16

കൊ​ട്ടാ​ര​ക്ക​ര: വി​യ​റ്റ്‌​നാ​മി​ല്‍ ഉ​ണ്ടാ​യ ദാ​രു​ണ​മാ​യ ബോ​ട്ട​പ​ക​ട​ത്തി​ല്‍ മരിച്ച കൊ​ട്ടാ​ര​ക്ക​ര സ്വ​ദേ​ശി​ക​ളാ​യ എ.​സി.​തോ​മ​സി​നും (ജോ​മോ​ന്‍ - 57) ഭാ​ര്യ ലൗ​നി തോ​മ​സി​നും (56) ജ​ന്മ​നാ​ട് ക​ണ്ണീ​രോ​ടെ വി​ട ന​ല്‍​കി.

വി​ക്ട​റി വ്യ​വ​സാ​യ ഗ്രൂ​പ്പ് ഉ​ട​മ​യും സാ​മൂ​ഹി​ക രം​ഗ​ത്തെ സ​ജീ​വ സാ​ന്നി​ധ്യ​വു​മാ​യി​രു​ന്ന എ.​സി. തോ​മ​സി​ന്‍റെയും ഭാ​ര്യ​യു​ടെ​യും വി​യോ​ഗം നാ​ടി​നെ​യാ​കെ അ​ഗാ​ധ​മാ​യ ദുഃ​ഖ​ത്തി​ലാ​ഴ്ത്തി​യി​രു​ന്നു.

വി​യ​റ്റ്‌​നാ​മി​ല്‍​നി​ന്ന് കേ​ന്ദ്ര സ​ര്‍​ക്കാ​രി​ന്‍റേ​യും നോ​ര്‍​ക്ക​യു​ടെ​യും സ​ഹാ​യ​ത്തോ​ടെ തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ല്‍ എ​ത്തി​ച്ച മൃ​ത​ദേ​ഹ​ങ്ങ​ള്‍ കൊ​ട്ടാ​ര​ക്ക​ര​യി​ലെ​ത്തി​ച്ചു.
തു​ട​ര്‍​ന്ന് കൊ​ട്ടാ​ര​ക്ക​ര ജൂ​ബി​ലി മ​ന്ദി​ര ചാ​പ്പ​ലി​ല്‍ രാ​വി​ലെ പ​ത്തു​മു​ത​ല്‍ ഉ​ച്ച​ക​ഴി​ഞ്ഞ് മൂ​ന്നു​വ​രെ പൊ​തു​ദ​ര്‍​ശ​ന​ത്തി​ന് വെ​ച്ച ഭൗ​തി​ക​ദേഹങ്ങ ളിൽ ജ​ന​പ്ര​തി​നി​ധി​ക​ളും സു​ഹൃ​ത്തു​ക്ക​ളും വ്യാ​പാ​രി​ക​ളും ഉ​ള്‍​പ്പെ​ടെ ആ​യി​ര​ക്ക​ണ​ക്കി​ന് ആ​ളു​ക​ളാ​ണ് അ​ന്ത്യാ​ഞ്ജ​ലി അ​ര്‍​പ്പി​ച്ച​ത്.

എം​പി​മാ​രാ​യ കൊ​ടി​ക്കു​ന്നി​ല്‍ സു​രേ​ഷ്, എ​ന്‍.​കെ. പ്രേ​മ​ച​ന്ദ്ര​ന്‍, മു​ന്‍ എം​പി ചെ​ങ്ങ​റ സു​രേ​ന്ദ്ര​ന്‍, മു​ന്‍ ഡെ​പ്യൂ​ട്ടി സ്പീ​ക്ക​ര്‍ ചി​റ്റ​യം ഗോ​പ​കു​മാ​ര്‍, മു​ന്‍​മ​ന്ത്രി​മാ​രാ​യ കെ.​എ​ന്‍ ബാ​ല​ഗോ​പാ​ല്‍, കെ. ​ബി ഗ​ണേ​ഷ് കു​മാ​ര്‍, മു​ല്ല​ക്ക​ര ര​ത്‌​നാ​ക​ര​ന്‍, മു​ന്‍ എം​എ​ല്‍​എ​മാ​രാ​യ ഐ​ഷാ പോ​റ്റി, എ​ഴു​കോ​ണ്‍ നാ​രാ​യ​ണ​ന്‍, ഡി​സി​സി പ്ര​സി​ഡ​ന്‍റ് രാ​ജേ​ന്ദ്ര​പ്ര​സാ​ദ് തു​ട​ങ്ങി രാഷ്ട്രീയ, സാ​മൂ​ഹ്യ, സാം​സ്‌​കാ​രി​ക മേ​ഖ​ല​ക​ളി​ലെ നി​ര​വ​ധി പേർ അ​ന്ത്യാ​ഞ്ജ​ലി അ​ര്‍​പ്പി​ക്കാ​നെ​ത്തി.

മാ​ര്‍​ത്തോ​മ്മാ സ​ഭ​യു​ടെ കൊ​ട്ടാ​ര​ക്ക​ര പു​ന​ലൂ​ര്‍ ഭ​ദ്രാ​സ​നാ​ധി​പ​ന്‍ തോ​മ​സ് മാ​ര്‍​ തീ​ത്തോ​സ് തി​രു​മേ​നി​യു​ടെ പ്ര​ധാ​ന കാ​ര്‍​മി​ക​ത്വ​ത്തി​ലാ​ണ് ആ​രാ​ധ​ന​ക​ള്‍ ന​ട​ന്ന​ത്.

കൂ​ടാ​തെ സ​ഭാ​മേ​ല​ധ്യ​ക്ഷ​ന്മാ​രാ​യ കൂ​റി​ലോ​സ്, സെ​റാ​ഫി​ന്‍, ബ​ര്‍​ണ​ബാ​സ് തി​മോ​ത്തി​യോ​സ് മെ​ത്രാ​പ്പോ​ലീ​ത്ത​മാ​രും ഓ​ര്‍​ത്ത​ഡോ​ക്‌​സ് സ​ഭ പു​ന​ലൂ​ര്‍ കൊ​ട്ടാ​ര​ക്ക​ര ഭ​ദ്രാ​സ​നാ​ധി​പ​ന്‍ യൂ​ഹാ​നോ​ന്‍ മാ​ര്‍ തേ​വോ​ദോ​റോ​സ്, മ​ല​ങ്ക​ര ക​ത്തോ​ലി​ക്ക സ​ഭ മെ​ത്രാ​പ്പോ​ലീ​ത്ത ജോ​ഷ്വാ മാ​ര്‍ ഇ​ഗ്‌​നാ​ത്തി​യോ​സ്, സി​എ​സ്‌​ഐ മെ​ത്രാ​പ്പോ​ലീ​ത്ത ജോ​സ് ജോ​ര്‍​ജ് തു​ട​ങ്ങി​യ​വ​രു​ടെ സാ​ന്നി​ധ്യ​ത്തി​ലും കാ​ര്‍​മി​ക​ത്വത്തി​ലു​മാ​ണ് ച​ന്ത​മു​ക്കി​ലെ മാ​ര്‍​ത്തോ​മാ വ​ലി​യ പ​ള്ളി​യി​ലെ സെ​മി​ത്തേ​രി​യി​ല്‍ സം​സ്‌​കാ​ര ശു​ശ്രൂ​ഷ​ക​ള്‍ ന​ട​ന്ന​ത്.

Tags : Local News Nattuvishesham Kollam