7

കൂ​ത്താ​ട്ടു​കു​ളം: നി​ർ​മാ​ണ സ്ഥ​ല​ത്തെ പ​രി​മി​ത സൗ​ക​ര്യ​ങ്ങ​ളി​ലും പ​ച്ച​ക്ക​റി കൃ​ഷി ചെ​യ്ത് നൂ​റു​മേ​നി വി​ള​വുമായി ഇ​ത​ര​സം​സ്ഥാ​ന തൊ​ഴി​ലാ​ളി. കൂ​ത്താ​ട്ടു​കു​ളം ഗ​വ. യു​പി സ്കൂ​ളി​ലെ പു​തി​യ മ​ന്ദി​ര​ത്തി​ന്‍റെ നി​ർ​മാ​ണ​ത്തി​നെ​ത്തി​യ ബി​ഹാ​ർ സ്വ​ദേ​ശി വി​ജ​യ് ആ​ണ് ത​ന്‍റെ താ​മ​സ​സ്ഥ​ല​ത്തെ കൃ​ഷി​യി​ലൂ​ടെ മാ​തൃ​ക​യാ​കു​ന്ന​ത്. ബി​ഹാ​റി​ലെ ബ​ത്തി​യ ജി​ല്ല​യി​ലു​ള്ള ഗ​ബ്ന​ഹാ സ്വ​ദേ​ശി​യാ​ണ് വി​ജ​യ്.

മൂ​ന്ന് മാ​സം മു​ൻ​പാ​ണ് ക​രാ​റു​കാ​ര​നൊ​പ്പം വി​ജ​യ് സ്കൂ​ളി​ലെ​ത്തി​യ​ത്. സ്കൂ​ൾ വ​ള​പ്പി​ൽ നി​ർ​മാ​ണ ക​മ്പ​നി ന​ൽ​കി​യ താ​ല്ക്കാ​ലി​ക താ​മ​സ​സ്ഥ​ല​ത്താ​ണ് താ​മ​സം. ഇ​വി​ടെ കി​ണ​റി​നോ​ട് ചേ​ർ​ന്നു​ള്ള ര​ണ്ട് സ്ക്വ​യ​ർ മീ​റ്റ​ർ സ്ഥ​ല​ത്താ​ണ് ഈ ​വേ​റി​ട്ട കൃ​ഷി. പ​ന്ത​ലി​ട്ട് ചു​ര​ക്ക​യും മ​ത്ത​നും പ​ട​ർ​ത്തി​യി​രി​ക്കു​ന്നു.

താ​ഴെ വെ​ണ്ട, ചീ​ര, പ​യ​ർ തു​ട​ങ്ങി​യ വി​വി​ധ​യി​നം പ​ച്ച​ക്ക​റി​ക​ളു​മു​ണ്ട്. നാ​ട്ടി​ൽ കൃ​ഷി​യു​ണ്ടാ​യി​രു​ന്നെ​ങ്കി​ലും അ​തു​പ​യോ​ഗി​ച്ച് ജീ​വി​ക്കാ​ൻ പ​റ്റാ​ത്ത സാ​ഹ​ച​ര്യ​ത്തി​ലാ​ണ് വി​ജ​യ് കേ​ര​ള​ത്തി​ലെ​ത്തി​യ​ത്. പ​രി​മി​ത​മാ​യ ഈ ​സ്ഥ​ല​ത്തെ കൃ​ഷി​യി​ൽ നി​ന്ന് ത​നി​ക്ക് ആ​വ​ശ്യ​മു​ള്ള പ​ച്ച​ക്ക​റി​ക​ൾ പൂ​ർ​ണ​മാ​യും ല​ഭി​ക്കു​ന്നു​ണ്ടെ​ന്ന് വി​ജ​യ് സ​ന്തോ​ഷ​ത്തോ​ടെ പ​റ​യു​ന്നു.

പൂ​ർ​ണ​മാ​യും ജൈ​വ​രീ​തി​യി​ലാ​ണ് കൃ​ഷി. ജൈ​വ​മാ​ലി​ന്യ​ങ്ങ​ളും ചാ​ര​വും മാ​ത്ര​മാ​ണ് വ​ള​മാ​യി ഉ​പ​യോ​ഗി​ക്കു​ന്ന​ത്. രാ​സ​വ​ള​ങ്ങ​ളോ കീ​ട​നാ​ശി​നി​ക​ളോ ഒ​ട്ടും ഉ​പ​യോ​ഗി​ക്കു​ന്നി​ല്ല. പ​ച്ച​ക്ക​റി കൃ​ഷി​ക്ക് പു​റ​മെ, സ്കൂ​ൾ അ​ന്ത​രീ​ക്ഷ​ത്തി​ന് കോ​ട്ടം ത​ട്ടാ​ത്ത രീ​തി​യി​ൽ നി​ർ​മാ​ണ സ്ഥ​ല​വും പ​രി​സ​ര​വും വൃ​ത്തി​യാ​യി സൂ​ക്ഷി​ക്കാ​നും വി​ജ​യ് ശ്ര​ദ്ധി​ക്കു​ന്നു​ണ്ട്.

സ്കൂ​ളി​ലെ പ​രി​സ്ഥി​തി ക്ല​ബ് നി​ർ​മി​ച്ച പൂ​ന്തോ​ട്ടം പ​രി​പാ​ലി​ക്കാ​നും ഈ ​തൊ​ഴി​ലാ​ളി സ​മ​യം ക​ണ്ടെ​ത്തു​ന്നു. നാ​ട്ടി​ൽ ഭാ​ര്യ​യും ര​ണ്ടി​ലും നാ​ലി​ലും പ​ഠി​ക്കു​ന്ന മൂ​ന്ന് കു​ട്ടി​ക​ളു​മ​ട​ങ്ങു​ന്ന​താ​ണ് വി​ജ​യി​ന്‍റെ കു​ടും​ബം.

Tags : Local News Nattuvishesham Ernakulam