എന്തുകൊണ്ടു നമ്മള്‍ തോറ്റു? ലളിതമായി പറഞ്ഞാല്‍ ഉത്തരം ശബരിമല

News Videos

ശബരിമല യുവതി പ്രവേശനം ലോക്സഭാ തെരഞ്ഞെടുപ്പ് പരാജയത്തിന് കാരണമായെന്ന് സിപിഎം തെരഞ്ഞെടുപ്പ് അവലോകന റിപ്പോ‍ർട്ട്.
വനിതാമതിലിന‌ു ശേഷം രണ്ട‌് യുവതികൾ ശബരിമലയിൽ പ്രവേശിച്ചത‌് അണികൾക്കിടയിൽ ആശയക്കുഴപ്പമുണ്ടാക്കിയെന്നും വിശ്വാസികളായ പ്രവർത്തകരെ പാർട്ടിയിൽ നിന്നും അകറ്റാൻ ഇതു കാരണമായെന്നും റിപ്പോർട്ട്. വനിതാ മതിലിൽ പങ്കെടുത്ത സ്ത്രീകളുടെ മുഴുവൻ വോട്ടുകളും സമാഹരിക്കാൻ കഴിഞ്ഞില്ല. ഇതു ഗൗരവപരമായി പരിശോധിക്കേണ്ടതാണ്.

സ്ത്രീപ്രവേശനത്തെ യുഡി‌എഫും ബിജെപിയും ഉപയോഗപ്പെടുത്തിയെന്നും ഈ പ്രചാരണം അനുഭാവികൾക്കിടയിൽ വലിയ ആഘാതം സൃഷ്ടിച്ചുവെന്നും വിലയിരുത്തുന്ന റിപ്പോർട്ട് ജനങ്ങളുടെ മനസ്സ് മനസ്സിലാക്കുന്നതിൽ പരാജയപ്പെട്ടത് ഗൗരവകരമാണെന്നും വിലയിരുത്തുന്നു. സിപിഎമ്മിനെ തോൽപ്പിക്കാന്‍ യു‍ഡിഎഫിന് ബിജെപി വോട്ട് മറിച്ചെങ്കിലും ബിജെപിയുടെ വോട്ട് ശതമാനം കൂടിയത് ആശങ്ക ഉയർത്തുന്നു. ജനങ്ങളുടെ മനസ്സ് മനസ്സിലാക്കുന്നതിൽ പരാജയപ്പെട്ടത് ഗൗരവകരമാണ്.
ജനങ്ങളുടെ വിശ്വാസം തിരിച്ചുപിടിക്കാൻ വേണ്ടിയുള്ള വീടുകൾ കയറിയുള്ള സന്ദർശനത്തിന് മുന്പ് തന്നെ അവലോകന റിപ്പോര്‍ട്ട് പാർട്ടി മുഖപത്രത്തിൽ പ്രസിദ്ധീകരിച്ചിരിക്കുക യാണ്. ബിജെപി കേന്ദ്രത്തിൽ വീണ്ടും സർക്കാർ രൂപീകരിക്കുമെന്ന ഭയം മതനിരപേക്ഷ മനസ്സുകളിൽ യുഡിഎഫിന‌് അനുകൂലമായി ചുവടുമാറ്റത്തിന‌് ഇടയാക്കിയെന്നും.