പുൽപ്പള്ളി: ലോക തൊഴിലാളി ദിനാഘോഷത്തിന്റെ ഭാഗമായി ടൗണിൽ വിവിധ ട്രേഡ് യൂണിയനുകളുടെ നേതൃത്വത്തിൽ റാലി നടത്തി. നൂറുകണക്കിനു തൊഴിലാളികൾ പങ്കെടുത്തു. എം.എസ്. സുരേഷ്ബാബു, സജി തൈപ്പറന്പിൽ, മണി പാന്പനാൽ, വി.ടി. തോമസ്, ബൈജു നന്പിക്കൊല്ലി, റെജി പുളിങ്കുന്നേൽ, അനിൽ സി. കുമാർ, തോമസ് തുടങ്ങിയവർ നേതൃത്വം നൽകി.
കൽപ്പറ്റ: ടിയുസിഐ സംസ്ഥാന കമ്മിറ്റിയുടെ നേതൃത്വത്തിൽ ലോക തൊഴിലാളി ദിനം ആഘോഷിച്ചു. പ്രസിഡന്‍റ് സാം പി. മാത്യു അധ്യക്ഷത വഹിച്ചു. കോർപറേറ്റ് ആശ്രിതവും ജനാധിപത്യവിരുദ്ധവുമായ നിലപാടുകളുമായി മുന്നോട്ടുപോകുന്ന ബിജെപി സർക്കാരിനെതിരായ ചെറുത്തുനിൽപ്പ് ശക്തമാക്കണമെന്ന് തൊഴിലാളി സമൂഹത്തോട് അദ്ദേഹം ആഹ്വാനം ചെയ്തു. സെക്രട്ടറി എം.വി. ചന്ദ്രൻ, കേന്ദ്ര കമ്മിറ്റിയംഗം ജയൻ കോനിക്കര, അഡ്വ.സുധാകരൻ, രവീന്ദ്രൻ ചുള്ളിപ്പറന്പിൽ എന്നിവർ പ്രസംഗിച്ചു.
കൽപ്പറ്റ: മെയ് ദിനാഘോഷത്തിന്റെ ഭാഗമായി ജില്ലാ പോലീസ് മേധാവിയുടെ സ്ട്രൈക്കർ സേനാംഗങ്ങൾ സിവിൽ സ്റ്റേഷൻ വളപ്പ് വൃത്തിയാക്കി. റിസർവ് സബ് ഇൻസ്പെക്ടർ റോയി, സുജിത്, പി.ജി. രതീഷ് എന്നിവർ നേതൃത്വം നൽകി.
മാനന്തവാടി: സിഐടിയു ഏരിയ കമ്മിറ്റിയുടെ നേതൃത്വത്തിൽ മെയ് ദിനം ആഘോഷിച്ചു. എരുമത്തെരുവിൽനിന്നു ഗാന്ധിപാർക്കിലേക്ക് റാലി നടത്തി. ഇതോടനുബന്ധിച്ചു നടന്ന യോഗത്തിൽ പി.ടി. ബിജു അധ്യക്ഷത വഹിച്ചു.
സിഐടിയു ജില്ലാ പ്രസിഡന്‍റ് പി.വി. സഹദേവൻ മെയ് ദിന സന്ദേശം നൽകി. ടി.കെ. പുഷ്പൻ, എം. റെജീഷ്, കെ.എം. വർക്കി, യു.കെ. സരിത, കെ.എം. അബ്ദുൾ ആസിഫ്, കെ.ജെ. റോയി, വി.എം. സനൽ, കെ.ജി. ജോയി, സി.പി. മുഹമ്മദലി, എൻ.ആർ. അനീഷ്, എ.കെ. റൈഷാദ് എന്നിവർ പ്രസംഗിച്ചു.
ഷോപ്സ് ആൻഡ് കൊമേഴ്സ്യൽ എസ്റ്റാബ്ലിഷ്മെന്‍റ് എംപ്ലോയീസ് യൂണിയൻ ഏരിയ കമ്മിറ്റി മെയ്ദിനാശംസാകാർഡ്, മിഠായി വിതരണം നടത്തി.
മാനന്തവാടി: എഐടിയുസി മണ്ഡലം കമ്മിറ്റിയുടെ നേതൃത്വത്തിൽ നഗരത്തിൽ മെയ് ദിന റാലി നടത്തി. ശോഭ രാജൻ, സജീവൻ, നിഖിൽ പദ്മനാഭൻ, വി.വി. ആന്‍റണി തുടങ്ങിയവർ നേതൃത്വം നൽകി.
കൽപ്പറ്റ: ഐഎൻടിയുസി ജില്ലാ കമ്മിറ്റിയുടെ നേതൃത്വത്തിൽ മെയ് ദിനം ആഘോഷിച്ചു. ടൗണിൽ റാലിയും പൊതുസമ്മേളനവും നടത്തി. ജില്ലാ പ്രസിഡന്‍റ് പി.പി. ആലി ഉദ്ഘാടനം ചെയ്തു.
സംസ്ഥാന വൈസ് പ്രസിഡന്‍റ് ബി. സുരേഷ്ബാബു അധ്യക്ഷത വഹിച്ചു. മേഖലാ പ്രസിഡന്‍റ് മോഹൻദാസ് കോട്ടകൊല്ലി, ചുമട്ടുതൊഴിലാളി യൂണിയൻ ജില്ലാ പ്രസിഡന്‍റ് സലാം മീനങ്ങാടി, കെ.കെ. രാജേന്ദ്രൻ, നജീബ് പിണങ്ങോട്, ആർ. രാമചന്ദ്രൻ, ജ്യോതിഷ്കുമാർ വൈത്തിരി, ജോണി നന്നാട്ട്, കെ.എസ്. തങ്കച്ചൻ, ഹർഷൽ കോന്നാടൻ, ശ്രീജിത്ത് കുപ്പാടിത്തറ, പി. വിനോദ്കുമാർ, എസ്. മണി, ആർ. ഉണ്ണികൃഷ്ണൻ, സി.സി. തങ്കച്ചൻ, സുന്ദർരാജ് എടപ്പെട്ടി, ബാബു പിണ്ടിപ്പുഴ എന്നിവർ പ്രസംഗിച്ചു.
കൽപ്പറ്റ: കേരള സ്റ്റേറ്റ് കമ്മീഷൻ ഏജന്‍റസ് യൂണിയൻ(കഐൽസിഎയു)ജില്ലാ കമ്മിറ്റിയുടെ നേതൃത്വത്തിൽ മെയ് ദിനം ആഘോഷിച്ചു. ഇതിന്‍റെ ഭാഗമായി നടന്ന കണ്‍വൻഷൻ ടി. സിദ്ദിഖ് എംഎൽഎ ഉദ്ഘാടനം ചെയ്തു. യൂണിയൻ സംസ്ഥാന പ്രസിഡന്‍റ് എൻ.കെ. ജ്യോതിഷ്കുമാർ മുഖ്യപ്രഭാഷണം നടത്തി.
ജഫർഖാൻ പാലക്കാട്, അനിൽകുമാർ തിരുവനന്തപുരം, മനോജ് മലപ്പുറം, ഇ.വി. സജി, ടി.കെ. ഉമ്മർ, എൻ.കെ. ശ്രീനിവാസൻ, കെ.പി. മോഹനൻ, പ്രഭാകരൻ നായർ ബത്തേരി, ബേബി തുരുത്തിയിൽ, ഗോപി പൂതാടി, സൈനുദീൻ കൽപ്പറ്റ, കെ. സെയ്ഫുള്ള വൈത്തിരി, ഹാരിസ് പടിഞ്ഞാറത്തറ, ഇ.ഇ. ജോസ് കോട്ടത്തറ എന്നിവർ പ്രസംഗിച്ചു. യൂണിയനിൽ അംഗത്വമെടുത്തവർക്ക് തിരിച്ചറിയൽ കാർഡ് വിതരണം ചെയ്തു.