19

ജന്മദിന ആഘോഷത്തിന്‍റെ സന്തോഷം നിറഞ്ഞുനിന്ന അന്തരീക്ഷത്തിൽ അപ്രതീക്ഷിതമായി നടന്ന ഒരു പ്രാങ്ക്, സോഷ്യൽ മീഡിയയിൽ വൈറലായിരിക്കുകയാണ്.

കുടുംബാംഗങ്ങൾ ഒത്തുകൂടി കേക്ക് മുറിക്കാൻ തയ്യാറെടുക്കുന്ന ആനന്ദകരമായ നിമിഷത്തി,ൽ സഹോദരൻ പെട്ടെന്ന് സഹോദരിയുടെ മുടിയിൽ പിടിച്ചു വലിക്കുകയായിരുന്നു.

തമാശരൂപേണയുള്ള ഈ പ്രവർത്തി ആ നിമിഷത്തിന്‍റെ ഗൗരവത്തെയും സന്തോഷത്തെയും ഒരുപോലെ തകർത്തു. അപ്രതീക്ഷിതമായി നേരിട്ട ഈ പ്രവൃത്തിയിൽ അസ്വസ്ഥയായ പെൺകുട്ടി, ആഘോഷം പാതിവഴിയിൽ നിർത്തി ഒന്നും മിണ്ടാതെ അവിടെനിന്നും ദേഷ്യത്തോടെ നടന്നുപോയി.

ഇതൊരു വലിയ നിശബ്ദതയാണ് ആ വീട്ടിൽ സൃഷ്ടിച്ചത്. നടക്കാൻ പോകുന്ന വലിയൊരു സന്തോഷം നിമിഷനേരം കൊണ്ട് ഇല്ലാതായപ്പോൾ ചുറ്റും നിന്നവർക്ക് എന്ത് ചെയ്യണമെന്നറിയാതെ പകച്ചുനിൽക്കേണ്ടി വന്നു.

ഇതൊരു ചെറിയ തമാശയാണെന്ന് ചിലർ വാദിക്കുമ്പോൾ, ഒരാളുടെ ജീവിതത്തിലെ പ്രധാനപ്പെട്ടൊരു സന്തോഷ നിമിഷത്തെ ഇത്തരത്തിൽ തകർക്കുന്നത് ശരിയല്ലെന്നാണ് ഭൂരിഭാഗം പേരുടെയും അഭിപ്രായം.

ആഘോഷങ്ങൾക്കിടയിൽ മറ്റുള്ളവരുടെ വികാരങ്ങളെ കൂടി മാനിക്കേണ്ടതിന്‍റെ ആവശ്യകതയാണ് ഈ വൈറൽ വീഡിയോയിലൂടെ വ്യക്തമാകുന്നത്.

Tags : viralvideo trendingnow socialmediadebate internetdrama mustwatch