പ​ത്ത​നം​തി​ട്ട: വ​നം വ​കു​പ്പി​ന്‍റെ പാ​ടം ​ഫോ​റസ്റ്റ് സ്​​റ്റേ​ഷ​നി​ൽ ക​യ​റി ഭീ​ഷ​ണി​​പ്പെ​ടു​ത്തി ക​സ്റ്റ​ഡി​യി​ലു​ള്ള​യാ​ളെ മോ​ചി​പ്പി​ച്ച സം​ഭ​വ​ത്തി​ൽ കെ.​യു. ജ​നീ​ഷ് കു​മാ​ർ എം​എ​ൽ​എ​യ്​​ക്കെ​തി​രേ കൂ​ട​ൽ പോ​ലീ​സ്​ കേ​സെ​ടു​ത്തു.

വ​നം​വ​കു​പ്പ്​ ന​ടു​വ​ത്തു​മൂ​ഴി റേ​ഞ്ച് ഓ​ഫീ​സ​ർ, പാ​ടം ഡെ​പ്യൂ​ട്ടി റേ​ഞ്ച് ഓ​ഫീ​സ​ർ, ജീ​വ​ന​ക്കാ​ർ, എ​ന്നി​വ​ർ എം​എ​ൽ​എ​യ്​​ക്കെ​തി​രേ മൊ​ഴി ന​ൽ​കി. ഇ​തി​നി​ടെ ഉ​ന്ന​ത വ​നം വ​കു​പ്പ് ഉ​ദ്യോ​ഗ​സ്ഥ​രു​ടെ നേ​തൃ​ത്വ​ത്തി​ൽ കോ​ന്നി ഫോ​റ​സ്റ്റ് റേ​ഞ്ച് ഓ​ഫീ​സി​ലും മൊ​ഴി രേ​ഖ​പ്പെ​ടു​ത്തി.

ഭാ​ര​തീ​യ ന്യാ​യ സം​ഹി​ത 132 പ്ര​കാ​രം കൃ​ത്യ നി​ർ​വ​ഹ​ണം ത​ട​സ​പെ​ടു​ത്ത​ൽ, 351(2) ഭീ​ഷ​ണി​പ്പെ​ടു​ത്ത​ൽ തു​ട​ങ്ങി​യ വ​കു​പ്പു​ക​ളാ​ണ് ചു​മ​ത്തി​യി​രി​ക്കു​ന്ന​ത്. വ​ന​പാ​ല​ക​രു​ടെ സം​ഘ​ട​ന​യും എം​എ​ൽ​എ​യ്ക്കെ​തി​രേ പ​രാ​തി ന​ൽ​കി​യി​ട്ടു​ണ്ട്.

കോ​ന്നി കു​ള​ത്തു​മ​ണ്ണി​ൽ കാ​ട്ടാ​ന ഷോ​ക്കേ​റ്റ് ച​രി​ഞ്ഞ സം​ഭ​വ​വു​മാ​യി ബ​ന്ധ​പ്പെ​ട്ട് ക​സ്റ്റ​ഡി​യി​ലെ​ടു​ത്ത ത​മി​ഴ്നാ​ട് സ്വ​ദേ​ശി രാ​ജു​വി​നെ ക​ഴി​ഞ്ഞ​ദി​വ​സം ജ​നീ​ഷ് കു​മാ​ർ എം​എ​ൽ​എ പാ​ടം ഫോ​റ​സ്റ്റ് സ്റ്റേ​ഷ​നി​ൽ എ​ത്തി ഇ​റ​ക്കി​ക്കൊണ്ടു പോ​ന്നി​രു​ന്നു.


വ​ന​പാ​ല​ക​രു​ടെ നി​ല​പാ​ടി​ൽ ന​ക്സ​ലു​ക​ൾ വീ​ണ്ടും വ​രു​മെ​ന്നും ഓ​ഫീ​സ് ക​ത്തി​ക്കു​മെ​ന്നും തു​ട​ങ്ങി​യ ഭീ​ഷ​ണി ദൃ​ശ്യ​ങ്ങ​ൾ സ​ഹി​ത​മാ​ണ് പ​രാ​തി ന​ൽ​കി​യി​രി​ക്കു​ന്ന​ത്. കോ​ന്നി ഡി​വൈ​എ​സ്പി ടി. ​രാ​ജ​പ്പ​ൻ റാ​വു​ത്ത​റും സം​ഭ​വ​സ​മ​യം ഫോ​റ​സ്റ്റ് സ്റ്റേ​ഷ​നി​ലു​ണ്ടാ​യി​രു​ന്നു.

അ​തേ​സ​മ​യം സ്വ​കാ​ര്യ കൃ​ഷി​യി​ട​ത്തി​ൽ ആ​ന ച​രി​ഞ്ഞ​തു​മാ​യി ബ​ന്ധ​പ്പെ​ട്ട് വ​നം വ​കു​പ്പ് സാ​ധാ​ര​ണ​ക്കാ​ർ​ക്കെ​തി​രേ കേ​സെ​ടു​ക്കാ​ൻ ശ്ര​മി​ച്ച​തി​നെ​തി​രേ​യാ​ണ് താ​ൻ ഇ​ട​പെ​ട്ട​തെ​ന്നും നി​യ​മ വി​രു​ദ്ധ​മാ​യി ഒ​ന്നും ചെ​യ്തി​ട്ടി​ല്ലെ​ന്നു​മാ​ണ് കെ. ​യു. ജ​നീ​ഷ് കു​മാ‍ർ എം​എ​ൽ​എ നി​ല​പാ​ട്.

നി​യ​മ​പ​ര​മാ​യ യാ​തൊ​രു ന​ട​പ​ടി​ക​ളു​മി​ല്ലാ​തെ​യാ​ണ് ഒ​രാ​ളെ ക​സ്റ്റ​ഡി​യി​ലെ​ടു​ത്ത​ത്. ഇ​ക്കാ​ര്യം ബോ​ധ്യ​പ്പെ​ടു​ത്താ​നാ​ണ് ഡി​വൈ​എ​സ്പി​യെ വി​ളി​ച്ചു​വ​രു​ത്തി​യ​തെ​ന്നും എം​എ​ൽ​എ ചൂ​ണ്ടി​ക്കാ​ട്ടി.

സം​ഭ​വ​ത്തി​ൽ പ്ര​തി​ഷേ​ധ​വു​മാ​യി ഫോ​റ​സ്റ്റ് പ്രൊ​ട്ട​ക്ടീ​വ് സ്റ്റാ​ഫ് അ​സോ​സി​യേ​ഷ​ൻ രം​ഗ​ത്തെ​ത്തി. ന​ട​പ​ടി​യെ​ടു​ക്ക​ണ​മെ​ന്നാ​വ​ശ്യ​പ്പെ​ട്ട് സം​ഘ​ട​ന നി​യ​മ​സ​ഭാ സ്പീ​ക്ക​ർ​ക്കും ജി​ല്ലാ പോ​ലീ​സ് മേ​ധാ​വി​ക്കും പ​രാ​തി ന​ൽ​കി.