബ്ബി​ലേ​ക്ക്

ബാ​ങ്ക് സ്റ്റേ​റ്റ് ബാ​ങ്ക് ഓ​ഫ് ഇ​ന്ത്യ​യി​ൽ ജോ​ലി ല​ഭി​ച്ച​തോ​ടെ അ​ധി​കം വൈ​കാ​തെ നാ​ട്ടി​ൽ തി​രി​ച്ചെ​ത്തി. ഇ​തി​നി​ടെ എ​റ​ണാ​കു​ള​ത്തു​ള്ള റി​ലീ​ജി​യ​സ് സ്റ്റാ​മ്പ് എ​ക്സ്ചേ​ഞ്ച് ക്ല​ബ്ബി​നെ​ക്കു​റി​ച്ച് കേ​ട്ട​റി​ഞ്ഞ് അ​തി​ൽ ചേ​ർ​ന്നു. ബി​ഷ​പ് മാ​ർ പൗ​ളി​നോ​സ് ജീ​ര​ക​ത്തി​ലി​ന്‍റെ നേ​തൃ​ത്വ​ത്തി​ൽ തു​ട​ങ്ങി​വ​ച്ച ക്ല​ബ് ആ​യി​രു​ന്നു അ​ത്. ഇ​പ്പോ​ൾ കൊ​ച്ചി​ൻ സ്റ്റാ​മ്പ് എ​ക്സ്ചേ​ഞ്ച് ക്ല​ബ് എ​ന്നാ​ണ് അ​റി​യ​പ്പെ​ടു​ന്ന​ത്.

അ​വി​ടെ പ​ല പ്ര​ഗ​ത്ഭ​രും ഉ​ണ്ടാ​യി​രു​ന്നു. അ​വ​രി​ൽ​നി​ന്ന് ഫി​ലാ​റ്റ​ലി​യു​ടെ പ​ല പു​തി​യ പാ​ഠ​ങ്ങ​ളും പ​ഠി​ച്ചു. അ​ങ്ങ​നെ വി​ഷ​യാ​ധി​ഷ്ഠി​ത​മാ​യി സ്റ്റാ​മ്പു​ക​ളും അ​നു​ബ​ന്ധ​സാ​മ​ഗ്രി​ക​ളും ത​രം​തി​രി​ക്കാ​നും തു​ട​ങ്ങി. അ​ങ്ങ​നെ​യി​രി​ക്കേ​യാ​ണ് കോ​ട്ട​യ​ത്ത് ഒ​രു ഫി​ലാ​റ്റ​ലി ക്ല​ബ് ഉ​ണ്ടെ​ന്ന​റി​യു​ന്ന​ത്.

വ​യ​ക്ക​ര മൂ​സ് തു​ട​ങ്ങി​വ​ച്ച ഈ ​ക്ല​ബ്ബി​ന്‍റെ പ്ര​സി​ഡ​ന്‍റാ​യി ര​ണ്ടു പ​തി​റ്റാ​ണ്ടോ​ളം പ്ര​വ​ർ​ത്തി​ച്ച​ത് പ്ര​ഫ. ജോ​ർ​ജ് ജോ​ൺ നി​ധീ​രി ആ​യി​രു​ന്നു. ആ​റു​വ​ർ​ഷ​മാ​യി ജോ​സ​ഫ് ആ​ണ് പ്ര​സി​ഡ​ന്‍റ്.

കേ​രാ​പെ​ക്സ് 1999 എ​ന്ന പേ​രി​ൽ കോ​ട്ട​യ​ത്തു ന​ട​ന്ന സം​സ്ഥാ​ന​ത​ല എ​ക്സി​ബി​ഷ​നി​ൽ ആ​ദ്യ​മാ​യി പ​ങ്കെ​ടു​ത്ത് വെ​ർ​മെ​യ്ൽ മെ​ഡ​ൽ നേ​ടാ​ൻ ക​ഴി​ഞ്ഞ​ത് വ​ലി​യ ഉ​ത്സാ​ഹ​മു​ള​വാ​ക്കി. നീ​ർ​പ​ക്ഷി​ക​ൾ വി​ഷ​യ​മാ​യു​ള്ള പ്ര​ദ​ർ​ശ​ന​ത്തി​നാ​യി​രു​ന്നു അ​വാ​ർ​ഡ്.

പി​ന്നെ കേ​ര​ള​ത്തി​ൽ ഇ​തു​വ​രെ ന​ട​ന്ന ആ​റു മ​ത്സ​ര​ങ്ങ​ളി​ലും ജോ​സ​ഫ് പ​ങ്കെ​ടു​ത്തു. ഗോ​ൾ​ഡ് ഉ​ൾ​പ്പെ​ടെ​യു​ള്ള മെ​ഡ​ലു​ക​ൾ സ്വ​ന്ത​മാ​ക്കി. ദേ​ശീ​യ മ​ത്സ​ര​ങ്ങ​ളി​ലും പു​ര​സ്കാ​ര​ങ്ങ​ൾ നേ​ടി.

പാ​ഷ​ൻ ഓ​ഫ് ക്രൈ​സ്റ്റ്

ബാ​ങ്ക് ജോ​ലി​ക്കി​ട​യി​ലും പ​തി​റ്റാ​ണ്ടു​ക​ൾ മ​താ​ധ്യാ​പ​ക​നെ​ന്ന​നി​ല​യി​ലും വി​ശ്ര​മ ജീ​വി​ത​ത്തി​ൽ ബൈ​ബി​ൾ പ​ഠി​താ​വെ​ന്ന നി​ല​യി​ലും വ്യാ​പ​രി​ച്ച ജോ​സ​ഫി​ന് വ്യ​ത്യ​സ്ത​മാ​യ രീ​തി​യി​ൽ ഒ​രു അ​വ​ത​ര​ണം ന​ട​ത്ത​ണ​മെ​ന്ന മോ​ഹ​മു​ദി​ച്ചു.

സം​സ്ഥാ​ന-​ദേ​ശീ​യ മ​ത്സ​ര​ങ്ങ​ൾ​ക്ക് ഇ​പ്പോ​ൾ സാ​ധാ​ര​ണ​യാ​യി അ​ഞ്ച് ഫ്രെ​യി​മു​ക​ളി​ലാ​യി (ഒ​രു ഫ്രെ​യി​മി​ൽ എ3 ​വ​ലി​പ്പ​മു​ള്ള എ​ട്ടു ഷീ​റ്റു​ക​ളാ​ണ് ഉ​ൾ​പ്പെ​ടു​ത്താ​നാ​വു​ക ) 40 എ3 ​ഷീ​റ്റു​ക​ളേ പ്ര​ദ​ർ​ശി​പ്പി​ക്കാ​നാ​വൂ എ​ന്ന​തി​നാ​ൽ ബൈ​ബി​ൾ മു​ഴു​വ​നാ​യോ യേ​ശു​വി​ന്‍റെ ജ​ന​നം മു​ത​ൽ മ​ര​ണം വ​രെ​യോ പ്ര​തി​പാ​ദി​ക്കു​ക എ​ളു​പ്പ​മ​ല്ല.

ക്രി​സ്മ​സ് മാ​ത്ര​മാ​ണ് അ​വ​ത​രി​പ്പി​ക്കു​ന്ന​തെ​ങ്കി​ൽ നി​ര​വ​ധി​യാ​യ രാ​ജ്യ​ങ്ങ​ൾ കാ​ർ​ഡു​ക​ളും സ്റ്റാ​മ്പു​ക​ളും മ​റ്റ് സാ​മ​ഗ്രി​ക​ളും ഇ​റ​ക്കി​യി​ട്ടു​ണ്ടെ​ങ്കി​ലും മി​ക്ക​തും ഒ​രു​പോ​ലെ ആ​യ​തി​നാ​ൽ വൈ​വി​ധ്യ​ങ്ങ​ൾ ഇ​ല്ല. അ​ങ്ങ​നെ​യാ​ണ് ഒ​ടു​വി​ൽ പാ​ഷ​ൻ ഓ​ഫ് ക്രൈ​സ്റ്റി​ൽ എ​ത്തി​നി​ന്ന​ത്. പി​ന്നെ ക​ഴി​ഞ്ഞ അ​ഞ്ചു​വ​ർ​ഷം അ​തി​നു​ള്ള ഗ​വേ​ഷ​ണ​ങ്ങ​ളും പ്ര​യ​ത്ന​ങ്ങ​ളു​മാ​യി​രു​ന്നു.

വി​ശ്വാ​സ​മു​ദ്ര​ക​ൾ

ബ​ഥാ​നി​യാ​യി​ലെ തൈ​ലാ​ഭി​ഷേ​കം മു​ത​ൽ കു​രി​ശു​മ​ര​ണ​വും ഉ​ത്ഥാ​ന​വും ഉ​ൾ​പ്പെ​ടെ 1200ൽ ​അ​ധി​കം സ്റ്റാ​മ്പു​ക​ളും ക​വ​ർ, എ​യ​ർ മെ​യി​ൽ, പോ​സ്റ്റ് കാ​ർ​ഡു​ക​ൾ, എ​യ​റോ​ഗ്രാ​മു​ക​ൾ, ഇ​ൻ​ലാ​ൻ​ഡ് തു​ട​ങ്ങി വി​വി​ധ സ്റ്റേ​ഷ​ന​റി​ക​ളും ഉ​ൾ​പ്പെ​ടു​ത്തി​യാ​ണ് ഫ്രെ​യി​മു​ക​ൾ പൂ​ർ​ത്തി​യാ​ക്കി​യ​ത്.

ഓ​ശാ​ന, കാ​ൽ​ക​ഴു​ക​ൽ ശു​ശ്രൂ​ഷ, അ​പ്പം മു​റി​ക്ക​ൽ എ​ന്നി​വ​യും പീ​ഡാ​നു​ഭ​വ ച​രി​ത്ര​ത്തി​ൽ പ​റ​യു​ന്ന മു​ഴു​വ​ൻ സം​ഭ​വ​ങ്ങ​ളും അ​ധി​ക​രി​ച്ച് ലോ​ക​ത്ത് ഇ​ന്നു​വ​രെ ഇ​റ​ങ്ങി​യി​ട്ടു​ള്ള ഈ​സ്്റ്റ​ർ സം​ബ​ന്ധ​മാ​യ ത​പാ​ൽ വ​സ്തു​ക്ക​ളി​ൽ 90 ശ​ത​മാ​ന​വും ഉ​ൾ​പ്പെ​ടു​ത്താ​നാ​യി എ​ന്ന​താ​ണ് ഏ​റ്റ​വും വ​ലി​യ അ​ഭി​മാ​നം.

ബ്ര​സീ​ൽ, മെ​ക്സി​ക്കോ, ഇ​റ്റ​ലി, ജ​ർ​മ​നി, അ​യ​ർ​ല​ൻ​ഡ്, ഫി​ലി​പ്പൈ​ൻ​സ്, പോ​ർ​ച്ചു​ഗ​ൽ, ഫ്രാ​ൻ​സ്, നൈ​ജീ​രി​യ, എ​ത്യോ​പ്യ, ജോ​ർ​ദാ​ൻ, റാ​സ​ൽ​ഖ​യ്മ, ഫു​ജൈ​റ തു​ട​ങ്ങി ഭൂ​ഖ​ണ്ഡ​ഭേ​ദ​മ​ന്യേ നൂ​റി​ല​ധി​കം രാ​ജ്യ​ങ്ങ​ളി​ലെ സ്റ്റാ​മ്പു​ക​ളും ഇ​ത​ര ത​പാ​ൽ വ​സ്തു​ക്ക​ളു​മാ​ണ് ഫ്രെ​യി​മു​ക​ളി​ൽ ഉ​ൾ​പ്പെ​ടു​ത്തി​യി​രി​ക്കു​ന്ന​ത്.

ഇ​തി​ൽ ഈ ​തീ​മി​ൽ ഇ​ന്ത്യ​യി​ൽ പു​റ​ത്തി​റ​ങ്ങി​യ ഒ​രേ​യൊ​രു സ്റ്റാ​മ്പും ഉ​ൾ​ക്കൊ​ള്ളി​ച്ചി​ട്ടു​ണ്ട്. മാ​ർ​തോ​മാ​യു​ടെ മ​ര​ണ​ത്തി​ന്‍റെ പ​ത്തൊ​ന്പ​താം ശ​താ​ബ്ദി സ്മാ​ര​ക​മാ​യി 1973ൽ ​ഭാ​ര​ത സ​ർ​ക്കാ​ർ പു​റ​ത്തി​റ​ക്കി​യ മാ​ർ​ത്തോ​മാ കു​രി​ശി​ന്‍റെ ചി​ത്ര​മു​ള്ള സ്റ്റാ​മ്പാ​ണി​ത്.

“ഈ ​ലാ​ർ​ജ് വെ​ർ​മെ​യ്ൽ മെ​ഡ​ൽ എ​ന്നെ സം​ബ​ന്ധി​ച്ച് വ​ലി​യൊ​രു ആ​ത്മ​സാ​ക്ഷാ​ത്കാ​ര​മാ​ണ്. ദേ​ശീ​യ മ​ത്സ​രം എ​പ്പോ​ഴാ​ണെ​ന്ന് ഇ​തു​വ​രെ​യും പ്ര​ഖ്യാ​പി​ച്ചി​ട്ടി​ല്ല. എ​വി​ടെ​യാ​യാ​ലും പോ​ക​ണം; ഇ​വ അ​വ​ത​രി​പ്പി​ക്ക​ണം. ക​ർ​ത്താ​വെ​ന്നി​ൽ നി​ക്ഷേ​പി​ച്ച ഈ ​സ​വി​ശേ​ഷ അ​ഭി​രു​ചി​യി​ലൂ​ടെ പ​രോ​ക്ഷ​മാ​യ ഒ​രു സു​വി​ശേ​ഷ​പ്ര​ഘോ​ഷ​ണം ന​ട​ത്ത​ണം. അ​തി​ൽ സ​മ്മാ​നം കി​ട്ടു​മോ ഇ​ല്ല​യോ എ​ന്നു​ള്ള​ത് ര​ണ്ടാ​മ​ത്തെ കാ​ര്യം-” ഏ​റെ അ​ഭി​മാ​ന​ത്തോ​ടെ ജോ​സ​ഫ് പ​റ​ഞ്ഞു.

ചെ​റു​തും ച​രി​ത്ര​മാ​കും

ഭാ​ര്യ വ​ത്സ​മ്മ​യു​ടെ​യും (റി​ട്ട​യേ​ഡ് അ​സി​സ്റ്റ​ന്‍റ് മാ​നേ​ജ​ർ, സൗ​ത്ത് ഇ​ന്ത്യ​ൻ ബാ​ങ്ക്), മ​ക​ൻ ഡോ. ​ജി​നോ ജോ​യ് (ജെ​റി​യാ​ട്രി​ക്സ് വി​ഭാ​ഗം ത​ല​വ​ൻ, മെ​ഡി​ക്ക​ൽ ട്ര​സ്റ്റ് ഹോ​സ്പി​റ്റ​ൽ, എ​റ​ണാ​കു​ളം), മ​രു​മ​ക​ൾ പ്ര​ഫ. ഇ​ന്ദു പീ​റ്റ​ർ (അ​ധ്യാ​പി​ക, കെ​ഇ കോ​ള​ജ്, മാ​ന്നാ​നം) എ​ന്നി​വ​രു​ടെ​യും പ്രോ​ത്സാ​ഹ​ന​മാ​ണ് എ​ഴു​പ​താം വ​യ​സി​ലും ഇ​ദ്ദേ​ഹ​ത്തി​ന് ഫി​ലാ​റ്റ​ലി യാ​ത്ര​യി​ൽ ക​രു​ത്താ​വു​ന്ന​ത്.

ന​ല്ലൊ​രു ഹോ​ബി​യു​ണ്ടെ​ങ്കി​ൽ വാ​ർ​ധ​ക്യം ഏ​റെ ആ​ന​ന്ദ​ക​ര​മാ​ക്കാ​മെ​ന്നും ജോ​സ​ഫേ​ട്ട​ൻ പ​റ​യു​ന്നു; കാ​ണി​ച്ചു​ത​രു​ന്നു. സ്റ്റാ​മ്പു​ക​ളു​ടെ ചെ​റു​ലോ​ക​ത്തി​ൽ വി​ശ്വാ​സ​ത്തി​ന്‍റെ മ​ഹ​ത്താ​യ ക​ഥ വ​ര​ച്ചു​കാ​ട്ടു​ന്ന അ​ദ്ദേ​ഹം തെ​ളി​യി​ക്കു​ന്നു- പാ​ഷ​നും സ​മ​ർ​പ്പ​ണ​വും ഉ​ണ്ടെ​ങ്കി​ൽ ചെ​റു​തും ച​രി​ത്ര​മാ​കും!

Tags : Sunday deepika