തൃശൂർ: ഇസാഫ് സ്മോൾ ഫിനാൻസ് ബാങ്കിന്റെ സാമൂഹികപ്രതിബദ്ധതാപദ്ധതിയുടെ ഭാഗമായി ഇസാഫ് ഫൗണ്ടേഷന്റെയും കാലിക്കട്ട് സർവകലാശാല എൻഎസ്എസിന്റെയും സംയുക്താഭിമുഖ്യത്തിൽ, വിദ്യാർഥികളിൽ വർധിച്ചുവരുന്ന ആത്മഹത്യാപ്രവണതയെ പ്രതിരോധിക്കുക എന്ന ലക്ഷ്യവുമായി ‘പ്രതീക്ഷാകിരണം’ ബോധവത്കരണ കലായാത്ര സംഘടിപ്പിച്ചു.
തൃശൂർ സെന്റ് തോമസ് കോളജിൽ ജില്ലാ പോലീസ് മേധാവി നകുൽ രാജേന്ദ്ര ദേശ്മുഖ് ഉദ്ഘാടനം ചെയ്തു. ഇസാഫ് ഫൗണ്ടേഷൻ എക്സിക്യൂട്ടീവ് ഡയറക്ടർ മെറീന പോൾ അധ്യക്ഷത വഹിച്ചു. ഇസാഫ് ബാങ്ക് എംഡിയും സിഇഒയുമായ ഡോ. കെ. പോൾ തോമസ് മുഖ്യപ്രഭാഷണം നടത്തി. കോളജ് പ്രിൻസിപ്പൽ റവ.ഡോ. മാർട്ടിൻ കൊളന്പ്രത്ത്, ഇസാഫ് ഫൗണ്ടേഷൻ ഡയറക്ടർ ഡോ. ജേക്കബ് സാമുവൽ, ഇസാഫ് മൾട്ടിസ്റ്റേറ്റ് അഗ്രോ കോ-ഓപ്പറേറ്റീവ് സിഇഒ ജോർജ് തോമസ്, സെഡാർ റീട്ടെയിൽ മാനേജിംഗ് ഡയറക്ടർ അലോക് തോമസ് പോൾ, സെന്റ് തോമസ് കോളജ് എക്സിക്യൂട്ടീവ് മാനേജർ റവ. ഫാ. ബിജു പാണേങ്ങാടൻ, എൻഎസ്എസ് പ്രോഗ്രാം ഓഫീസർ ഡോ. ഡെയ്സണ് പാണേങ്ങാടൻ, ജില്ലാ എൻഎസ്എസ് പ്രോഗ്രാം ഓഫീസർ രഞ്ജിത്ത് വർഗീസ് എന്നിവർ പ്രസംഗിച്ചു.
തൃശൂർ, പാലക്കാട്, മലപ്പുറം, വയനാട്, കോഴിക്കോട് ജില്ലകളിലെ ഇരുപതിലധികം കോളജുകളിലും പൊതുസ്ഥലങ്ങളിലും ബോധവത്കരണ കാന്പയിനുകൾ, വിദഗ്ധരുടെ കൗണ്സലിംഗ് ക്ലാസുകൾ, സാംസ്കാരികപരിപാടികൾ എന്നിവ സംഘടിപ്പിച്ചു.
Tags : ESAF Small Finance Bank